Ikatu jajapo porãve ha ñamehorave
Pemoĩ pene akã arrepentimiento diario-pe, ha’e hag̃uáicha peteĩ parte tan integral pende rekovépe, ikatu hag̃ua peiporu pe sacerdocio con más poder que nunca.
Che hermano-kuéra pejehayhuetéva, ñane’inspira ñame’ẽ hag̃ua ko tuichaite kongregasiõ pe Ñandejára poseedor del sacerdocio batallón-pe. Ipoderosoitéva pu’aka mba’eporãra ningo ha’e peẽ! Ore pohayhu. Roñembo’e penderehe. Ha roime aguijeveme’ẽme penderehe.
Nda’aréi ajejuhu añanduhague che interesaite pe tekombo’e Ñandejára ome’ẽakue Profeta José Smith rupive: “Ani ere mba’eve ko gerenarsiõme térã arrepentimiento”. 1 Upe declarasiõ py’ỹi oje’ejevy umi Escritura pukukue javeve. 2 Ogueru peteĩ porandu hesakãva: “Opavavépatekotevẽ oñearrepenti?” Pe mbohovái ha’e, heẽ.
Hetaiterei tekove ohecha arrepentimiento kastigo ramo—peteĩ mba’e ndajajapoiva’erã ndahairõ ivaiterei jave. Ha katu Satanás ningo omoĩ péichagua temiandu. Ha’e oha’ã ani hag̃ua ñama’ẽ Cristo-re, 3 oha’arõva ijyva jepysópe, 4 , esperanza ha disposisiõ reheve ñanemonguera, ñañeperdona, ñanemopotĩ, ñanemombarete, ñandepurifika ha ñanesantifika hag̃ua.
Ñe’ẽ arrepentimiento Nuevo Testamento Griego-pe ha’e metanoeo. Pe prefiho meta-he’ise “kambio”. Pe sufiho noeooho umi ñe’ẽ griego he’isévare “apytu’ũ”, “kuaapy”, “espíritu” ha “pytu”. 5
Upévare, Jesús ojerure jave chéve ha peẽme ñañe “arrepenti” hag̃ua, 6 ha’e ñane’invita hina ñakambia hag̃ua ñane mente, pe jaikuaáva ha ñande espiritu—mba’éicha ñane pytuhẽ jepe. Ha’e ojerure ñandéve ñakambia hag̃ua mba’éicha jahayhu, ñapensa, jaservi, jahasa ñane tiempo, jatrata ñane rembireko, ñambo’e ñane familia-kuéra ha ñañangareko ñande retére jepe.
Ndaipóri mba’eve ikatúva ñanemosãsove, ñanembotuichave térã tekotevẽvéva ñande progreso individual-peguarã, pe ñañe’centra a diario ha regularmente arrepetimiento-pe. Arrepentimiento ndaha’éi peteĩ mba’e oiko ha opáva, ha’e peteĩ mba’e okontinuáva. Péva ha’e kláve jaguereko hag̃ua vy’apavẽ ha py’aguapy mental. Oñembojoajúramo fe ndive, pe arrepentimiento ojora Jesucristo Expiasiõ pu’aka. 7
Taha’e peguata porã umi konvénio rapére, peñepysãnga térã pesẽra’e upe tapégui, térã ndaikatúi jepe pehecha upe tape pe ko’ág̃a peimehágui, ajerure’asy peẽme peñearrepenti hag̃ua. Peñandu pe pu’aka opomombaretéva orekóva arrepetimiento diario—pejapo ha pemehorávo michĩmimi ára ha ára.
Jaiporavóramo ñañearrepenti, jaiporavo ñamkambiataha! Jaheja pe Salvador ñane’transforma pe máva iporãvéva ikatúvape ñande ha’e. Jaiporavo jakakuaa espiritualmente ha jarrecibi vy’apavẽ—pe vy’apavẽ rredensiõ rehegua Hendive. 8 Jaiporavóramo ñañearrepenti, jaiporavo jajoguavetaha Jesucristo-pe. 9
Hermano-kuéra, tekotevẽ jajapo porãve ha ñamehora ve ñaimégui peteĩ ñorairõguasúpe. Pe batalla pekádo kóntra hi’añete. Pe aña okuadruplika hina iñeha’ã ombyai hag̃ua umi testimonio ha ojoko hag̃ua Ñandejára rembiapo. Ha’e oarma hina umi hendiveguápe árma ipoténtava reheve, ani hag̃ua japarticipa pe Ñandejára vy’apavẽ ha mborayhúgui. 10
Arrepentimiento ha’e kláve ani hag̃ua jareko miseria oguerúva pe aña ñuhã. Ñandejára noha’arõi ñande perfecto kóva ko punto ñande progreso eterno-pe. Ha katu Ha’e oha’arõ ñanepotĩ potĩve jahávo. Pe arrepetimiento diario ha’e pureza rape, ha pureza ogueru pu’aka. Pe pureza personal ikatu ojapo ñandehegui ipoderósova tembiporu Tupã pópe. Ñane arrepentimiento—ñande pureza—ome’ẽta ñandéve pu’aka ñaipytyvõ hag̃ua Israel ñembyatyrã.
