Peteĩ óga Ñandejára Espíritu oikohápe
Pejuhúta vy’a tuichavéva pene ñeha’ãme pejapo haĝua pende rógagui peteĩ tenda oĩháme Jesucristo-re jerovia ha henyhẽva mborayhúgui.
Che hermano ha hermanakuéra pohayhuetéva, cheaguije añeinvita haguére añe’ẽ haĝua ko Conferencia General Anual 189 Iglesia de Jesucristo de los Santos de los Últimos Días-guápe. Ko fecha-itépe, 1.830-pe, José Smith o’organiza pe tupao Ñandejára dirección guýpe,. Upéva oikova’ekue familia Whitmer rógape, Fayette, Nueva York-pe. Upe árape oĩ presente seis miembro, ha 50 personakuéra rupi oĩva interesado.
Jepe ndaikuaái mba’épa he’íkuri profeta José ni mba’e aspecto-pa oguerekora’e oñembo’yrõ upe aty michĩ renondépe, aikuaa mba’épa oñandúkuri umi hénte oguerekóva jerovia Jesucristo-re. Oñandu pe Espíritu Santo ha oñandu oĩha hikuái tenda santo-pe, Ha seguramente oñandu ojoajuha ha ha’eha peteĩcha.
Upe milagroso temiandu ha’e opavave jaguerekoséva nande rógape. Ha’e peteĩ temiandu oúva ha’erõ, Pablo he’ihaguéicha, “ánimo espiritual rehegua”1
Che objetivo ko árape ha’e ambo’e aikuaáva mba’éichapa ikatu ñamerece upe temiandu py’ỹive ha ña’invita chupe opyta areve haĝua ñande familia-pe. Peikuaaháicha jehasapyrére, upéva ndaha’éi peteĩ mba’e hasy’ỹva jahupyty. Pe ñorairõse, pe orgullo ha pe pekádo ojeguerekova’erã control-pe. Pe Cristo mborayhu potĩ oikeva’era ñane familiakuéra korasõme.
Adán ha Eva, Lehi ha Sariah, ha ambue tuvakuéra jaikuaáva escriturakuéragui ohechakuaa upéva ha’eha peteĩ desafio hasýva. Upevére, oĩ ejemplo vya’apevẽ memégui familia ha ogakuérape ñane mokyre’ỹ ha ñanembopy’aguapýva, Ha umi ejemplo ohechauka ñandéve mba’éichapa ha’echéne ñandéve ha ñane familiakuérape ĝuarã. Penemandu’áne pe ñemombe’u 4 Nefi-pe:
Ha ojehu ndaipóri joavy upe tetãme, Tupã mborayhu oĩva rupi tavayguakuéra korasõme.
Ha ndaipóri potapy, ni joavy, ni japu, ni tekovai, ni añeteguaʼỹ, ni jejuka, ni mbaʼevéichagua tekotieʼỹ; ha añetehápe ndaikatúi oĩ tavayguakuéra ovyʼavéva opa tavayguakuéra Tupã po ojapovaʼekue apytépe.
Ndaipóri mondaha, ni oporojukáva, ni lamaníta, ni mbaʼevéichagua íta; ha katu haʼe hikuái peteĩ, Cristo Raʼy, ha Tupã rréino ohupytýtava.
“Ha mbaʼeichaitépa ojehovasákuri chupekuéra! Ñandejára ohovaságui chupekuéra opa hembiapópe; heẽ, jepe ojehovasa ha oñakãrapuʼã hikuái ohasa peve ciento diez ary; ha peteĩha ñemoñare Cristo rire omanómakuri, ha ndaipóri joavy opa upe tetãme”2.
Peikuaaháicha, upe vy’a ára ndodurái tapiaite ĝuarã. Pe 4 Nefi -gua ñemombe’u ohechauka umi ñehundi espiritual síntoma oñepresentava’ekue peteĩ hente guéno aty apytépe. Ha’e peteĩ modelo ojehechaukava’ekue opa époka pukukue tavayguakuéra ha congregación entero apytépe, ha ñambyasyvéva, familia entera apytépe. Ja’estudiávo upe modelo, jahechakuaa mba’éichapa ikatu ñamo’ã ha jepe ñambokakuaa pe mborayhu remiandu ñande familiakuérape.
Kóva ha’e pe ñehundi modelo oikova’ekue 200 áño oiko rire hikuái pe py’aguapy porãme evangelio oguerúva.
