![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Ff4%2Fc2%2Ff4c2447d532551621196ce6f1dce84c07fe3bdfb%2Ff4c2447d532551621196ce6f1dce84c07fe3bdfb.jpeg/full/!250,/0/default)
Pendefiel, ani peneinfiel
Ñamoĩva’erã tiempo cada dia ñañe desconecta hag̃ua pe mundo-gui ha ñañe conecta yvága ndive.
Nda’aréi apay ha ajeprepara astudia hag̃ua umi escritura. Ajagarra che teléfono inteligente ha amoĩ apyka ári che rupa ykére aabri hag̃ua aplicación de la Libreria de la Iglesia. Adesbloquea che teléfono ha añepyrũta jave astudia ahecha media docena notifikasiõ mensaje de texto-pegua ha correo electrónico pyhare aja ouakue. Ha apensa, “Pya’e pya’e amañáta ko’ã mensáhe ha upeguiete aleéta pe escritura”. Ha péicha, dos hora upe rire aleénte gueteri umi mensaje de texto, correo, resumen de noticia ha umi rede social-pe ojehaíva. Ahechakuaávo mba’e hora-pa, pya’ete ajeprepara amoñepyrũ hag̃ua upe ára. Upe pyhareve ndastudiái che escritura, ha péicha rupi ndaguerekói pe nutrisiõ espiritual aha’arõva
Nutrisiõ Espiritual
Aime seguro heta peẽ ikatuha pentende. Tecnología moderna ñanderovasa heta hendáicha. Ikatu ñane conecta amigo ha familiar ndive, información ndive, ha noticia umi oikóva mundo jerére ndive. Upevére, ikatu avei ñande distrae pe conección iñimportantevéagui: ñañe conección yvága ndive.
Ha’ejeýta ñande profeta, President Russell M. Nelson he’iakue: “Javivi peteĩ mundo ikomplikádo ha ivaivévape ohóvo” Pe redes sociales akóinte oĩva disponible ha 24 hora de noticia ñande apíva mensaje ndaikatúivape ñamokirirĩ. Jarekoséramo esperanza ñahesa’ỹijo hag̃ua umi hetaite ñe’ẽ ha pe filosofia de los hombres oatakáva pe añetegua, ña’aprendeva’erã jarrebici rrevelasiõ.
Presidente Nelson oavisákuri “umi ára oúvape, ndaikatumo’ãiha jasobrevivi espiritualmente pe Espiritu Santo influencia guiadora, orientadora, consoladora ha constante’ỹre”1.
Ojapo heta ary, Presidente Boyd K. Packer omombe’u peteĩ guasu aty, onevá mbarete rupi, osẽva’ekue henda ojepokuaahágui ha pévare ikatu ohasa peteĩ desnutrisiõ. Tapichakuéra ipy’aporãva, osalvaségui umi guasu, ohykuavo kamiõme kapi’i kã pe tenda jerére—ndaha’éi tembi’u guasukuéra jepigua ho’úva, ha katu oha’arõ hikuái al meno oipytyvõta umi guasúpe ohasa hag̃ua pe araro’y.. Ñambyasyrã, hetave umi guasu omano. Ho’úkuri hikuái pe kapi’i kã, ha katu nonutriri chupekuéra, ha omano ñembyahýigui py’a renyhẽre2.
Hetaite mensaje ñande apíva ko era de la información-pe ha’e pe equivalente espiritual ñamongarurõ guasu kapi’i kãme—ikatu ja’u opa ára pukukue, ha katu nañanenutrimo’ãi.
Moõ jajuhúta nutrisiõ espiritual añetegua? Py’ỹinte ndaha’éi tendencia redes sociales-pe. Jajuhu “[jaha] tenondevéramo” pe konvénio rapére, “jajejagarrávo pe barra de hierro apýrape”, ha ja’u pe yvyramáta’a3. Péva he’ise ñame’ẽva’erã tiempo cada dia ñañe desconecta hag̃ua pe mundo-gui ha ñañe conecta yvága ndive.
