Ja’ehersita umi ñane múskulo espiritual
Jalee térã ña’aprende muskulokuéragui ndaha’eiháicha suficiente okakuaa haĝua umi múskulo, upéicha avei jalee ha ña’aprende jeroviagui, nañamoĩvéirõ acción, ndaha’éi suficiente jadesarrolla haĝua pe jerovia.
Cheaguijeterei pe jehovasa aguereko haguére peteĩ cuerpo físico, ha’éva ñande Ru Yvagagua regalo térã don maravilloso. Ñande rete oreko mas de 600 múskulokuéra.1 Heta umi múskulo oikotevẽ ehersisio oĩ haĝua en condiciones jajapo haĝua umi ñande actividad diaria. Ikatu jadedika heta esfuerzo mental jalee ha ña’aprende haĝua ñane muskulokuéragui, ha katu ñapensarõ upéva omombaretevéta chupekuéra, jajedecepcionaitereíta. Ñane muskulokuéra okakuaa jaipururõ mante.
Añeme’ẽ en cuenta umi dones espirituales upeichaite avei. Ha’ekuéra avei oikotevẽ toje’ehersita okakuaa haĝua. Pe don espiritual jerovia rehegua, por ejemplo, ndaha’éi peteĩ sentimiento térã peteĩ estado de ánimo añónte; ha’e peteĩ principio de ación py’ỹi o’apareséva Escriturakuérape ojeasosiávo verbo “ehersitar” rehe.2 Jalee térã ña’aprende muskulokuéragui ndaha’eiháicha suficiente okakuaa haĝua umi múskulo, upéicha avei jalee ha ña’aprende jeroviagui, nañamoĩvéirõ acción, ndaha’éi suficiente jadesarrolla haĝua pe jerovia.
Aguerekóvo dieciséis áño, che ryke’y Iván, oguerekóva veintidós upéramo, ou ógape peteĩ ára ha okomparti peteĩ noticia ore familia ndi. Odecidi oñemongaraitaha Iglesia de Jesucristo de los Santos de los Últimos Días-pe. Ore tuvakuéra omaña hese oguerovia’ỹlentorõ ha chemandu’a nantendepáikuri oikóva hína. Un áño rire rupi, ome’ẽ oréve noticia sorprendentevéva, ha’e odicidi oservitaha peteĩ misón tupaópe ĝuarã, he’iséva ndorohechamo’ãiha chupe mokõi áño rupi. Che tuvakuéra ndahorypái upe noticia reheve; upevére, ahecha ipype peteĩ firme determinación ombokakuaáva che admiración hese ha pe decisión ojagarrava’ekuére.
Mese rire, Iván oservi aja imisión, aguerekókuri oportunidad aplanea haĝua peteĩ vacación che kompañerokuéra ndive escuela secundaria-gua. Rocelebrase ore etapa de estudiante de secundaria paha, upévare rohasáta unos días playa-pe.
Ahai che hermano misionero-pe amombe’úvo chupe umi che plan verano-pe ĝuarã. Iñembohováipe, ohai pe ciudad ha’e oservihápe oĩha ore destino rapépe. Adecidi ha’etaha peteĩ oportunidad porã ajapo haĝua peteĩ parada ha avisita chupe. Ndaha’éi heta upe rire aikuaaha umi misionero ndojevisitaiva’erãha ifamiliakuérare.
Ajapo umi preparativo upe visitarã. Chemandua ahárõ pe colectivo-pe apensávo mba’eichaitépa rohasa porãta Iván ha che upe ára porãitépe. Ñepyrũha, rorambosáta, roñemongetáta, upéi roñembosaráita yvýre ha roñemoĩta kuarahýpe. ¡ Mba’e ára increíble roguerekótava!
Colectívo oĝuahẽvo terminal-pe, ahecha Iván-pe otro mitãkaria’y ypýpe, mokõive ikamisa morotĩ ha ikorváta. Aguejy colectívogui, roño’añua ha opresenta chéve ikompañerope. Aperde’ỹre un minuto-ve, amombe’u che hermano-pe che plan upe árape ĝuarã, ha katu ndaikuaái mba’éve umi plan Iván oguerekóva chéve ĝuarãgui. Ha’e omaña cherehe, opukavy ha he’i: “!Upeichaite!, Upevére, roguereko mba’e rojaporaẽva’erã. ¿Ejútapa orendive?” Heẽ ha’e, apensávo riguerekotaha suficiente tiempo roho haĝua playa-pe upe rire.
Upe árape, aguata mas de diez horas upe ciudad rapére che hermano ha ikompañero ndive. Apukavy gente-pe opa pe ára; asaluda persona-kuéra araka’eve ndahechaiva’ekue. Roñe’ẽ opa ojekrusáva orendivépe, rombota personakuéra ndoroikuaáiva rokẽ ha rovisita umi che hermano ha ikompañero ombo’évape hína.
Peteĩ umi visita aja, che hermano ha ikompañero ombo’e hína Jesucristo ha iplan de Salvación-gui. Iván ojapo peteĩ pausa ha omaña cherehe sapy’a. Che sorpresarã, ha’e ojerure porã chéve akomparti haĝua che opinión upe ha’e ombo’éva hína rehe. Pe koty okirirĩmbaite, opa tesa omaña herehe. Hasýpe ipahápe ajuhu umi ñe’ẽ ha akomparti che remiandu pe Salvador rehe. Ndaikuaái pe akompartiva’ekuepa oĩ porã térã oĩ vai. Che hermano ndachekorregíri; al contrario, ome’ẽ chéve aguije akomparti haguére che pensamiento ha che remiandukuéra.