Pe orgullo oike ijapytépe.
Hentekuéra nokompartivéi oñondive umi oguerekóva.
Oñepyrũ opensa peteĩva ha ambuéva ha’eha clase superior térã inferior reheguáva.
Ijerovia Jesucristo-re oñepyrũ ipokãve.
Oñepyrũ hikuái ijeja’e’ỹ ojuehe.
Oñepyrũ ojapo opáichagua pekado.
Umi túva iñarandúva oĩ meméta alerta ohechakuaa haĝua umi síntoma ojehechaukárõ ifamiliakuéra apytépe. Ha, añetehápe ojepy’apýta hikuái. Ha katu oikuaáta pe káusa ñemi ha’eha Satana influencia, oñeha’ãva ogueraha hénte iguénovape tapére ogueraháva pekádope ha, upéicha, operde haĝua Espiritu Santo influencia. Upéicha peteĩ túva térã sy iñarandúva ontendéta oĩha peteĩ oportunidad oguia haĝua peteĩ teĩ ifamiliakuérape, ha avei ijupe, oaceptave haĝua Ñandejára invitación jaha haĝua Chupe.
Ikatu peguereko éxito limitado pehenóiramo peteĩ ta’ýrape oñe’arrepenti haĝua, por ejemplo, pe orgullo-gui. Ikatu pemokyre’ỹ pene familiakuérape okomparti haĝua umi oguerekóva , pojerave reheve. Ikatu pejerure chupekuéra anive oĩmo’ã hikuái iporãveha ambuévagui ifamíliape. Ha katu upéi oĝuahẽ pe síntoma-pe ha’éva: “Ijerovia Jesucristo-re oñepyrũ ipokãve”.
Upéva ha’e kláve peguia haĝua pene familia-pe ojupi haĝua pe tenda espiritual-pe peipotáva chupekuéra ĝuarã ha peẽ peimesehápe hendivekuéra. Peipytyvõháicha chupekuéra ijerovia Jesucristo ha’eha Irredentor ohayhuetéva okakuaa haĝua, ha’ekuéra oñe’arrepentiséta; Ojapoháicha hikuái upéva, pe humildad oñepyrũta omboyke pe orgullo; Oñepyrũvo oñandu Ñandejára ome’ẽva’ekue chupekuéra, okompartisevéta pojera reheve; pe joavy oñembotuichave haĝua térã ohupyty haĝua ñemomorã pokãvéta; Pe jeja’e’ỹ oñemoambuéta mborayhu rehe. Ha ipahápe, ojapo haguéicha tavayguakuérape oñekonvertiva’ekue pe Rey Benjamín rupive ĝuarã, pe potapy ojapo haĝua iporãva omombaretéta chupekuéra, tentación opeka haĝua kóntrape. Pe Rey Benjamín tavayguakuéra otestifika ndoguerekovéimaha “hikuái disposición ojapo haĝua ivaíva”.3
Upéicha ñamopu’ãrõ pe jerovia Jesucristo-re ha’e ñepyrũha ñamboguevi haĝua umi familia ha ogakuéra ñehundi espiritual. Upe jerovia ikatuve ogueraha arrepentimiento-pe pe predicación rangue peteĩ teĩ umi ñehundi espiritual síntoma kóntrape.
Peguia porãvéta ejemplo rupive. Pene familia-gua miembrokuéra ha ambue hentekuéra ohechava’erã peẽte pekakuaaha pende jeroviápe Jesucristo ha Iñevangelio-re. Nda’areiete oñeme’ẽ peẽme peteĩ pytyvõ tuicha. Tupaogua tuvakuéra ojehovasa peteĩ curso de estudio para uso familiar e individual iñinspirádova, Peipuruháicha pehóvo, pemopu’ãta pende jerovia ha pene familiakuéra jerovia Ñandejára Jesucristo-re.
Ñambokakuaávo pe jerovia.
Pende jerovia pe Salvador rehe okakuaa peseguiháicha presidente Russell M. Nelson sugerencia pemoñe’ẽ jey haĝua pe Mormón Kuatiañe’ẽ. Pemarka versículo ha ñe’ẽnguéra oñe’ẽva pe Salvador rehe, Ha pende jerovia Jesucristo-re okakuaa. Ha katu peteĩ planta pyahúicha, upe Jesucisto-re jerovia ipirúta ndapejuhúirõ pe resolución meme pejepy’amongetáta ha peñembo’etaha pembokakuaa haĝua.
