Ñembo’erã jehecha meme. (Alma 34:39; Moroni 6:4; Lucas 21:36)
Oñeikotevẽ vigilancia py’ỹi oñekontrarresta hağua autocomplacencia ha jepy’apy’ỹ.
Ajerure Espíritu Santo ñepytyvõ peẽme ha chéve ğuarã javy’a ha ja’adora aja oñondive.
Abril 1976-pe, élder Boyd K. Packer oñe’ẽ umi Tupaogua juventuetépe conferencia general-hápe. Upe imensaje clásico hérava “Cocodrilos espirituales”-pe, omombe’u mba’éichapa peteĩ misión aja África-pe, ohecha cocodrilo-kuéra okañy porãva o’ataka hağua umi víctima desprevenida. Upéi ombojoja umi cocodrilo Satana ndive, o’asecháva umi juventu incauto-pe omokañývo upe pekádo naturaleza mortal.
Areko 23 áño élder Packer ome’ẽrõguare upe charla, ha Susan ha che rombosako’i hína ore familia peteĩha ñegueronase ağui . Oreimpresiona upe imensahepe he’íva oje’evita hağua pekádo, ha pe forma magistral, oipurúvo umi mymbakuéra comportamiento ordinario ombo’e hağua peteĩ lección espiritual importante.
Susan ha che avei rohókuri África-pe heta asignación-rã. Ha roreko oportunidad rohechávo umi mymba porãite upe continente-gua. Oremandu’ávo impacto orekova’ekue ore rekovépe élder Packer he’iva’ekue, roñeha’ã rohecha ha roikuaa umi lección importante vida salvaje africana comportamiento rehegua.
Adescribise umi característica ha táctika orekóva mokõi guepardo Susan ha che rohecháva o’asechávo iprésa, ha rombojoja heta umi mba’e rohecháva jepi tekovépe ára ha ára, Jesucristo evangelio-pe .
Guepardo ha topis-kuéra.
Umi guepardo niko mymba iñakuãvéva yvy ári ha ikatúva ohupyty velocidad 120 km / h peve. ko’ã mymba porãite ikatu ipya’eve peteĩ posición de partida-guie, velocidad 109 km / h peve mbohapy segundo mboyve. Ko’ã depredador oñemoağui kirirĩ iprésare ha odispara mbykymi omuña ha o’ataka hağua.
Susan ha che rohasa haimete mokõi hora aja romañávo mokõi guepardo-re o’asechávo peteĩ topis atýpe, umi antílope ojehechavéva ha oĩvéva África-pe. Umi sabana africana kapi’ipe yvate ha ipirúva ikolor marrón dorádova omokañymbaite umi depredador-pe, omuña aja peteĩ topis aty. Umi guepardo ojei ojuehegui haimete 100 yarda (91 m.) metros, ha katu omba’apopa hikuái oñondive .
Peteĩ guepardo oguapy aja derécho kapi’ipépe ha noñemomýi, ambue katu ojayvy yvy peve ha oñemoağui mbeguekatu umi topis desprevenido-re . Upémarõ upe guepardo oguapyva’ekue hína okañy kapi’ipépe ambue guepardo oguapy javete posición vertical-pe. Ko patrón alternativo peteĩ guepardo ojayvy ha otyryry tenonde gotyo, ambue guepardo oguapy aja kapi’ipépe ohasa upéicha heta tiempo . Upe estrategia sigilosava odistraese ha ombotavyse umi topis ha upéicha odesvia iñatención peligro inminente-gui. Paciencia ha constancia reheve, umi mokõi guepardo omba’apo joja o’asegura hağua hembi’u ohupytýtava.
Umi topis ha guepardo atyguasu oñemoağuiva apytépe oĩ heta topis itujave ha imbaretevéva oñemoĩ va centinela-icha, umi termita atýpe. Upe pradera panorama kolína’i guie ñemaña porãvépe, ikatu ko’ã topis guardianes ohecha porãve umi peligro ojehechaukáva.
