![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F1d%2Fee%2F1dee8d1ca70d4c736140a99ee71fd42d63cdefe5%2F1dee8d1ca70d4c736140a99ee71fd42d63cdefe5.jpeg/full/!250,/0/default)
Ani chembotavy
Jajapóvo Tupã mandamientokuéra, akóinte jajegueraháta tape oĩ porãvare ha ndoikomo’ãi ñembotavy.
Este dia, ame’ẽta ñe’ẽ consuelo opavavépe, pero especialmente peẽmeğuarã generación okakuaáva hina—Mitãnguera primariapegua, mitãrusu, ha mitãkuñanguérape. Presidente Russell M. Nelson Ñandejára proféta ipy’aiteguive pende rayhúva —upéicha rupi ha’e oñe’e peẽme peteĩ devocional mundial para la juventud oñemosãrambiva’ekue el año pasado ha hérava “Israel Esperanza.”1 Ñahendu jepi Presidente Nelson pende renoiva péicha—“Israel Esperanza,” pe generación opuʼãva ha Jesucristo Tupaopegua futuro añetehápe oikovéva ko yvy’apére.
Che amigokuéra imitãva, añepyrũta akompartivo mokõi historia de familia.
Umi 102 Dálmatas
Año ohasa, aĝuahẽvo ógape che trabajohagui añemondýi ahechávo pintura blanca isarambiva oparupi—yvyre, cochera rokẽre, ha ore róga iladrillo pytãvare. Amaña porãrire la oikova’ekuere ahecha pe pintura he’õgueteriha. Peteĩ pintura rapykuere oho amo patio trasero gotyo ha upévare asegui. Upépe, atopa che ra’y de 5 año orekóva brocha ipópe, omuáñavo ore rymba jagua. ¡Ore Labrador hũ ha iporãiteva oñepinta lamitad morotĩme!
“¿Mba’épa la rejapova?” Aporandu chupe ñe’ẽ pyrusupe.
Che ra’y, omaña che rehe, omaña pe jaguarehe, omaña pe brocha otykyva pintura morotĩgui rehe, ha he’i, “Che aipotánte ojogua pe jagua imancha hũva pe pelicula-peguaicha—eikuaápa, pe 101 dálmatas apytepegua.”
Che ahayhu ore rymbajagua. Che apensa ha’eha perfecto, pero upe árape che ra’y oreko idea diferente.
Mbarakajara’y rayado
Mokõiha che historia ha’eva che tío abuelo Grover rehegua, oikova’ekue peteĩ óga oĩva campañare, opytáva mombyry ciudagui. Tío Grover itujamava ohovo. Ore ro calcula ore ra’ykuéra oikuaava’erã chupe ha’e omano mboyve. Upévare, peteĩ ka’arupe, roviaja mombyryrire rog̃uahẽ hóga’imipe. Roguapy oñondivepa ha ropresenta chupe ore ra’ykuéra. Roñemongetávo, ore ra’y imitãva, oimene 5 ha 6 año, osesẽ hikuái okápe ojuga hag̃ua.
Tío Grover, ohendúvo mba’épa ojapose hikuái, ojaivy hova ykerekuéra. Pe hova itujámava ha mitãnguera apena oikuaáva ha’ekuéra okyhyje lento chugui. Ha’e he’i chupekuéra, pe iñe’e seriovape, “Peñatendeke—heta oĩ jaguane uperupi.” ¡Péicha rohendúvo, Lesa ha che rojepy’apy; ore roimo’ã ikatutaha umi jaguane okuaru hesekuéra! Ore mitãnguera pya’e osẽ okape ha ojuga hikuái ore roñemongeta aja.
Uperire, rojupivo ore autope roho hag̃ua ógape, aporandu mitãnguérape, “¿Pehecha piko umi jaguanéme?” Peteĩ ombohovái, “¡No, ndorohechai la jaguane, pero rohecha peteĩ mbarakaja hũ ha irraya morotĩva ilomope!”
Pe Ijapuguasúva
Ko’ã historia mitã inocente rehegua odescubriva algo tekove rehegua ha añetehápe ikatu ñane mbopuka, pero avei ohechauka ñandéve peteĩ concepto ipypykumivéva.
Peteĩha historia-pe, ore ra’y oreko peteĩ jagua porã imymba ramo; sin embargo, ha’e ojagarra peteĩ lata de pintura ha, brocha ipópe, decidido ojapóvo irrealidad ha’e oñeimaginaháicha.
