Pe yva
Pemantene pende resa ha pene korasõ centrado ñande Salvador Jesucristore ha pe vy’a eterno oúva Ha’e rupive mante.
¡Aikuaa mba’épa pepensa hína! Peteĩ discursante añóntema ofalta ha ñahendútama presidente Nelson-pe. Esperanza reheve pomantenévo alerta sapy’aitemi ñaha’arõ aja ñande amado profétape, aiporavo peteĩ tema iñinteresanteiteréiva: añe’ẽta pe yva rehe.
Color, textura ha he’ẽ reheve umi moras, bananas, sandías ha mangos, térã umi fruta ijexóticaveva melón kiwano térã granada-icha, heta tiempo aja pe yva ha’e’akue peteĩ manjar muy preciado.
Iministerio terrenal aja, pe Salvador okompara pe yva porã mba’e orekóva valor eterno rehe. Ha’e he’i: “Hi’áre reikuaata chupekuéra” 1 […], opa yvyramáta porã ome’ẽ yva porã.” 2 Ñanemokyre’ỹ ñambyaty haĝua “yva vida eterna-rã”. 3
Peteĩ conocido ha vívido sueño Mormón Kuatiañe’ẽme, profeta Lehi oĩ “ peteĩ tave’ỹ iñypytũva ha ojevy’a’ỹhápe”. Oĩ y ky’a, peteĩ tatatĩ iñypytũva, tape ojeikuaa’ỹva ha oñembotovéva, ha upéicha avei peteĩ barra de hierro 4 ohóva peteĩ tape joja ha ipo’íva pukukue ogueraháva peteĩ yvyramáta peve “ pe hi’a ojeipotáva ñanembovy’a haĝua” Omombe’úvo upe sueño, Lehi he’i: “ ha’u pe hi’a […]; he’ẽtereí[va], he’ẽve opa mba’e che ha’umava’ekuégui […]. [ha] che ánga henyhẽ peteĩ vy’a tuichaitereívagui” Upe yva “ojeipotaveha opaitévagui”. 5
Pe Yvyramáta ha hi’a significado.
Mba’e he’ise upe yvyramáta hi’a ovaletereíva reheve? Orrepresenta “Tupã mborayhu” 6 ha omombe’u pe ñande Ru Yvagagua maravilloso plan de redención-gui. “Peichaite ohayhu Tupã ko mundope ome’ẽva’ekue jepeve Ita Unigénito, opavave ojeroviáva Hese ani haĝua oñehundi, ha katu toguereko vida eterna”. 7
Ko yva ovaletereíva omoha’anga umi jehovasa hechapyrãitéva oúva pe Salvador expiación ijojaha’ỹva rupi. Ndaha’éi javivi jeýtante ko ñande rekove yvy ári rire, ha katu ñande jerovia rupi Jesucristo-re, ñane arrepentimiento ha ñakumplívo mandamientokuéra, ikatu oñeperdona ñande pekadokuéra ha peteĩ ára ñañembo’y ñande Ru ha Ita’ýra renonendépe potĩ ha mara’ỹ.
Pe yvágui jeperticipa he’ise avei ja’aceptaha umi Evangelio restaurado ordenanza ha konveniokuéra: jajebautiza, jarrecibi pe don del Espiritu Santo ha jaique Tupã Rógape ñañeinvesti haĝua pu’aka yvatéguiguape. Jesucristo grásia rupive ha ña’onrrávo ñane konveniokuéra, jarreicibi pe promesa ijojaha’ỹva javivitaha ñane familia rekojojáva ndi por la eternidad. 8
Ndareígui pe ángel omoñe’ẽ hague pe yva “ pe ombovy’avéva ñane ánga” ramo. 9 ¡Añetehápe ha’e upéicha!
Pe desafio japyta haĝua firmes
Ña’aprendehaguéicha, jepe jasaborea rire pe Evangelio restaurado yva ivaliosoitéva, hasy japyta firme ha fiel Ñandejára Jesucristo-pe. Oje’ehaguéicha heta vece ko conferencia-pe, ñambohovake gueteri distracciones ha mbotavy, confusión ha sarambi, py’ara’ã ha tentación-kuéra oñeha’ãva omomombyry ñane korasõ pe Salvador-gui ha umi vy’a ha porãngue ja’experimentava’ekue jaseguívo Chupe.
Upe adversidad rupi, pe Lehi sueño oinclui avei peteĩ advertencia! Pe ysyry mboypýri oĩ peteĩ óga tuichapajepéva ha ipyrusúva ha henyhẽ yvypóragui opa edad-gua ohechaukáva ikuãme ha oñembohorýva umi Jesucristo seguidor-kuéra hekojojávare.
