Umi mokõi mandamiento guasu
Ñañeha’ãva’erã ñakumpli umi mokõi mandamiento guasu. Upévarã, jaguata peteĩ línea po’íre oĩva ley ha mborayhu mbytépe.
Che hermana pohayhuetéva Jesucristo evangelio-pe: Pomomaiteĩ umi familia eterna guardiana ramo, divinamente peñe’asignáva’ekue. Presidente Nelson ñanembo’e: “Ko Yvy ojejapo ha ko tupao ojerrestaura familiakuéra ikatu haĝua oñeforma, ojesella ha orrecivi exaltación eternidad rehe”1 Ko tekombo’e oguereko implicancia iñimportánteva umi persona oñe’identifikáva lesbianas, gays, bisexuales térã transexuales ramo, ojeikuaáva comúnmente LGBT ramo.2 Upéicha avei, presidente Nelson ñanemomandu’a “natekotevẽi ñaime [meme] deacuerdo jajohayhu haĝua ojupe”3 Ko’ã tekombo’e profético iñimportante umi ñemomgeta oguerekóva familiakuéra ombohovái haĝua umi porando aguerekóva umi jóvenes ha mitãnguéra. Ahekákuri ñembo’épe, pe inspiración añe’ẽ haĝua ko audiencia-pe, umi porandu pende’afectágui de modo particular peẽme, umíva directa térã indirectamente o’afectágui cada familia tupaoguápe.
I.
Añepyrũta añe’ẽvo Jesús ombo’eva’ekére umi mokõi mandamiento guasu rehe.
“Ha pehayhúta Tupãme opa pene korasõ, opa pene ánga, ha apytu’ũ reheve.
“Kóva pe mandamiento peteĩha tuicháva.
“Ha pe mokoĩha péicha avei: Ehayhúta nde prójimo-pe nde rejehayhúháicha”4
Upéva he’ise oñemanda ñandéve jahayhuva’erã opavavépe, ya que Jesús parábola pe buen samaritano rehegua ñanembo’e cada persona ha’eha ñande prójimo.5 Pero ñande celo ñañongatu haĝua pe mandamiento mokõiha nañanembohesaraiva’erã pe peteĩha, jahayhuva’erãha Tupãme opa ñane korasõ, ánga ha apytu’ũ reheve. Jahechauka upe mborayhu “ñañongat[úvo] [I]mandamientokuéra”6 Tupã oikotevẽ ja’obedese Imandamientokuéra, porque upe obediencia rupi mante, oincluia pe arrepentimiento, ikatúta jaha jey jaiko Ipresencia-pe ha ñandeperfecto haĝua Ha’e iperfectoháicha.
Peteĩ mensaje ome’ẽramóvape tupaogua jovenes adultos-pe, presidente Russell M.Nelson oñe’ẽ pe ha’e ohenóivare “conección mbarete Tupã mborayhu ha leykuéra rehe”7 Pe ley oje’aplikavéva umi asunto ohóva umi persona oñe’identifikáva LGBT ramo ha’e pe Tupã ley matrimonio rehegua, ha ikompañera, pe ley de castidad. Umi mokõi ley iñesencial ñande Ru Yvagagua plan de salvación Ita’yrakuérape ĝuarã. Ombo’ehaguéicha presidente Nelson: “ Umi Tupã ley oĩ motivada exclusivamente Imborayhu ijapyra’ỹva ñanderehére ha Ideseo toiko ñandehegui opa mba’e ikatúva oiko”8
Presidente Nelson ombo’e: “Heta tetã […] olegalisákuri pe matrimonio personas del mismo sexo apytépe. Tupaogua miembrokuéra ramo, jarrespeta umi ley terrenal […].Umíva mbytépe, pe matrimonio civil ley. Upevére, pe añetegua ha’e iñepyrũmbýpe , ¡pe matrimonio oñe’ordenava’ekue Tupã rehe! Ha ko’áĝa peve, Ha’e odefini matrimonio ha’eha peteĩ kuimba’e peteĩ kuña ndive. Tupã nokambiáikuriIdefinición de matrimonio.