Mokõiha pe historia, ko’ã mitãkuimba’e ndoikuaáiva mba’e peligro oha’arõva chupekuéra otopávo hikuái umi jaguane. Ndaikatuivo oikuaa hikuái pe mba’e añetehápe otopáva, ha’ekuéra ikatukuri ohasa’asy consecuencia noha’arõiva rupi. Ko’ã historia ha’e identidad jejavy rehegua—ñaimo’ãvo pe mba’e añeteguáva ha’e ambue mba’e. Ko’ã caso-pe, pe consecuencia ndaha’eikuri mba’eveguasu.
Sin embargo, heta oĩ orekóva el mismo problema pero tuichavéva. Ha’ekuéra ndaikatui ohecha umi mba’e añeteteguáva térã noĩri contento pe mba’e añeteguáva reheve. Además, oĩ en juego fuerza deliberadamente ojejapova ñandegueraha hag̃ua mombyry pe añeteguágui. Ko’ã mba’e japu ha opombotavýva oho mombyryve simple identidad jejavýguinte ha heta vece ogueru consecuencia ijetu’úva ha ndaha’eiva pokã mba’e.
Satanás, mba’ejapu ru ha pe Ijapuguasúva, oñeha’ãta ñaquestiona hag̃ua umi mba’e añeteguávare o sino jahejarei hag̃ua añetegua ijapyra’ỹva térã ñambojere pe mba’e ñande gustavape taha’e ñandeveg̃uarã ñande gustaháichaite. “Ha’e oñorairõ Tupã santokuéra ndi”2 ha ohasa heta milenio okalkulávo ha opracticávo ikatupyry opersuadi hag̃ua Tupã ra’ykuérape oguerovia hag̃ua pe oĩ porãva oĩvaiha ha oĩvaiva oĩ porãha.
¡Ha’e oreko irreputación ha’éva oconvence yvypórakuérape pe jaguane (zorrillo) ha’eha mbarakaja ra’y térã oñepintarõ pintura-pe, ikatu jajapo peteĩ jagua Labrador-gui dálmata imanchava!
Jehechami peteĩ ejemplo ko principio jatopáva escritúrape, Ñandejára profeta Moisés orekova’ekue hova renondépe ko’ãichaguaite problema. “Moisés ojehupi peteĩ montaña ijyvatepajepevape[;] … ha’e ohechákuri Ñandejárape hovaitépe, ha oñemongeta hendive.”3 Ñandejára ombo’ekuri Moisés-pe identidad eterna rehegua. Aunque Moisés ha’e omanokuaáva ha imperfecto, Tupã ombo’ekuri Moisés-pe “ojoguataha pe Ta’ýra Unigénitope; che Ta’ýra Unigénito … ha’etava pe Salvador.”4
Amombykyvo, Moisés, pe visión maravillosape, ohechakuri Tupãme, ha ha’e oikuaa ha’eha mba’e importante: aunque omanokuaa, ha’e avei peteĩ Tupã ra’y.
Pehendu porãke mba’epa oiko oparire ko visión. “Ha peina ape… Satanás oúkuri oipy’ara’ã hag̃ua chupe,” he’ivo, “¡Moisés, kuimba’e ra’y, che tupaitũke!”5 Moisés py’aguasúpe ombohovai: “¿Mávapa nde? Péina ápe, che ha’e peteĩ Ñandejára ra’y, ojoguava Ta’ýra Unigénito-pe; ¿ha moõpa oĩ nde gloria, la che rotupaitũ hag̃ua ndeve?”6
Ambue ñe’ẽme , Moisés he’ikuri, “Nde nachembotavymo’ãi, che aikuaa rupi mávapa ha’e che. Ajecreákuri Ñandejára ra’angápe. Nde ndereguerekoi Hesape ni Igloria. ¿Upévare mba’érepa che ro tupaitũva’erã térã ha’ata nde trampa-pe?”
Koʼág̃a peñatendeke mba’éichapa Moisés ombohovai jey. Ha’e odeclara, “Tereho cheve ko’agui, Satanás; ani che mbotavyse.”7
Heta mba’e ikatu ja’aprende Moisés ombahovai hagueicha pe py’ara’ã omoĩva’ekue pe adversario. Che ajerure peẽme ta pembohovai péicha avei peñandúvo peñepy’ara’ãha. Pemandake pende ánga enemigope pejevo: “¡Tereho ko’agui! Nde ndereguerekoi ni gloria. ¡Ani che py’ara’ã térã nde japuse cheve! Che aikuaa che ha’eha peteĩ Tupã ra’y. Che siempre ahenóita Tupãme che pytyvõ hağua.”