Umi yvypóra oĩva pe óga tuichapajepévape oñembohory ha opuka umi oñongatúva mandamientokuéra rehe, odesacreditasévo ha oñe’ẽvaívo ijerovia Jesucristo ha Iñevangelio rehe. Ha umi ataque verbal duda ha ñemotĩ rupi ojejapíva umi ogueroviáva kóntrape, oĩ umi ho’úva’ekue pe yvágui oñepyrũva hi’otĩ pe evangelio o’aceptava’ekuégui. Umi vyrorei ko yvoragua ombotavy chupekuéra; oje’i hikuái pe yvyramáta ha hi’águi ha, he’iháicha Escritura-pe, “[ho’a tape oñembotovévape ha okañy hikuái.” 10
Ko ñane mundo ko’áĝaguápe, umi adversario equipo de construcción omba’apo horas extras omopu’ãvo pya’eve pe óga tuichapajepéva ha ipyrusúva. Pe ituichakue ojeipyso pe ysyry mboypýri, oha’arõvo oike haĝua ñande rogakuérape, ha upéva aja umi oseñaláva ha oñembohorýva osapukái atã ára ha pyhare iparlantekuéra internet-pe. 11
Presidente Nelson he’i: “Pe aña okuadruplika hína oñeha’ãvo ombyai hag̃ua umi testimonio ha ojoko hag̃ua Ñandejára rembiapo.” 12 Penemanduáke umi Lehi ñe’ẽnguérare: “…ha katu noropenái hesekuéra.” 13
Jepe natekotevẽi jakyhyje, ñaimeva’erã en guardia. Sapy’ánte, umi mba’e michĩva omboykekuaa ñande equilibrio espiritual. Ani peheja pende duda, umi ambuekuéra ñe’ẽ’api, umi angirũ ndojeroviáiva, térã umi jejavy ha decepción ñembyasyrã penemomombyry umi jehovasa kyrỹi, potĩ ha ñanemyanyhẽvagui, oúva pe yvyramata’a ovaletereívagui. Pemantene pende resa ha pene korasõ centrado ñande Salvador Jesucristo-pe ha vy’a eterno oúva Ha’e rupinte.
Jason Hall jerovia
Junio-pe, che rembireko Kathy ha che roho Jason Hall ñeñotỹhape. Omanorõguare, oreko 48 año ha oservíkuri cuórum de élderes presidente ramo.
Ko’ãva ha’e Jason ñe’ẽ peteĩ mba’e omoambueva’ekuére hekove:
[Arekóvo 15 año], arekókuri peteĩ accidente ajapóvo peteĩ clavado […] [Amopẽ ] che ajúra ha apyta paralizado che pyti’a guive yvy gotyo. Aperdepaite che retymakuéra control ha parcialmente che jyvágui. Ndaikatuvéima aguata, ni añembo’y […] térã akaru che’año. Apena ikatu arrespira térã añe’ẽ.” 14
“Che Ru [Yvagagua] rohayhuetéva, ajerure’asy, ikatunterõ aipuru che pokuéra, aikuaa ikatutaha asẽ adelante. Por favor, che Ru, por favor […].
“….Epyta umi che retyma reheve Túva; ehejántena [ajerure’asy ndéve] taipurukuaa umi che po.” 15
Jason araka’eve ndorrekuperái umi ipo jeipuru. ¿Ikatúpa pehendu umi ñe’ẽ’apu oúva pe óga tuicha ha ipyrusúvagui? “Jason Hall, ¡Tupã nohendúi ne ñembo’ekuéra! Tupã ha’érõ peteĩ Tupã oporohayhúva, ¿Mba’éicha piko nderejáta upéicha? ¿Mba’ére piko rejeroviáta Cristo-re? Jason Hall ohendu iñe’ẽpukuéra, ha katu nopenái hesekuéra. Mas bién henyhê peve okaru pe yvyramata’are. Ijerovia Jesucristo-re oñemova’ỹ. Ha’e ojegradua universidad-pe ha omenda Kolette Coleman ndive templo-pe, odescribívape “el amor de mi vida” ramo. 16 16 año omenda rire, oiko ambue milagro: onace hi’adorado ra’y, Coleman.
¿Mba’éicha ojapo hikuái oaumenta haĝua ijerovia? Kolette omombe’u: “Rojerovia Tupã plan rehe Ha upéva ome’ẽ oréve esperanza. Roikuaa Jason [peteĩ ára oúvape] oñemonguerataha […]. Jaikuaákuri Tupã ome’ẽha ñandéve peteĩ Salvador, Isacrificio expiatorio ohejáva ñamaña gueteri pe futuro gotyo ñañeme’ẽserõ jepe por vencido.” 17
Oñe’ẽvo Jason funeral-pe, Coleman, orekóva 10 año, he’i itúva ombo’ehague chupe “ñande Ru Yvagagua [oguerekoha] peteĩ plan ñandéve ĝuarã, ko tekove yvy ári ha’étaha increíble ha ikatutaha jaiko familia-icha…. Pero […] jahasava’erã umi mba’e hasýva rupi ha jajavýta.”
Coleman ocontinua: “ Túva Yvagagua omondo Ita’ýra Jesús-pe, ko yvy ári. Hembiapo ha’ékuri taiperfecto; omonguera hentekuérape; ¡Ohayhu chupekuéra! Ha upéi osufri opa ñane mba’e’asy, ñembyasy ha pekadokuérare. Upéi omano ñanderehe.“ Upei Coleman he’ive: “Ha Ha’e ojapohaguére umíva, Jesús oikuaa mba’éichapa añeñandu ko’áĝaite.”