Presidente Nelson okontinua: “Tupã nokambiái avei Iley de castidad. Umi requisito ojeike haĝua templo-pe noñemoambuéi.”9
Presidente Nelson oremomandu’a opavavépe “ore comisión Apóstoles ramo ha’e ñambo’e añetegua mante. Upe comisión no me’ẽi oréve autoridad rokambia haĝua umi ley divina”10 Upévare, tupaogua liderkuéra siempre ombo’eva’erã pe importancia hechapyrã orekóva pe matrimonio peteĩ kuimba’e peteĩ kuña ndive, ha iley asociada: castidad ley.
II.
Pe obra Iglesia de Jesucristo de los Santos de los Últimos Días oseguíva ipahápe ha’e ombosako’i Tupã ra’ykuérape Reino Celestial-rã, ha particularmente, pe grado de gloria ijyvatevévape ĝuarã, pe exaltación térã vida eterna. Jahupyty pe estado ijyvatevéva pe matrimoio por la eternidad rupive mante.11 Pe vida eterna-pe oike umi poderes de la creación ohóva pe kuimba’e ha kuña joaju rehe12 – revelación moderna odescrivíva “la “continuación de las simientes por siempre jamás” ramo.”13
Imensaje jóvenes adultos-pe, presidente Nelson ombo’e: “Pe’obedesévo Tupã ley-kuéra penemo’ãta peprogresa aja exaltación final gotyo.”14—Upéva he’ise ha’e haĝua Tupãicha, vida exaltada reheve, ha tajahupyty ñande Tuvakuéra Celestial potencial divino . Upéva ha’e destino jaipotáva opavave umi jahayhúvape ĝuarã. Ha upe mborayhu rupi, ndaikatúi jaheja mborayhu omyengovia umi mandamiento ha Tupã plan ha hembiapo, jaikuaáva ome’ẽtaha pe máxima felicidad umi jahayhuetévape.
Pero oĩ heta umi jahayhúva, ijapytépe, umi oguerekóva pe evangelio restaurado, ndogueroviáiva térã odecidíva noñongatumo’ãiha umi Tupã mandamiento ohóva matrimonio ha castidad rehe. Mba’épa chuguikuéra?
Tupã doctrina ohechauka opavave ñande ha’eha Ita’yrakuéra ha Ha’e ñande’apo jaguereko haĝua vy’apavẽ.15 Revelación moderna ombo’e Tupã ome’ẽ hague peteĩ plan jaguereko haĝua peteĩ experiencia terrenal, ikatuhápe opavave jaiporavo pe obediencia jahupyty haĝua Ijehovasakuéra ijyvatevéva térã jajapo umi decisión ñandeguerahátava umi reino de menor gloria-pe.16 Pe tuicha mborayhu rupi Tupã oñandúva Ita’yrakuérare, umi reino inferior jepe hechapyrãve umi ser mortal ikatúvagui okomprende.17 Jesucristo expiación ojapo opa ko’ã mab’e posible, ya que Ha’e “oglorifika Túvape ha osalva opa tembiapo ipoguiguare”.”18
III.
Añe’ẽkuri mandamiento peteĩháre, ha katu, ¿mba’eteko piko pe mokõiha? ¿ Mba’éicha ñañongatu pe mandamiento jahayhuva’erãha ñande prójimo-pe? Roñeha’ã ropersuadi ore miembrokuérape otratava’erãha umi oseguívape lesbiana, gays bisexuales ha transexuales rekombo’e ha acciones, mborayhu reheve Tupã omandáva ñandéve jaguerekova’erãha ñande prójimo rehe. Upéicha, ojelegaliza vove pe matrimonio entre personas del mismo sexo Estados Unidos-pe, Primera presidencia ha pe Cuórum de los Doce odeclara: “Jesucristo evangelio ñanembo’e jahayhu ha jatratava’erã opavave persona-pe py’aporã ha cortesía reheve—jepe nañaĩri de acuerdo hendivekuéra. Ro’afirma ndojetrataiva’erã en forma irrespetuosa umi ofomentávape ley térã fallo-kuéra umi tribunal o’autoriza haĝua matrimonio de personas mismo sexo-gua.”19
Avei, araka’eve ndajaperseguiriva’erã umi nokompartiriva ñane creencia ha kompromisokuérape..20 Ñembyasyrã, oĩ personas ombohovakéva ko’ã problema oñeñandúva gueteri marginado ha rechazado miembro ha liderkuérare ñane familia, barrios ha estakakuérape. Opavave ñañeha’ãva’erã ñandepy’aporãve ha ñandecortés haĝua.