Ko kerarechápe, Lehi ohechákuri tekove ho’úva pe yva ha katu upéi ohejarei pe tuicha ha ipyrusúva óga influencia rupi, pe mundo orgullo.4 Ikatu tapicha imitã ha okakuaáva hogar Santo de los Ultimos Dias-pe, oasistíva opa Tupao reunión ha clase-pe ha oparticipáva jape umi ordenanza del Templo, upéi osẽ ha “ho’a tape oñembotovévape ha [o]kañy”5. Mba’ére ojehu péva? Hetave kaso ojehu ohasáramo jepe hikuái pe espiritualidad ñeñandu, noñekonverti añetéiri. Oñemongarúkuri ha katu noñenutriri.
Peicha’ỹ katu, aikuaákuri heta peẽ hoven Santo de los Ultimos Dias pejajái, pene mbarete ha pende fielva. Peẽ peikuaa ha’eha Tupã ra’y ha rajy ha Ha’e oguereko tembiapo peẽme g̃uarã. Pehayhu Tupãme opa pene “korasõ, ánga, apytu’ũ ha mbarete reheve”6. Peñongatu pene konvénio ha peservi pende rapichakuéra, peñepyrũvo pende rógape. Pemomba’apo fe, peñe’arrepenti ha pe’mehora cada dia, ha péva ogueru peẽme vy’apavẽ opa’ỹva. Peñembosako’i umi jehovasa del templo-pe g̃uarã ha ambue oportunida peguerekótava Salvador seguidor verdadero ramo. Ha peipytyvõ pembosako’i hag̃ua mundo para la Segunda Venida, pe’invitávo opavave ou hag̃ua Cristo-pe ha orrecibi Hi’expiasiõ rehegua jehovasa. Peñe’conecta yvága ndive.
Heẽ, pembohovake umi desafio. Ha katu opa henerasiõ péicha ojapo avei. Ko’ãva ha’e ñande ára, ha ñande fiel’va’erã, ani ñane infiel. Atestifika Ñandejára oikuaaha ñande desafio ha Presidente Nelson liderazgo rupive ñande prepara hina jaikuaa hag̃ua Chupe. Arovia pe profeta nda’aréi ojeruréva, peteĩ tupao ogapýpe-oñe’centráva, ojerrespaldáva umi mba’e jajapóvare ñande edificio-pe, 7 ojejapoha ñane pytyvõ hag̃ua ja’sobrevivi—ñañakãrapu’ã jepe—ko’ã desnutrisiõ espiritual árape.
Ogapýpe Oñe’centráva
Mba’e he’ise peteĩ tupao ogapýpe-oñe’centráva? Ogapykuéra ikatu napeteĩcha mundo-pe. Peẽ ikatu peime familia oĩva Tupaópe heta henerasiõma. Térã peẽ ikatu ha’e unico miembro de la Iglesia pene famíliape. Ikatu pemenda térã pemenda’ỹ, pereko mitã pende rógape térã nahániri.
Taha’e ha’e mba’e pehasáva hina, ikatu pejapo pende rogapýgui pe centro de aprendizaje y vida del evangelio. Simplemente he’ise jajagarra responsabilidad personal ñañe konversiõ ha ñane crecimiento espiritual rehe. He’ise jasegui Presidente Nelson ñemoñe’ẽ “[ñambopyahu ñande] róga ha’e hag̃ua santuario de fe”8.
Pe aña oñeha’ãta pende persuadi pe nutrisiõ espiritual natekotevẽiha térã, mbotavy rupi, ikatuha peha’arõ. Ha’e ningo pe ñeñatende’ỹ mbo’ehára ha pe ñemoha’arõ apohare. Ha’e ohenóita pene atensiõ mba’e ha’etévare urhénte ha katu iñimportante’ỹva. Ha’e oipota “pejepy’apy heta mba’ére” ha napeñatendéi “peteĩ mba’énte [oñei]kotevẽvare”9.