Ñandejára ombo’eakue profeta José Smith-pe “umi sacerdocio derécho ojoajuha yvagakuerapegua pu’aka rehe, ha ko’ãva ndaikatúi oñesambyhy ni oñemaneha térã umi principio de la rectitud rupive añonte” 11 .
Jaikuaa mba’épa ome’ẽta ñandéve tuichave jehupyty yvagakuéra pu’akágui. Ha jaikuaa avei mba’épa ojokóta ñande progreso—ha mba’épa ndajajapoveiva’erã ikatu hag̃ua ñambotuichave ñande jehupyty yvagakuéra pu’akágui. Hermano-kuéra, ñembo’épe peheka pentende hag̃ua mba’épa oñemoĩ hina pene’arrepentimiento rapépe. Peikuaa mba’épa ndohejái peñe’arrepenti. Ha upéi, pekambia! Peñe’arrepenti! Opavave ñandekuéra ikatu jajapo porãve ha ñamehorave araka’eve’ỹroguáicha. 12
Oĩ mba’éicha ikatuha ñamehorave. Peteĩva ha’e pe mba’éicha jatrata ñande rete. Amomba’eguasuete pe milágro ha’éva cuerpo humano. Ha’e peteĩ apopyre hechapyrãva, tekotevẽva jajupi hag̃ua jahávo ñande katupyry tuichakue divino gotyo. Peva’ỹre ndaikatúi japrogresa. Oñeme’ẽvo ñandéve pe don de un cuerpo, Tupã ohejákuri jajapo peteĩ paso vital jajoguave hag̃ua Chupe.
Satanás ontende péva. Omolesta chupe, pe hi’apostasia preterrenal rupi, ojedeskalifikaha chupe permanentemente kóva ko privilehiogui, ohejáva chupe estado constante de celo ha resentimiento-pe. Upévare heta, ndaha’éiramo hetave umi tentasiõ ha’e omoĩva ñande rapépe ogueru pe jatrata vai ñande rete térã ambue tapicha rete. Satanás imiserable ndahetéi rupi, ha ha’e oipota ñane miserable jarekorupiñande rete. 13
Pende rete ha’e pene templo personal, ojejapoakue ombohóga hag̃ua pende espiritu eterno. 14 Ñeñangareko peme’ẽva upe templo-pe imba’eguasu. Ha ko’ág̃a aporandu peẽme, hermano-kuéra: peimevépa interesado pemonde ha pembojegua hag̃ua pende rete peneporã hag̃ua mundo-pe peneporã rãngue Tupãme? Mbohovái peme’ẽva kóva ko porandúpe ome’ẽ Chupe peteĩ mensahe directo mba’e peñandu pe don tuichapajepe oñeme’ẽva’ekuére peẽme. Hermano-kuéra, upe ñande reterehe jareko revencia, che arovia ikatuha jajapo porãve ha ñamehorave.
Ambue henda ikatuha jajapo porãve ha mehorave ha’e mba’éichapa ñamomorã umi kuña ñande rekovepegua, ñañepyrũvo ñane rembireko ha ñande rajykuéra ndive, ñande sy ha ñañe hermana-kuéra. 15
Ha ojapo mése, arrecibihague peteĩ kuatia haipyre opokóva ñañekorasõre, peteĩ hermana ojehayhuetévagui. Ha’e ohai: “[Che membykuéra ha che] roñandu roimeha peteĩ tuichapajepéva competencia-pe ore ména ha ore familiakuéra atensiõre, umi noticia deportiva veinticuatro hora, siete día a la semana, umi videohuego, umi noticia del mercado de valores, [ha] pe oñeñe’ẽ ha ojehecha umi partido opaite deporte-gua [ikatúva ñaimo’ã] opa’ỹva ndive. Ha’ete ku ore ndaha’evéimava pe ore ména ha ore membykuéra priorida [umi deporte ha partido] ha’égui priorida permanente. 16
Hermano-kuéra, primer ha imba’eguasuvéva deber peguerekóva poseedor del sacerdocio ramo ha’e, pehayhu ha peñangareko hag̃ua penerembirekóre. Peñemopeteĩ hendive. Tahe’e pe iñirũ Pejapova’erã ani hasy chupe oñeme’ẽ hag̃ua pe’ẽme. Mba’evéichagua interés ko vida-pe ndaikatúi tuichavéramo pemopu’ã hag̃ua hendive peteĩ relación eterna Mba’eve televisión-pe, dispositivo móvil, térã computadora-pe ndaikatúi imba’eguasuve pe iñeimeporãgui. Pehai kuatiáre mba’éicha pegasta pene tiempo ha moõpa peiporu penembarete. Péva he’íta peẽme moõpa oĩ penekorasõ. Peñembo’e pene korasõ oĩ hag̃ua peteĩme penerembireko korasõ ndive. Peñeha’ã peme’ẽ chupe vy’apavẽ. Peheka iñemoñe’ẽ ha pehendu. Pe ha’e he’íva omehoráta umi peẽ pejapóva.