IV.
Por razones nañantendéiva, ja’experimenta desafío-kuéra idiferénteva ko vida mortal-pe. Ha katu kóva jaikuaa, Tupã ñanepytyvõtaha peteĩ teĩ ñandéve jasupera haĝua umi desafio ñañeha’ãrõ añetehápe jarrecibi Ipytyvõ. Jasufri ha ñañe’arrepenti rire javiola haguére umi ley oñembo’eva’ekue ñandéve, opavave ñaiméta destinado peteĩ reino de gloria-pe. Pe juicio paha ha definitívova ojapóta Ñandejára, ha’éva pe úniko oguerekóva conocimiento, arandu ha grasia oñeikotevẽva ñande juzga haĝua cada uno-pe.
Upéva aja, ñañeha’ãva’erã ñakumpli umi mokõi mandamiento guasu. Upevarã, jaguata peteĩ línea po’í rehe oĩva pe ley ha mborayhu mbytépe: ñañongaúvot umi mandamiento ha jaiko konveniokuéra rapére, jahayhu aja ñande prójimo-pe jajotopáva tapére. Jaiko upéicha oikotevẽ jaheka inspsiración divína jaikuaa haĝua mba’épa ja’apoyava’erã térã ñañe’oponeva’erã ; ha mba’éicha jahayhu ha ñahenduva’erã respeto reheve , ñambo’e aja. Ñande guata odemanda ani jajapo conceción mandamientokuérape, ha katu jahechauka tuicha mborayhu ha comprensión. Ñande guatápe jaguerekova’erã consideración umi mitã ndive omombe’úva oñanduha atracción persona imismo sexo-gua rehe, pero ndaja’alentaiva’erã etiquetas prematuras ñemoĩ, ya que heta mitã osupera umi sentimiento.21 Ñande guatápe jarresistíta ñaneguenohẽseva pe konvenio rapégui ha ndaja’apoyamo’ãi umi omomombyryséva hentekuérape Ñandejáragui. Opa ko’ã mba’épe, ñanemandu’a Tupã oprometehague esperanza, vy’apavẽ ha jehovasakuéra hechapyrãva opavave oñongatúvape Imandamientokuéra.
V.
Umi sy, túva ha opavave ñande jaguereko responsabilidad ñambo’évo umi mokõi mandamiento guasu. Presidente Spencer W.Kimball odescribi upe deber ko tuicha profesia-pe tupaogua kuñanguérape ĝuarã:“Tuichave progreso orekótava ko Tupao ára pahápe, oúta heta kuña mundo gua ipy’aporãva rupi…hetaite oguerohorýtagui pe Tupao. Péva oikóta Tupaogua kuñanguéra ohechaukárõ tekojoja ha hekove joheipyréramo, ha umi kuña Tupaogua ijoheipyre ha idiferente vove mundo-gua kuñágui, ha ojapóramo hikuái torýpe” . Upéicha oikóta tupaogua kuñanguéra ejemplar-va ha’éta peteĩ influencia signifikativa tupaogua desarrollo-pe ára pahápe, tanto punto de vista numérico guive como espiritual”22
Oñe’ẽvo upe profesía rehe presidente Russell M.Nelson he’i: “Pe ára presidente Kimball opredesiva’ekue ha’e ko ára. Peẽ ha’e umi kuña ha’e ohechava’ekue!”23 Umi rohenduva’ekue upe profesía ojapo cuarenta año, pokã rontende upéramo, umi hénte apytépe ko tupaogua kuñanguéra ikatúvape osalva oĩtakuri iñangirũ ha ifamiliakuéra ojehayhuetéva, oĩva ko’áĝaite influenciado umi prioridades mundo-pegua ha distorsiones diabólicas rehe. Che ñembo’e ha jehovasa ha’e peẽ ikatu haĝua pembo’e ha pe’actua oñekumpli haĝuaicha upe profecía, Jesucristo rérape.Amén.