Pu’aka ñavense haĝua adversario-pe

Elder Peter M. Johnson rupive

Setenta pegua

¿Mba’éichapa jajuhu upe py’aguapy, ñanemandu’a mávapa ñande ha ñavense umi mbohapy adversario táctica?

Che hermano ha hermanakuéra, che’aguije peẽme opa mba’e pejapóvare oiko haĝua pendehegui, ha peipytyvõ ambuekuérape oiko haĝua chuguikuéra Jesucristo seguidor añetéva ha tovy’a umi templo sagrado jehovasakuéra.re. Aguije avei pene py’aporã rehe. Peẽ penderechapyrã ha peneporãiterei.

Ajerure’asy tajahechakuaa Espiritu Santo influencia confirmadora ñantende porãvo ñande ha’eha Tupã ta’yrakuéra. “La Familia: Una Proclamación para el Mundo”-pe oñe’afirma: “Opa yvypóra, kuimba’e ha kuña, ojejapo Tupã ra’angáicha. “Peteĩ teĩ ha’e Tuvakuéra Yvagagua ra’y térã rajy ojehayhuetéva ha, upéicha avei, peteĩ teĩ oreko peteĩ naturaleza ha peteĩ destino divino”¹ Ñande ha’e”…espíritus selectos [jaje]rreservava’ekue ñanase haĝua kumplimiento árape, japarticipa haĝua pe tuicha obra de los últimos días pyenda ñemoĩme”² Presidente Russell M. Nelson he’i: “Oñembo’eva’ekue peẽme mundo de los espíritus-pe peñembosako’i haĝua oimeraẽ mba’e ha opaite mba’e ĝuarã pembohovakétava ko’ã ultima parte ára pahapegua (tojehecha D&C 138:56). ¡Umi ñehekombo’e opyta pendepype!”³.

Peẽ ha’e Tupã ra’y ha rajykuéra jeiporavopyre; Peguereko pu’aka pevense haĝua pe adversáriope. Upevére, pe adversario, oikuaa mávape peẽ; Ha’e oikuaa pende herencia divina-gui ha oñeha’ã olimita pende potencial terrenal ha celestia ojevalévo ko’ã mbohapy Ds táctica rehe:

Mbotavy
Distracción
Desánimo

Mbotavy

Pe adversario oipuru pe técnica mbotavy rehegua Moisés épokape. Ñandejára he’i Moisés-pe:

“Peina ápe, nde che ra’y […].

“Ha aguereko peteĩ obra ndéve ĝuarã […]; ha nde ha’e che Unigénito joguaha”⁴

Upe gloriosa visión riremínte, Satanás oñeha’ã ombotavy Moisés-pe. Umi ñe’ẽ oipuruva’ekue ininteresante: “Moises, yvypóra ra’y, che’adorami”⁵. Pe mbotavy noĩri invitación o’adora haĝua Satanás-pente, ha katu oĩ avei odescribihaguéicha Moisés-pe yvypóra ra’y ramo. Penemandu’ake Ñandejára he’i ramoite Moisés-pe ha’eha peteĩ Tupã ra’y, ojejapóva pe Unigénito joguaha.

Pe adversario ipohýi oñeha’ãvo ombotavy Moiséspe, ha katu ha’e orresisti chupe: “Tereho chehegui, Satanás, ko úniko Tupãme añónte a’adoráta, ha’éva pe Tupã de gloria.”⁶. Moisés imandu’a mávape ha’e — Peteĩ Tupã ra’y.

Umi Ñandejára ñe’ẽ Moisés-pe oho penderehe ha cherehe. Jaje’apo Tupã ra’angáicha, ha Ha’e oguereko peteĩ obra ñandéve ĝuarã. Pe adversario oñeha’ã ñanembotavy ñanembohesaráivo mávapa ñande añetehápe. Nañantendéirõ mávapa ñande, upéicharamo hasy jahechakuaa mávapa ikatu oiko ñandehegui.