Pe adversario, sin embargo, ndohejareimoʼãi pe motivo destructivo ñanembotavy ha degrada hağua. Ha’e ndojapói péicha Moisés-rehe, oipotagui ha’e hesarai mavapa ha’e kuri eternamente.
Ha’etevaicha ha’e peteĩ mitã ilajavaiva, “Satanás osapukai hatã, ha osapukai vai, ha omandase, he’ívo: Cheko ha’e Ta’ýra Unigénito año, che tupaitũmi.”8
Ja repasami. ¿Pehendúpa mba’epa ha’e he’i kuri? “Cheko ha’e pe Ta’ýra Unigénito . ¡Che tupaitũke!”
Pe gran engañador he’i, péichaite, “Ani rejepy’apy; che ndajapovaimo’ãi nderehe —che ndaha’ei jaguane; cheko ha’e peteĩ mbarakaja ra’y inocente hũ ha morotĩ rayadova.”
Upéi katu Moisés ohenói Tupãme ha o’recibi Ipu’aka divino. Jepe pe adversario oryrýipa ha pe yvy osusũ, Moisés noñeme’ẽri. Iñe’ẽ ha’eva claro ha seguro. “Tereho chéve ko’águi, Satanás,” ha’e odeclara, “ko Tupãme año che atupaitũta, ha’éva pe Tupã orekóva gloria.”9
Finalmente, ha’e “osẽ oho… Moisés presenciagui.“10
Uperire Ñandejára ou ha ohovasa Moisés-pe iñe’ẽrendu rupi, Ñandejára he’i:
“Ejehovasapyréva nde, Moisés, upévare … nde nembaretevéta umi yguasugui. …
“Péina ape, Che aime nendive, jepe nde ára opa peve.”11
Moisés orresistívo pe adversario-pe ha’e peteĩ ejemplo inspiradora ñandéve g̃uarã, sin oimporta’ỹre ñande situación ko tekovépe. Ha’e peteĩ mensaje poderoso peẽmeg̃uarã —peikuaávo mba’épa pejapóta ha’e otantea vove penembotavy haĝua. Peẽ, Moisés-cha, pejehovasa pe pytyvõ celestial don reheve.
Tupã rembiapoukapykuéra ha jehovasa
¿Mba’éicha ikatu peẽ pehupyty yvagapegua pytyvõ, Moisés ojapohagueicha, ha ani penembotavy térã pe’a py’ara’ãme? Peteĩ canal seguro pe divina asistencia ko dispensación-pe Ñandejáraite o’reafirma odeclaravo: “Upévare, che Tupã, aikuaa rupi umi mba’evai outava yvypórakuéra ári, ahenói che siervo José Smith, Jun-pe., ha añe’ẽ chupe yvagagui, ha ame’ẽ chupe che rembiapoukapykuéra.”12 Ñe’ẽ simplevẽpe, ja’ekuaa Tupã, oikuaa “opa mba’epaháva ñepyrũmby guive,”13 oikuaa avei umi jehasa’asy ñande arapegua. Upévare, Ha’e ombosako’i ñandeveg̃uarã ya resisti hagua desafiokuéra ha tentación, ha’eva resultado directo pe adversario influencia ha hi’atakegui.
Pe hape ndahasýi Isiervokuéra rupive, Tupã oñe’ẽ ñandéve, Ita’yrakuéra, ha ome’ẽ ñandéve hembiapoukapy. Ñande ikatu ñamoñe’ẽ jey ko ñe’ẽ, “Che, Tupã … ahenoi che siervo [Presidente Russell M. Nelson-pe], ha añe’ẽ chupe yvagagui, ha ame’ẽ chupe che rembiapoukapykuéra.” ¿Kóvapa ndaha’éi peteĩ añetegua gloriosa?
Che atestifika solemnemente Tupã añetahápe oñe’ẽ José Smith-pe yvagagui, oñepyrũvo pe Primera Visión porãite guive. Ha’e oñe’ẽ avei Presidente Nelson-pe ko árape. Atestifika Tupã oñemongeta profetakuéra ndi ymave ha ome’ẽva’ekue chupekuéra hembiapoukapykuéra ojepreparáva omboguata hagua Ita’ýrakuérape vy’apavẽpe ko tekove aja ha gloria ambue tekovepe.
