![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F76%2Ffb%2F76fb467ac612b505882738de2534ee3f96ef3f09%2F76fb467ac612b505882738de2534ee3f96ef3f09.jpeg/full/!250,/0/default)
Héra Ñambotuicha
Identidad de covénio ha pertenencia reheve ñañehenói Jesucristo réraipi.
Vy’ápe oha’arõvo pe mitãra’y onace, tuvakuéra oreko responsabilidad oiporavo hag̃ua peteĩ téra pe mitãra’y pyahúpe. Ikatu oime peẽ penacévo oñeme’ẽ peẽme peteĩ téra oĩakue pene familia apyte heta henerasiõ aja. Térã ikatu oñeme’ẽ peẽme peteĩ téra herakuãporãva ary térã tenda penece haguépe.
Profeta Helaman ha hembireko ome’ẽakue téra familiar isignifikativova imitãra’y Nefi ha Lehi-pe. Upéi Helaman he’i ta’yrakuérape:
Ame’ẽkuri peẽme ñande rukuéra peteĩha réra...penemandu’ávo pende rérare penemandu’a hag̃ua hesekuéra; ha penemandu’ávo hesekuéra penemandu’a hag̃ua hembiapokuérare ...oje’e ha avei ojehai, hekojojahague hikuái.
“Upévare, che ra’ykuéra, che aipota pejapo pe iporãva”.1
Nefi ha Lehi rerakuéra oipytyvõ chupekuéra imandu’a hag̃ua ijypykuéra rembiapo porã ha omokyre’ỹ chupekuéra ojapo hag̃ua avei iporãva.
Hermana-kuéra, marãve ndoikói moõpa jaiko, mba’e idioma ñañe’ẽ, tajaguereko 8 térã 108 ary, enterove ñakomparti peteĩ téra especial orekóva peteĩchagua propósito.
“Opaite ñande jajabautisámava Cristo-pe ñañemonde Cristo-gui...maymáva [ñandekuéra] peteĩgui Jesucristo-pe”.2
Miembro de la Iglesia de Jesucristo de los Santos de los Últimos Días ramo, “ja’e’ypyakue ñamoĩseha ñande jehe Cristo réra... ordenanza del bautismo rupive”.3 Kóva ko kovénio rupive ñaprometeakue tapiaite ñanemandu’ataha Hese, ñañe’ẽrendúta Hembiapoukapy, ha jaservita ambue tapichakuéra. Disposisiõ jarekóva ñañe’ẽrendu hag̃ua ko konvénio oñembopyahu opa Domingo japarticipávo Santa Cena, ha jarovy’a jevy pe jehovasa “jaiko hag̃ua vida pyahúpe”.4
Téra oñeme’ẽakue ñanacévo orrepresenta ñane identidad personal ha ohechauka máva familiagua ñande ko yvy ári. Upevére, “ñanace jeývo” bautismo-pe, tuichave pe kuaapy jarekóva mávapa ñande. “Pe konvénio pejapova’ekue rupi peñehenóita Cristo ñemoñare, ...ha péina ápe, ...ha’e penemoheñói espiritu reheguávape; peje ningo pene korasõ oñemoambue hague pejerovia haguére hérare; upévare, penereñói chugui”.5
Upévare, identidad de convenio ha pertenencia reheve, ñañehenói Jesucristo réraipi. Ha “[ndaipóri] ambue téra oñemeʼẽva ni ambue tape ni guataha og̃uahẽ hag̃ua salvasiõ yvyporakuéra raʼýpe, ndahaʼéirõ Cristo rérape ha rupi añónte, upe Ñandejára Ipuʼakapáva”.6
Jesús réra ojekuaava’ekue heta ára Ha’e onace mboyve. Peteĩ ángel, rréi Benjamin-pe oprofetisava’ekue, “Ha hérata Jesucristo, Tupã Ra’y, ...ha isy hérata Maria”.7 Hembiapo “mborayhu rredentor rehegua” 8 ojeikuaaukava’ekue avei Tupã ra’ykuérape, oĩ jave pe evangelio yvyape ári, Adán ha Eva ára guive ko ñande ára peve, oikuaa hag̃ua “moõpa ohekava’erã hikuái iñangaipa jora”.9
Año pasado, Presidente Russell M.Nelson oipysókuri peteĩ “súplika profétika” hermana-kuérape “omoldea hag̃ua pe futuro, oipytyvõvo oñembyaty hag̃ua Israel sarambipyre”. Ha’e ñane invitákuri jaleé hag̃ua Mormón Kuatiañe’ẽ ha “ñamarka opa versículo he’i térã oñe’ẽva Salvador rehe”. Ha’e ojerurékuri “aesoite ñañe’ẽ hag̃ua Cristo-re, javy’a hag̃ua Cristo-pe, ha ñambo’e hag̃ua Cristo-gui [ñane familia] ha amigo-kuérape”. Ikatu peñepyrũma pehechakuaa umi ipromesa rehegua fruto “peẽ ha ha’ekuéra pemo’aguĩvetaha Salvador rehe.... Ha kámbio, milágro jepe, oñepyrũta oiko”.10
Ñane promesa akóinte ñanemandu’ataha Salvador rehe ome’ẽ ñandéve mbarete ñadefende hag̃ua pe añetegua ha pe tekopotĩ—taha’e atyguasu pa’ũme térã tenda ñane añoháme, mavave ndoikuaaiha mba’épa jajapo térã Tupã añónte. Hese ha Héra jarahávare ñendejehe ñanemandu’áramo, ndaipóri tenda komparasiõ ñande degradáva térã critica hi’arrogantevape g̃uarã. Ñamañáramo Salvador rehe, jajehecha máva ñande añetehápe—Tupã rajy ojehayhupáva.