Distracción

Pe adversario oñeha’ã avei ñandedistrae Cristo ha Ikonvenio rapégui. Elder Ronald A. Rasband okomparti ko’a: Pe adversario propósito ha’e ñandedistrae umi testimonios espirituales, ha katu Ñandejára deseo ha’e ñane’ilumina ha japarticipa Hembiapópe.“⁷

Ñande árape oĩ heta distracciones, umíva apytépe Twitter, Facebook, Instagram, juegos de realidad virtual, ha heta hetave. Umi tecnología avance iñincreible, pero ndajajesarekóirõ, ikatu ñandedistrae ñakumpli haĝuagui ñane potencial divino. Jaipurúvo debidamente ikatu oñemanifesta yvaga pu’aka ha oheja jahecha milagrokuéra ñañeha’ãvo ñambyaty pe Israel isarambívape mokõive lado del velo-pe.

Jajesarekóke ha ani ñandedescuidado jaipuru laja pe tecnología.⁸ Jaheka meme mba’éichapa pe tecnología ikatu ñanemo’aĝuive ñande Salvador-gui ha ñanepermiti jajapo Hi’obra ñañembosako’ívo jahávo Isegunda venida-rã.

Pe desánimo

Ipahápe, pe adversario oipota ñañedesanima. Ikatu ñañedesanima ñañekomparávo ambuekuéra ndive térã ñañandurõ ndajavivíri hína oñeha’arõháicha ñandehegui, jepe ñande ñaha’arõháicha.

Añepyrũvo che programa de doctorado, añeñandu desanimado. Cuatro estudiante añónte oje’acepta upe programa-pe upe año, ha umi ambue ibrillante. Inotakuéra ijyvateve ha oguerekove experiencia laboral puesto directivo del alto nivel-pe, ha ohechauka confianza ikatupyrykuérape. Mokõi semana rire upe programa-pe, umi sentimiento de desánimo ha duda oñepyrũ oikeve cherehe, haimete chedomina peve.

Adecidi akompletatarõ upe programa de cuatro año, aleeva’erã pe Mormón Kuatiañe’ẽ cada semestre. Cada día, aleévo, ahechakuaa pe Salvador declaración Espiritu Santo chembo’etaha ha chemomandu’ataha opa mba’ére.⁹ Omoañete chéve che ha’eha peteĩ Tupã ra’y, chemomandu’a nañekomparaiva’erã ambuekuéra ndive ha ome’ẽ chéve confianza che función divina-pe aguerekova’erãha éxito.¹⁰

Che amigo-kuéra pohayhuetéva, ajerure’asy peẽme ani peheja avave omonda pendehegui pe vy’apavẽ. Ani peñekompara ambuekuéra ndive. Por favor penemandu’a pe Salvador ñe’ẽnguéra iñamorósova: “Py’aguapy aheja peẽme, che py’aguapy ame’ẽ; ndaha’éi katu pe py’aguapy yvy arigua ome’ẽva, Upévare anítei pene korasõ oñemondýi ni peneangekóitei”¹¹.

Upéicharõ, mba’éichapa jajapóta? Mba’éichapa jajuhu upe py’aguapy, ñanemandu’a mávapa ñande ha ñavense umi mbohapy adversario táctica adescribi’akue?

Peteĩha, penemandu’áke pe peteĩha ha tuicha mandamiento ha’e jahuyhu Tupãme opa ñane korasõ, ánga, apytu’ũ ha mbarete.¹² Opa mba’e jajapóva oĩva’erã motivado mborayhu jaguerekóvare Hese ha Ita’ýrare. Amedida que jadesarrolla mborayhu Hesekuéra, ñande capacidad jajehayhu haĝua ñande jupe ha ambuekuérape okakuaáta. Ñañepyrũta ñame’ẽ servicio ñane familia, amigo ha vecino-kuérape jahechátagui chupekuéra pe Salvador ohechaháicha: Tupã ra’y ha rajykuéra.¹³

Mokõiha, peñembo’e Tupãme Jesucristo rérape cada día, cada día, cada día.¹⁴ Ha’e ñembo’e rupive ikatúva ñañandu Tupã mborayhu ha jahechauka mborayhu jaguerekóva Hese. Ñembo’e rupive jahechauka gratitud ha jajerure mbarete ha py’aguasu ñasomete haĝua ñane voluntad Tupã voluntad-pe ha jajeguía ha jajedirigi opa mba’épe.