Upémarõ, sapy’aitépe, umi guepardo-kuéra ha’etévaicha oĩha peteĩ distancia o’ataka hağuáicha, opa topis aty ojere ha osẽ odispara. Ndaikuaái mba’éichapa oñekomunika pe centinela aty tuichavévandi, ha katu oimeháichante oñeme’ẽ peteĩ advertencia, ha opavave topis oho peteĩ tenda seguro-pe.
Ha mba’e ojapo hikuái umi guepardo-kuéra upe rire? Hi’are’ỹre, umi mokõi guepardo oñepyrŭ jey ipatrón alternativo peteĩ guepardo ojayvýva ha otyryrýva tenonde gotyo ambue guepardo oguapy aja kapi’ipépe. Pe jeheka patrón okontinua. Ndopái. Ndopytu’úi ni nomopa’ŭi Ha’ekuéra iñimplakáble osegívo ijestrategia distracción ha desvío rehegua. Susan ha che rohecha umi guepardo-kuéra okañy mombyrývo, akóinte oñemoağuivévo ohóvo umi topis atýre.
Upe pyhare, Susan ha che roguereko peteĩ ñemongeta mandu’arã umi rohecháva ha roikuaávare. Avei rodiscuti upe experiencia ore familia ha ñetokuéra ndive ha rohechakuaa heta lección ovaléva. Ko’áğa amombe’úta mbohapy umi leccion.
Lección # 1: Peñeñangarekóke umi aña disfraz oporombotavysévagui
Chéve ğuarã, umi guepardo-kuéra ha’e criatura elegante, iporã ha ikautivadórava. Hague, ikolor oho sa’yjungy morotĩ hŭngy peve imáncha hŭ ha oikóva peteĩ disfraz porãicha ojapóva ko’ã mymba ojehecha’ỹ nunga o’asecha aja ipresakuéra pradera africana-pe.
Upéicha avei, umi idea ha tembiapokuéra espiritualmente ipeligrósova py’ỹi ha’etevaicha iporãva, ojepotáva térã oporombovy’átava. Upéicha, ñane mundo ko’ağaguápe, peteĩ teĩ ñande ñaimeva’erã conciente ani ñanembotavy aña ojehechaukáva imararangatúva ramo. Isaías he’i haguéicha: “Ái umi heʼíva ivaíva iporãha, ha iporãva ivaiha, omoĩva pytũ tesaperãngue, ha tesape pytũrãngue; omoĩva iróva heʼẽvaramo, ha pe heʼẽva iróvaramo”1.
Peteĩ período paradójico-pe, upe vida humana santidad oñemoherakuã, peteĩ derécho ramo ha pe caos ojehechauka libertad ramo, mba’eichaitépa jajehovasa jaikóvo ko dispensación de los últimos días-pe, Evangelio restaurado resape ikatu jave omimbi ñande rekovépe ha ñanepytyvõ jahechakuaa hağua umi mbotavy iñypytŭva ha adversario distraccion-kuéra.
“Umi iñarandúva ha omoğuahẽva añetegua.ha ojapyhýva Espíritu Santo igía ramo, ha noñembotavýiva—añete ha’e noñekytĩmo’ãiha ha ndojepoimo’ãiha tatápe, sino opytáta ára aja.”2
Lección # 2: eñemantene jepáype ha eñemantene alerta
Peteĩ topi-pe ğuarã, peteĩ descuido sapy’aite térã falta de atención-pe ikatu o’invita peteĩ guepardo atáke pya’épe. Upéicha avei, pe complacencia espiritual ha pe informalidad ojapo ñanekangy adversario renondépe. Pe consideración espiritual jereko’ỹ ogueru peteĩ peligro tuicháva ñande rekovépe.