Tupã ocontinua ome’ẽ hembiapoukapy ñande profeta viviente-pe. Heta jareko ejemplo—peteĩ equilibrio Evangelio oñembo’éva, centrado ógapype ğuarã; oje reemplaza orientación familiar ministración rehe; ajuste norma ha ordenanzakuéra templopegua; ha programa pyahu Niños y jóvenes oñepyrũtava ojeipuru. Che sorprende pe py’a porã ha compasión oguerekóva pe Túva Yvagagua ha Ita’ýra, Jesucristo, orestaurava’ekue pe Salvador Tupao ko yvy’apére ha ohenói profeta ñande árape. Pe evangelio de Jesucristo restaurado ombohovái ko’ã tiempo peligroso con el cumplimiento de los tiempos.
Tekoveñaña ndaha’éi araka’eve vy’apavẽ
ñane ñe’ẽrenduramo umi mandamiento oñeme’ẽva ñande profetape ha’e clave jajei haĝua pe engañador influenciagui ha avei jaguereko haĝua vy’apavẽ opave’ỹva. Ko formula divina ndahasyi’ete: rectitud, térã ñaneñe’ẽrendu Tupã mandamientokuérare, ogueruta jehovasa, ha jehova ogueru vy’apavẽ, ñande rekovépe.
Sin embargo, Moisés-pe otanteahagueicha ombotavy, ha’e oñeha’ãta penembotavy avei. Ha’e siempre ojehechauka peteĩ mba’e ndaha’eivaicha. Ha’e siempre oñeha’ã omokañy pe iverdadera identidad, Ha’e ombo’e pe obediencia oguerúta miseria pende rekovépe ha oipe’áta pendehegui vy’apavẽ.
¿Ikatu pepensa algún estrategia ha’e oipurúva oporombotavy haĝua? Por ejemplo, ha’e he’i mba’eve vai ndojapomo’ãi umi drogas ilícitas ha alcohol ñemokõ ha katu ome’ẽtaha peẽme placer. Ha’e ñanemoñapymi umi elementokuéra negativo ikatúva jatopa redes social-pe, jepe umi comparación debilitante ha realidad idealizada. Además, ha’e omohenda umi contenido dañino jatopava en línea, ha’eva pornografía, ataque ambuevape sin piedad mediante ciberacoso, ha omosãrambiva información errónea omoĩva duda ha kyhyje ñande korasõ ha ñande akãme. Ha’e sutilmente he’i: “Simplemente che segui, ha añetehápe revy’ata”.
Peteĩ profeta Libro de Mormón pegua ohaíkuri heta sigloma ojapo ha’éva especialmente relevante ñande árape: “Tekove ñaña araka’eve ndaha’éi vy’apavẽ.”14 Ajerure peẽme pehechakuaa mba’éichapa ha’e Satanás engaño. Jarresistíramo jahechakuaáta más allá pe japu ha influencia orekóva pe ombyaiséva ñande ánga ha oipe’aséva ñande gozo presente ha gloria futura.
Che hermano ha hermanakuéra, jaseguike fielmente ha ñaime en alerta, porque pea ha’e única manera jaikuaa pe mba’e añetegua ha ñahendu pe Ñandejára ñe’ẽ oñe’ẽva Isiervokuéra rupive. “Pe Espíritu oñeʼẽgui añetegua ha ndaijapúi. … Upévare, koʼã mbaʼe ojehechauka ñandéve tesakãme, ñane ánga ojesalva hag̃ua. … Tupã oñe’ẽ avei koʼãva profetakuéra ymaguaréndi.”15 Ñande ha’e Santos del Dios Todopoderoso, ¡Israel-pegua esperanza! ¿Ñanekangýtapa? “[Ja]kañýtapa ñañoraĩro mboyve? ¡Nahániri! Tupã oipota, ánga, korasõ, ha po, ijeroviáva ha añetehápe oñembo’y hatãva .”16
Atestifika Pe Santo de Israel-gui—jepe Jesucristo réra. Atestifika imborayhu opave’ỹva ha añetévagui ha pe vy’apavẽ oúva Isacrificio infinito ha eterno rupi. Jajapóvo Tupã mandamientokuéra, akóinte jajegueraháta tape oĩ porãvare ha ndoikomo’ãi ñembotavy. Ñandejára Jesucristo réra marangatúpe. Amén.