Pomokyre’ỹ “pejerure Túvape opa pene korasõ mbarete reheve penerenyhẽ haĝua ko mborayhu[gui]…; oiko haĝua pendehegui Tupã ra’y [ha rajy]kuéra; Ha’e ojehechauka vove ñande ha’e haĝua ha’éicha”¹⁵

Mbohapyha, pelee ha pestudia pe Mormón Kuatiañe’ẽ cada día, cada día, cada día.¹⁶ Che estudio Mormón Kuatiañe’ẽ rehegua iporãve aleévo peteĩ porandu reheve che akãme. Jaleérõ peteĩ porandu reheve, ikatu jarrecibi revelación ha jahechakuaa profeta José Smith he’íkuri añetegua he’ívo “…Mormón Kuatiañe’ẽ [ha’e] icorrectovéva opa ambue kuatiañe’ẽgui ko yvy ári […]; ha peteĩ kuimba’e [térã kuña] oñemoaĝuivéta Tupãre oseguívo ipreceptokuéra ambue kuatiañe’ẽgui”¹⁷ Mormón Kuatiañe’ẽ oguereko Cristo ñe’ẽnguéra ha ñanepytyvõ ñanemandu’a haĝua mávape ñande.

Ipahápe, peparticipa Santa Cena-gui espíritu de oración reheve cada semana, cada semana, cada semana. Ha’e umi ordenanza sacerdocio-gua, umíva apytépe pe Santa Cena, ojehechaukaha rupi ñande rekovépe pe divinidad pu’aka.¹⁸ Élder David A. Bednar ombo’e: “Ordenanza Santa Cena rehegua, ha’e peteĩ invitación sagrada ha recurrente ñañe’arrepentívo sinceramente ha ñañerrenovávo espiritualmente. Pe Santa Cena-pe jepartisipa, ijeheguínte, ndoguerúi pekadokuéra remisión. Ha katu ñañembosako’ívo conscientemente japarticipa hağua ordenansa sagrada-re, peteĩ korasõ quebrantado ha peteĩ espíritu contríto reheve, jaguereko promesa Ñandejára espíritu akóinte oĩtaha ñanendive.”¹⁹

Japarticipávo Santa Cena-gui humildad reheve, ñanemandu’a Jesús sufrimiento-re upe jardín sagrado hérava Getsemaní-pe, ha Isacrificio kurusúre. Ñame’ẽ aguije Túvape omondohaguére Ita’ýra Unigénito, ñande Redentor-pe, ha jahechauka ñane disposición ñaÑongatu haĝua Imandamientokuéra ha ñanemandu’ataha hese.²⁰ Pe Santa Cena ogueru iluminación espiritual; ha’e peteĩ mba’e personal, ipoderoso ha inesesáriova.

Che amigo-kuéra apromete peẽme amedida que ñañeha’ã jahayhu haĝua Tupãme opa ñane korasõ reheve, ñañemboévo Jesucristo rérape, ja’estudia Mormón Kuatiañe’ẽ ha japarticipa Santa Cena-gui espíritu de oración reheve, jaguerekóta capacidad, Ñandejára mbarete reheve, ñavense haĝua umi adversario práctica ñanembotavýva ñaminimiza haĝua umi distracción olimitáva ñane potencial divíno ha jarresisti haĝua pe desánimo omombykýva ñande capacidad ñañandu haĝua ñande Ru Yvagagua ha Ita’ýra mborayhu. Ñantendéta plenamente mávapa ñande Tupã ra’y ha rajykuéraicha.

Che hermano ha hermanakuéra, akomparti penendive che mborayhu ha adeclara che testimonio aikuaaha ñande Ru Yvagagua oikoveha ha Jesús ha’e pe Cristo. Che ahayhu chupekuera. Iglesia de Jesucristo de los Santos de los Últimos Días ha’e pe Tupã rréino ko yvy ári. Jaguereko mandato divino ñambyaty haĝua Israel-pe ha japrepara ko mundo-pe Mesías segunda venida-rã. Jesucristo rérape, Amén.