iStock.com/Angelika
Nefi omombe’u mba’éichapa ko’ã últimos días-pe Satana oñeha’ãta ombopy’aguapy ha omonge Tupã ra’ykuérape, peteĩ falso sentido “seguridad carnal” rehegua, “he’ítava: Opa mba’e oĩporã Sión-pe; Heẽ, Sión oñakãrapu’ã, opa mba’e oĩporã.—ha upéicha aña ombotavy hi’ángakuéra, ha ogueraha porã chupekuéra añaretãme”.3
Oñeikotevẽ vigilancia py’ỹi oñekontrarresta hağua autocomplacencia ha jepy’apy’ỹ. Vigilante ñeime ha’e pe estado térã tembiapojevigila ñeñangarekopeligro térã dificultad ikatúvare ou. Vigilar ohechauka peteĩ acto upe ñemombáype jepytaoñeñangareko ha oñemo’ã hağua Oñeñe’ẽvo espiritualmente, japytava’erã jepáype ha japyta aténto Espíritu Santo impulso-pe ha umi señales oúva Ñandejára atalaya-gui torrekuéra guie.4
“Heẽ , ha avei ro’exhorta ... tapepyta aténto ñembo’e py’ỹime, ani hağua rejeguerahauka aña tentacion-kuérare ... péina ápe, ha’e nome’ẽi mba’eve iporãva.5
Ñamombytérõ ñande rekove Ñandejára ha Iñevangelio-pe, opermiti ñandéve ñavense pe hombre natural tendencia ñaime’ỹ hağua espiritualmente alerta ha ñane’ate’ỹvo. Jajehovasa tesa reheve, jahecha hağua ha apysáre ñahendu hağua 6pe Espíritu Santo ikatu omongakuaa ñande kapasida jahecha ha ñahendúvo ikatúrõ jepi nañapensái tekotevẽha ñamaña térã ñahendu térã ndaikatúi ramo ñapensa ikatuha jahecha térã ñahendu.
Pehecha, upévare, tapeime lísto7
Lección # 3: Eikuaa pe enemigo intención
Peteĩ guepardo ha’e peteĩ depredador oñealimentáva jepi ambuekuéra mymbáre Ára pukukue, ára ha ára, peteĩ guepardo ha’e peteĩ depredador.
Satana “ha’e pe tekojoja enemigo ha umi ohekáva jepi ojapo hağua Tupã potapy”.8 Ára pukukue, opa ára, iñintención ha ipropósito peteĩ ha’e tojapo Tupã ra’y ha rajykuéra taimiserable ha’éicha.9
Túva plan de felicidad ojejapo ome’ẽ hağua dirección Ita’yrakuérape, oipytyvõ hağua chupekuéra oñandúvo vy’apavẽ opytáva ha ogueraha jeýtava chupekuéra salvo hete oikove jeývare ha exaltado reheve. Aña omba’apo okonfundi ha ovy’a’ỹ hağua Tupã ra’y ha rajykuéra ha omoapañuãi hağua iprogreso eterno. Pe adversario omba’apo implacablemente o’ataka hağua umi Túva plan elemento-kuéra ohayhu’ỹetevéva.
Satana ndahetéi, ha iprogreso eterno opytava’ekue. Peteĩ díke omombytaháicha pe y osyrýva peteĩ ysyry opytaha peve, pe adversario progreso eterno ojehecha frustrado ndahetéigui. Irrebelión rupi, Lucifer-ete oñenega opa umi tovasapy ha experiencia mortal ikatútava ohupyty peteĩ tabernáculo ho’óva ha ikanguéva rupi. Peteĩ ñe’ẽ significado bíblico imbaretevéva rupi.condenado ojehechauka pe ikatu’ỹháichava oprogresa ha oğuahẽ ha’e hağua Ñande Ru Yvagaguáicha.