Che aguijete ningo “sy ha túva marangatúre”10 omongakuaava’ekue hóga oĩháme constante nutrición espiritual, relación amorosa ha actividad recreativa saludable, Mba’epy ome’ẽva’ekue chéve hikuái che huventúpe heta chepytyvõ. Tuvakuéra, pemopu’ãmike relación mbarete pene familia-kuéra ndive. Ha’ekuéra oikotevẽve pene tiempo, ndaha’éi menove,
Tupao Pytyvõ
Péva pejapóvo, pe Tupao oĩ ko’ápe pene pytyvõ hag̃ua. Ñane rembiasa tupaópe ikatu omombarete pe nutrisiõ espiritual ñande rogapegua. Ko ary ohasáva jahechákuri péichagua Tupao pytyvõ Escuela Dominical ha Primaria-pe. Jahechavéta hina Sacerdocio Aarónico ha Mujeres Jóvenes reunión-pe avei. Ko Enero, pe plan de estudio ko’ã reunión-pe g̃uarã oñekambia’imíta. Oñe’enfokáta gueteri temas del evangelio-pe, ha katu ko’ã tema oje’igualátaVenid a Mi—para uso Individual y Familiar-re. Kóva ha’e kámbio michĩva, ha katu tuicha impacto ikatu oreko ñande huventu nutrisiõ espiritual-re.
Mba’e ambue pytyvõ oikuave’ẽ pe Tupao? Tupaópe ja’u Santa Cena, ñanepytyvõva ñañekompromete jevy hag̃ua ñande Salvador ndive cada semana. Ha Tupaópe ñañembyaty ambue tapicha oroviáva ndive ojapóva peteĩchagua konvénio. Umi mborayhu jarekóva ambue Jesucristo discípulo ndive ikatu ha’e pytyvõ ipoderósova ñande discipuládo centrado en el hogar-pe.
Arekóvo guare 14, che familia ova vecindário pyahúpe. Ko’ág̃a, péva ikatu nda’ivaietéi peẽme g̃uarã, ha katu che apyty’ũme, upe jave, ivaietékuri. He’ise oimetaha tekove aikuaa’ỹva ndive. He’ise opa ambue hombre jóven che barrio-gua ohotaha ambue escuela che ahaha. Che apytu’ũ de 14 áñope apensákuri, “Mba’éicha piko che rukuéra ojapo cherehe péva?” Añandu che rekove oñearruinaha.
Upevére, ore actividad de Hombres Jóvenes-pe ikatúkuri omopu’ã relación ambue che quórum-gua ndive, ha oiko chuguikuéra che anguirũ. Ha upéva ári, miembro obispádo-pegua ha umi consejero del Sacerdocio Aarónico oñe’interesa añete cherekovére. Oho hikuái che actividad atlética-pe Ohai hikuái chéve nota de aliento ko ára peve añongatúva. Oñemongeta hikuái chendive aha rire facultad-pe jepe ha asẽvo guare misión-pe. Peteĩva ha’ekuéra ohókuri aeropuerto-pe ajúvo guare ógape. Akóinte che aguijéta ko’ã anguirũ porã rehe ha pe mborayhu joaju ha ñeha’arõ yvate orekóvare chehegui. Oseñalava’ekue hikuái chéve yvága gotyo, ha pe che rekove hesakã, hory ha oguereko vy’apavẽ.
Mba’éicha ñande, túva ha lider-háicha, jaikuaauka umi huventúpe nahi’añoiha hikuái oguata aja pe konvénio rapére? Aparte de ñamopu’ã relación personal, ña’invita chupekuéra aty muchĩ ha tuichávape—conferencia ha campamento juvenil Para la fortaleza de la juventud guive, quórum semanal ha actividad de clases peve. Aníke araka’eve pe subestima mbarete oúva ambue tapichakuéra ndive ñembyaty, umi oñeha’ãva avei hina imbarete hag̃ua . Obispo ha lider-kuéra, peñe’enfokamina penutri hag̃ua mitã ha hunventu pende barrio-gua. Ha’ekuéra oikotevẽve pene tiempo, ndaha’éi menove,
Taha’e peẽ lider, vecino, miembro del quórum, térã peteĩ kompañero Santo, perekóramo oportunida pepoko hag̃ua peteĩ mitã pyahu rekove, peipytyvõ chupe oñe’conecta hag̃ua yvága ndive. Pene infuencia ikatu ha’e pe “Tupao Pytyvõ” upe mitã pyahu oikotevẽva.
Hermano ha hermana-kuéra, che atestifika Jesucristo oĩha ko Tupao akãme. Ha’e oinspira hina ñande lider-kuéra ha ñande guia nutrisiõ espiritual ñaikotevẽva gotyo jasobrevivi ha japrospera hag̃ua ko ára pahápe. Upe nutrisiõ espiritual ñanepytyvõta ñande fiel ha ani hag̃ua ñane infiel. Jesucristo rérape, Amén.