“Mbohapy ára Jesús omano rire […] okive jey Icuerpo perfecto reheve. Upéva iñimportante chéve ĝuarã porque aikuaa […] che [ru] cuerpo iperféctota avei ha roiméta oñondive familia-icha […].
Upéi Coleman ombopaha: “Cada pyhare chemitãmirõ guive, che ru he’i chéve: ‘Nde ru nderayhu, Túva yvagagua nderayhu ha nde ha’e peteĩ mitã iguénova.” 18
Vy’apavẽ ou Jesucristo rupi.
Presidente Russell M. Nelson odescribi mba’érepa pe familia Hall ovy’a ha oguereko esperanza. Ha’e he’i:
“Pe goso ñañandúva ndoguerekói hetaiterei relación umi mba´e ojehúvape ñande rekovépe, ha katu oguereko heta relación pe enfoque jaguerekóva ñanderekovépe.
Ñacentra ramo ñande rekove Tupa plan de salvacion….ha Jesucrísto ha iñevangélio-pe, ikatu ñañandu goso, opa mba’e oikórô térâ ndoikóirô ñande rekovépe. Pe Vy’apavẽ ou Chugui, ha Hese rupive… Ha’e ningo ha’e opa vy’apavẽ fuente…
Ñamoĩrõ ñande vista ko mundo-pe... araka’eve jaikuaáta pe vy’apavẽ […] [Vy’apavẽ] Ha´e don oúva ñañeha’ãrõ jesarekópe jaikove haĝua peteî vida de rectitud-pe, Jesucristo oporohekombo´e haguéicha.” 19
Peteĩ promesa pejujeývo
Peimerõ pe yvyramata’a’ỹre algún tiempo aja, peikuaáke pe Salvador jyva ojeipysoha tapiaite peẽ gotyo. Ha’e ohenói mborayhu reheve: “Peñe’arrepentí ha peju cherendápe.” 20 Hi’yva ha’e abundante ha oĩ meme ne temporada. Ndaikatúi ojejogua pirapire reheve, ha avave oipota añetévape oñenega pe yva. 21
Oimeraẽ oujeyséva pe yvyramátape ha oprobase jey hi’a, peñepyrũ peñembo’evo pende Ru Yvagaguápe. Pejerovia Jesucristo ha Isacrificio expiatorio pu’aka rehe. Apromete peẽme pemañávo pe Salvador rehe “opa pensamiento-pe” 22 yvyramata’a penemba’e jeýta, heterei pende gusto-pe ĝuarã, vy’a pene ángape ĝuarà.” 23
Ojapo mbohapy semana, ahecha pe Salvador yva vy’apavẽ ojehechaukárõ, che rembireko Kathy ha che ro’asisti aja Templo de Lisboa, Portugal dedicación-pe. Pe evangelio restaurado añeteguakuéra oñemoĩ al alcance Portugal-pe 1975-pe, oñemoĩvo pe libertad religiosa. Heta umi santo inóbleva ho’úva’ekue pe yva por primera ves ndaiporirõguare congregación, capilla ni ningún templo a menos de 1600 kmts. ko’áĝa ovy’a orendive oguerekóvo pe yvyramáta’a ovaletereíva abundantemente Ñandejára Rógape Lisboa, Portugal-pe. Mba’eichaite piko amomorã ha ahechaporã umi Santos de los Últimos Días omanteneva’ekue ikorasõnguéra afianzado pe Salvador-pe.
Pe Salvador he’i: “Che hína pe parral máta, peẽ katu umi hakã; pe ojoajúva che rehe, ha che hese, upéva heta hi’a, cherehe’ỹ peẽ ndaikatúigui pejapo mba’eve.” 24
Oñe’èvo ko pyharevépe tupaogua miembrokuérape ko mundo jerére, Presidente Nelson he’i: Che hermano ha hermanakuéra pohayhuetéva, peẽ ha’e modelo viviente umi yvágui oúva jaseguívo Jesucristo rekombo’ekuéra. Upéi ha’e ombojoapya; Grasia mante! ¡Pohayhu!” 25
Ore Rohayhu, presidente Nelson.
Che ha’e testigo ocular pe poder de revelación oĩva ñande querido presidente ári. Ha’e ningo peteĩ Tupã profeta. Pe Lehi ymaguaréicha, presidente Russell M. Nelson ñane’invita ñandéve, Tupã familia, jaju ha japarticipa haĝua pe yvyramata’águi. Ajerure’asy tajaguereko humildad ha mbarete jasegui haĝua iconsejo.
Humildemente atestifika Jesucristo ha’eha Tupã Ra’y. Imborayhu, Ipu’aka ha Igrásia ome’ẽ opa mba’épe peteĩ valor oduráva. Upévagui atestifika Jesucristo rérape. Amén.