Tekotevẽramo peñe’arrepenti mba’éicha petratahague umi kuña hi’ãguivéva pendehegui, peñepyrũ ko’ág̃a. Ha penemandu’ake ha’ehapenerresponsabilida peipytyvõ hag̃ua umi kuña penderekovepegua ohupyty umi jehovasa oúva javiviramo pe ley de castidad del Señor. Anike araka’eve peẽ ha’e razon peteĩ kuña ndaikatúi hag̃ua ohupyty umi ijehovasa templo-pegua.
Hermano-kuéra, enterove ñañe’arrepentiva’erã. Ñapu’ãva’erã pe sofa-gui, ñamboguejy pe control remoto, ha japay ñande jeke espiritual-gui. Ha’éma ára ñamoĩmbaite hag̃ua Tupã armadúra, ikatu hag̃uáicha ñañe embarka pe tembiapo imba’eguasuvévape ko yvyape ari. Og̃uahẽma ára “ñamoinge hag̃ua ñande kyse karapã, ha ñamono’õ opa ñande pu’aka, ñane apytu’ũ ha ñane mbarete reheve”. 17 Umi aña pu’aka araka’eve ndoúiva ñembyivaiete reheve ko arapeguáicha. Ñandejára siervo ramo, ndaikatúi jake oñeñorairõ aja ko batalla.
Pene familia oikotevẽ pende liderazgo ha pene mborayhu. Pende quórum ha umi pene rama ha barrio-pegua oikotevẽ penembaretekue. Ha opavave pendekuaáva oikuaava’erã mba’éichapa ha’e peteĩ Ñandejára discipulo añete ha mba’éicha oactua.
Che hermano-kuéra ahayhuetéva, ñande Ru pende poravoakue peju hag̃ua yvy’ári ko ára guasúpe pene valentia espiritual-preterrenal rupi. Peẽ peime umi kuimba’e ojeporavopyre ha ipy’aguasuvéva apyte, araka’eve ouva’ekue yvyape ari. Satanás oikuaa mávapa peẽ ha mavapara’e peẽ vida preterrenal-pe ha ontende pe tembiapo ojejapova’erã pe Salvador oujevy mboyve. Ha hetaiterei ára ojapo rire hembiapo katupyry, pe aña hembiasa heta ha ndaikatúi ijekorrehi.
Mba’porãra, pe sacerdocio jaguerekóva imbareteve pe aña ñuhãgui. Ajerure peẽme taha’emi hag̃ua peẽ, pe kuimba’e ha hombre jóven Ñandejára oikotevẽva peẽ ha’e. Pejesareko pe arrepentimientodiario taha’epaite pende rekovépe, ikatu hag̃uáicha peiporu pe sacerdocio tuichave pu’aka reheve araka’eve’ỹroguáicha. Péicha añoite ikatúta peẽ ha pene familia-kuéra peime espiritualemente seguro umi ára vai oĩvape tenonderã.
Ñandejára oikotevẽ kuimba’e ijehe opensa’ỹva, omoĩva ambue tapicha ñeimeporã ijupe mboyve. Ha’e oikotevẽ kuimba’e omba’apo añetéva ohenduporã hag̃ua pe Espiritu ñe’ẽ. Ha’e oikotevẽ kuimba’e konvéniopegua iñe’ẽrendúva umi ikonvéniore teko marangatúpe. Ha’e oikotevẽ kuimba’e he’iva oikotaha sexualmente puro—kuimba’e heko potĩva ikatúvape oñehenói oimerãe ára, ome’ẽ hag̃ua jehovasa korasõ puro, apytu’ũ potĩ ha pojerápe. Ñandejára oikotevẽ kuimba’e oñe’arrepentiséva—kuimba’e oserviséva ha ha’eséva parte umi digno poseedor del sacerdocio Ñandejára batallón-pe.
Pohovasa oiko hag̃ua pendehegui péichagua kuimba’e. Pohovasa py’aguasu reheve peñe’arrepenti hag̃ua ára ha ára ha peikuaa hag̃ua mba’éicha pemomba’apopaitekuaa pe sacerdocio pu’aka. Pohovasa peikuaauka hag̃ua pe Salvador mborayhu pene rembireko ha pene familia-kuéra ha opa umi pendekuaávape. Pohovasa pejapo porãve ha pemehorave hag̃ua. Pohovasa pejapóvo ko’ã ñeha’ã, tapehasa milagro pende rekovépe.
Ñaime ningo dedikádo Tupã Ipu’akapáva rembiapópe. Jesús ha’e pe Cristo. Ñande ha’e Isiervo. Pévare atestifika, Jesucristo rérape. Amén.