Konvénio ñanemandu’a hag̃ua jajapóva rupi, ombogue mundo-gua jepy’apy, otransforma autoestima’ỹ py’aguasúpe, ha ome’ẽ esperanza prueba árape.
Ha ñañepysãnga ha ja’áramo japrogresakuévo umi konvénio rapére, ñanemandu’ánte Hérare ha Ipy’aporã mborayhu ñanendive g̃uarã. “Ha’e oguerekógui opa pu’aka, opa arandu ha opa ñeikũmby; ha ha’e peteĩ Tekove iporiahuverekóva ...umi oñearrepenti ha ogueroviáva ndive héra”.11 Añetehápe ndaipóri tyapu he’ẽ véva Jesús réragui opa umi, korasõ jejopy ha espiritu ñembyasy reheve, oñeha’ãvape “ojapo porãve ha omehorave”.12
Presidente Nelson ombo’eakue: “Ohasáma ára jaiko hag̃ua cristiano mba’eve apo’ỹha itranquiloitéva ramo. Pene religión ndaha’éi ñañe’presentánte tupaópe Domingo-kue. He’ise ñañe’presenta discipulo añetegua ramo Domingo pyhareve guive Sábado pyhare peve.... Ndaipóri aipo Ñandejára Jesucristo discipulo de tiempo parcial”.13
Disposisiõ jarekóva ñamoĩ hag̃ua ñande jehe Cristo réra ndaha’éi peteĩ ñe’ẽ ñe’interkambiante. Ndaha’éi promesa pasiva térã peteĩ jehupity cultural. Ndaha’éi peteĩ rrito ñemoñepyrũ térã peteĩ etiqueta ñamoĩva ñande jehe Ndaha’éi peteĩ ñe’ẽ kuatia’ipe oñemoĩva estante ári térã oñemosãingóva tápiare. Héra ha’e peteĩ téra “oñemoĩva”,14 ñane korasõme ojehaiva, ha “[ñande] rováre ojegravapyre”.15
Akóinte ñane mandu’ava’erã pe Salvador sacrificio expiatório, ñane pensamiento, ñane rembiapo ha ñane relación-pe ambue tapichakuéra ndive. Ha’e ndaha’éi imandu’ánteva ñande réra, ha katu akóinte imandu’a ñanderehe. Pe Salvador ombo’eakue:
“Ha ikatu piko peteĩ kuña hesarái imemby kambúgui, ndoiporiahuvekói peve pe imemby hyepýgui osẽvaʼekue? Heẽ, haʼe hesaráiramo jepe, che ndacheresaraimoʼãi ndehegui, O Israel róga.
“Péina ápe, che rohai che po pytépe”.16
Presidente George Albert Smith ombo’eakue, “Pembotuicha pende réra, peteĩ ára perekótagui priviléhio ha obligasiõ peme’ẽ hag̃ua informe ...pende Ru Yvagaguápe ...mba’épa pejapora’e [umi téra] reheve”.17
Nefi ha Lehi réra ojeporavo porãiteakuéicha, ikatúpa oje’e ha ojehai ñanderehe ha’eha Ñandejára Jesucristo discipulo añetegua? Ñambotuichápa Jesucristo réra ñamoĩseakue ñande jehe? Ha’épa ñande, mokõive, “ministro ha testigo”18 pe Ipy’aporã mborayhu ha Ipu’aka rredentorgui?
Nda’aréi ahendúkuri hina Mormón Kuatiañe’ẽ. 2 Nefi kapitulo pahápe ahendu Nefi he’i peteĩ mba’e araka’eve upe mboyve péicha amoñe’ẽakue. Upe rehistro pukukue ha’e ohekombo’e ha otestifika pe “Redentor”, pe “Cordero de Dios” ha pe “Mesias-gui”. Ha katu ombopahávo ijehaipyre ahendu he’i ko’ã ñe’ẽ: “Cherory tesakãme; cherory añeteguápe; cherory che Jesús-pe, ha’e ojorágui che ánga añaretãgui”.19 Ahendúvo ko’ã ñe’ẽ , che korasõ henyhẽ vy’águi ha ahendu jevy jevymante. Aikuaa ha arrekonoce upe verso, aikuaa ha arrekonoceháicha che réra.
Ñandejára he’i, “Heẽ, ojehovasáva ko tavayguakuéra oĩporãgui hikuái ogueraha hag̃ua che réra; che réra rupi oñehenóitagui chupekuéra; ha chembaʼe hikuái”.20
Miembro Iglesia de Jesucristo de los Santos de los Ultimos Dias ramo, vy’ápe “tajajagarra [ñande ári] Cristo réra”21 ñambotuichávo pe Héra, mborayhu, devosiõ ha tembiapo porã reheve. Atestifika Ha’e ha’eha pe “Tupã Cordero, heẽ, pe Túva Ijapyra’ỹva Ra’y”.22 Ta’ýra santo, Jesucristo rérape. Amén.