Umi hora roime aja oñondive, che hermano ha ikompañero ndoipurúi ni peteĩ minuto chembo’e haĝua peteĩ lección, ha jepe upéicha, upérõ ahupytyve kuaapy opa ambue ñemongeta aguerekova’ekue hendivépegui . Che ha’ékuri testigo mba’éichapa umi persona rova okambia orrecibi aja tesape hekovekuérape. Ahecha mab’éichapa alguno ohupyty esperanza umi mensaje-pe ha a’aprende mba’eichapa aserviva’erã ambuekuérape ha cheresarái chejehegui ha umi che deseos personales-gui. Ajapo hína kuri pe Salvador ombo’eva’ekue: “Alguno ouserõ cherapykuéri, toñenega ijupe…”3
Amañávo tapykue gotyo, añeme’ẽ en cuenta upe ára che jerovia okakuaákuri che hermano ome’ẽ haguére chéve oportunidad amoĨ haĝua acción-pe. A’ehersita a medida que rolee umi Escritura, roheka máva rombo’e haĝua, rokomparti pe testimonio, roservi ambuekuérape ha upéicha. Upe árape ndorojagarrai kuarahy, ha katu che korasõ ohupyty tesape yvágagui. Ndahechái ni peteĩ yvy ra’ỹi, ha katu añandu che jerovia okakuaaha peteĩ mostaza ra’ỹicha.4 Ndaha’éikuri peteĩ turista upe ára de verano-pe, ha katu aguerekókuri experiencias maravillosas ha añeme’ẽ’ỹre en cuenta, ha’ékuri peteĩ misionero, ha’e’ỹre jepe tupaogua miembro!
Oportunidades ñamombarete haĝua umi múskulo espiritual.
Pe evangelio Restauración rupive ikatu ñantende mba’éichapa ñande Ru Yvagagua ñanepytyvõ jadesarrolla haĝua umi dones espirituales. Ikatuve ome’ẽ ñandéve oportunidad jadesarrolla haĝua umi don, oñeme’ẽ rangue ñandéve jajapo’ỹre peteĩ esfuerzo físico térã espiritual. Ñaimerõ en sintonía Ijespiritu ndive, ña’aprendéta jahechakuaa haĝua umi oportunidad ha upéi ja’actuáta hese.
Jahekavérõ paciencia, jajotopáta tekotevẽ rehe japractika haĝua upéva ña’ha’arõ aja peteĩ ñembohovái. Jaguerekosevérõ mborayhu ñande rapichakuérare, ikatu ñafomentave upéva jaguapyrõ peteĩ ipyahúva ndive capilla-pe. Jerovia reheve upéicha avei; ou vove duda ñane akãme, oñeikotevẽta ñakonfia Ñandejára promesakuérare jaha haĝua tenonde gotyo. Upéicha ja’ehersita ñande muskulokuéra espiritual ha jadesarrolla umíva ha’e haĝua peteĩ fuente de fortaleza ñande rekovépe.
Ikatu hasy iñepyrũháme, jepe ikatu ha’e peteĩ desafio tuicha. Ñandejára ñe’ẽ , Moroni rupi, oje’aplika ñandéve ko árape: “Ha yvyporakuéra oúramo chéve ahechaukáta chupekuéra ikangyha. Che ameʼẽ yvyporakuérape ñemokangy oñemomirĩ hag̃ua hikuái; ha iporãntema che grásia opa yvypóra oñemomirĩvape cherenondépe; ha oñemomirĩramo hikuái che renondépe, ha oguerekóramo cherehe jerovia, upéramo ajapóta umi mbaʼe ikangýva taimbarete chupekuéra.”5
Che aguije che hermano Iván rehe, ndaha’éi okompartívante pe evangelio chendive, ha katu indirectamente che’invita avei avivi haĝua ha ahechakuaa haĝua che kangykuéra. Ha’e cheipytyvõ a’acepta haĝua pe Maestro invitación: “Eju, chesegui”6—aguata haĝua pe Salvador oguatahaguéicha, aheka pe Salvador ohekahaguéicha ha ahayhu haĝua pe Salvador ohayhuhaguéicha. Mese rire, che experiencia misional rire, adecidi ajebautisávo ha aservi che propia misión.
Ja’aceptána presidente Russell M. Nelson invitación ha intención añete reheve jaha pe Salvador-pe7 jahechakuaávo umi múskulo oikotevẽvéva actividad espiritual ha ñañepyrũ ja’ehersita umíva. Kóva ha’éve peteĩ carrera de larga distancia peteĩ carrera de 100 metro plano rangue; asi que ani ñanderesarái umi michĩ, ha katu constante actividakuéra omombaretéva umi múskulo espiritual iñimportantéva. Ñambokakuaaserõ ñande jerovia, upéicharõ jajapo umi mba’e oikotevẽva jerovia.
Atestifika ñande ha’eha peteĩ Túva Yvagagua ñanderayhúva ta’yrakuéra. Ita’ýra, Jesucristo, ñanderayhu. Ou ko mundo-pe ohechauka haĝua ñandéve pe tape ha upéi voluntariamente ome’ẽ hekove ome’ẽ haĝua ñandéve esperanza. Pe Salvador ñane’invita jasegui haĝua Ijehemplo perfeto, ja’ehersita haĝua ñande jerovia Hese ha Ijexpiasiõ, ha ñambokakuaa haĝua opa umi ñande dones espirituales ñanderovasava’ekue reheve . Ha’e ha’e upe Tape. Kóva ha’e che testimonio, Jesucristo rérape. Amén.