Peteĩ rete jeguereko oĩ haguére Túva plan de felicidad mbytetépe ha ñande desarrollo espiritual-pe, Lucifer oheka ofrustra ñande progresión ñanetentávo jaipuru hağua ñande rete jaipuru’ỹ hağuáicha. Presidente Russell M. Nelson ombo’ékuri seguridad espiritual amo ipahápe, oĩha pe “‘araka’eve oñeme’ẽ’ỹramo upe paso tentador peteĩha ojeho hağua ojeho’ỹva’erãhápe ha ojejapo hağua ojejapo’ỹva’erã”’ … Ser humano-icha, opavave yvypora jaguereko apetitos [físicos] oñeikotevẽva ñande supervivencia-rã. Ko’ã apetito iñesencialeterei tekove perpetuación-pe ğuarã. Upéicharõ, mba’e ojapo upe adversario? … Ñande’ataka ñande apetito-kuéra rupive. Ñanetenta ja’u hağua umi mba’e ja’u’ỹva’erã, jaisyryku hağua umi mba’e jaisyryku’ỹva’erã ha japorohayhu hağua japorohayhu’ỹva’erãháicha!10
Peteĩva umi eternidad principal ironía ha’e pe adversario, ovy’a’ỹva ndoguerekóire hete, ñane’invita ha ñandegueru ñakomparti hağua imiséria ñande rete jepuru vai rupive. Pe herramienta-ite oguereko’ỹva ha ikatu’ỹva oipuru ha’e, upévare, pe objetivo principal orekóva, oñeha’ã ñandegueraha pe destrucción física ha espiritual-pe.
Jaikuaa pe enemigo intención ivital umi atáke ikatúvape ou, ñembosako’i efectiva-pe ğuarã.11 Upevareite, Capitán Moroni oikuaáre umi lamanita-kuéra intención, oĩ preparado ojetopa hağua hendiekuéra oğuahẽvo ha osẽ victorioso.12 Ha avei upe principio ha promesa oje’aplika peteĩ teĩ ñandéve.
Peñembosako’i ramo, ndapekyhyjemo’ãi .
“Ha ikatu hağuáicha rejei pe enemigo poder-gui.”13
Invitación, promesa ha testimonio
Ikatuháicha ojeikuaa umi lección importante, ojehechávo umi guepardos ha topis comportamiento, peteĩ teĩ ñande, ohekava’erã umi lección ha advertencia oĩ ára ha ára umi acontecimiento sencillo ñande rekovépe . Jahekávo peteĩ ménte ha peteĩ korasõ ojepe’áva orresibi hağua dirección celestial Espíritu Santo poder rupive, heta umi instruccion iporãvéva ikatútava jarresibi ha heta umi advertencia imbaretevéva ikatútava ñanemo’ã, oñepyrŭta umi ñande experiencia ordinaria-pe. Escritura-kuérape, ñande rekovépeicha avei, jajuhu parábola imbaretéva.
Adestaka mbohapýnte umi heta leccion apytépe ikatúva ojehecha upe aventura Susan ha che roguerekova’ekuépe África-pe. Po’invita ha poromokyre’ỹ perreflexiona hağua ko’ã guepardo ha topis episodio-re ha peheka umi leccion oĩvéva peẽ ha pene familia-kuérape ğuarã. Penemandu’a akóinte pende róga ha’eha pe Evangelio aprendizaje ñemombyte añete ha jeikove.
Oñembohováivo fe reheve ko invitación, oúta pene akãme umi pensamiento inspirado, umi sentimiento espiritual okakuaáta pene korasõme ha pehechakuaáta umi tembiapo oñepyrŭva’erã térã oñekontinuava’erã ikatu hağuáicha “pejapyhy [upe] pende ári [pe] armadúra [Tupã mba’e] ikatu hağuáicha pendepu’aka ára vaíre, pejapopávo, ikatu hağuáicha, perresisti ”.14
Apromete umi tovasapy preparación efectiva ha protección espiritual rehegua ojehekuavotaha pende rekovépe peime aja aténto ha peñembo’e py’ỹi aja.
Atestifika ojeho ramo tenonde gotyo pacto rapére, ome’ẽtaha seguridad espiritual ha o’invitáta vy’a opave’ỹva ñande rekovépe. Ha che ha’e testigo pe Salvador oikove jeyva’ekue ha oikovéva ñanesostenetaha ha ñanemombaretéta ára porã ha ára vai jave. Atestifika ko’ã añeteguáre, Jesucristo réra sagrado-pe. Amén.