Ikatu ndaopavavéi umi pende familiagua miembro oseguíta pende ejemplo pehupyty haĝua jerovia tuichavéva. Ha katu peñemokyre’ỹ Alma, pe ta’ýra jehasapyrére. Ohasávo pe hasýva arrepentimiento ha perdón jehupyty ñeikotevẽ rehe, imandu’a itúva jerovia Jesucristo-re. Pene familiakuéra ikatu imandu’a jerovia perekóva Jesucristo-re pe ára oikotevẽ asy vove pe arrepentimiento-gui. Alma he’i upéichagua árare:
“Ha ojehu péicha ajejopy jave ko jehasaʼasy reheve, chejopývo opa che angaipakuéra ñemomanduʼa, péina ápe, chemanduʼa avei ahenduhague che ru oprofetisáramo tavayguakuérape upe Jesucristo jeju rehe, pe Tupã Raʼy, oexpia hag̃ua yvóra angaipakuérare.
“Koʼág̃a, amoĩvo che apytuʼũ ko temiandúpe, ajerureʼasy che korasõme: O Jesús, Tupã Raʼy, cheporiahuverekóna, aimégui pe vyʼaʼỹ pahápe, ha ajejokua ñemano sã opaveʼỹvape.
“Ha koʼág̃a, péina ápe, ajepyʼamongetávo pévare, nachemanduʼavéima che jehasaʼasýre; heẽ, ndachejopyvéima che angaipakuéra ñemomanduʼa”4.
Peñembo’e mborayhu reheve.
Peme’ẽ rire pe ejemplo pembokakuaaha pende jerovia, peñembo’e famíliaicha ikatu okumpli peteĩ función kláve pejapo haĝua pende rógagui peteĩ tenda marangatu. Ojeiporavo jepi peteĩ persona ha’e haĝua pe portavoz oñeñembo’évo familia-re. Oñeñembo’e hesakãrõ Tupãme umi oñesũva ohendúvo hina rehe, pe jerovia okakuaa opavavépe. Ikatu oñandu hikuái umi mborayhu ñe’ẽ ñande Ru Yvagagua ha pe Salvador rehe. Ha pe oñembo’éva he’i rõ umi oñesũva hína pe circulo familiar-pe oguerekóva algún tekotevẽ réra, opavave ikatu oñandu mborayhu hesekuéra ha chuguikuéra upe familia miembro ramo.
Jepe umi familia miembro ndoikói hína hógape, pe ñembo’e ikatu okrea mborayhu joaju. Pe ñembo’e en familia ikatu oĝuahẽ pe mundo jerére. Heta kásope aikuaa peteĨ miembro che familia-pe oĩva mombyry oñembo’e hínakuri upe mismo momento-pe ha mismo mba’ére che añembo’évare hína. Chéve ĝuarã pe ñe’ẽnga ymaaguare he’íva: “ Pe familia oñembo’éva oñondive opyta oñondive” ikatu oñembotuichave he’ívo “Pe familia oñembo’éva oñondive opyta oñondive, oñemopa’ũramo jepe pe distancia rehe”.
Pembo’e oñe’arrepenti pya’eva’erãha.
Aavave ñande ndaha’éigui perfecto ha ñane remiandu ikatu oje’heri fácilmente , familiakuéra ikatúta ha’e santuario sagrado ñañe’arrepenti háicha pya’e a añetehápe mante. Tuvakuéra ikatu ome’ẽ ejemplo porã. Ikatu ñañe’arrepenti pya’e ha añetehápe ja’ehaguére ñe’ẽ hatãva térã jareko haguére pensamiento ijargélva. Peteĩ sencillo “ambyasy” ikatu oipohano heta herida ha oinvita perdón ha mborayhúpe.
Pe profeta José Smith ha’ékuri peteĩ modelo ñandéve ĝuarã mba’éichapa haa’e ombohovake umi ataake brutal ha umi traidores-pe. Operdona pya’e jepe oikuaa pe agresor oataka jeýta. Ojerure perdón ha operdona reserva’ỹre.5
Peñotỹ pe espíritu misional.
Mosiah ra’ykuéra oĩ decidido ome’ẽvo pe evangelio opavavépe. Upe deseo ou ijehasapyre personal arrepentimiento reheve. Ndaikatúi oguerepu’aka hikuái opensa persona alguna osufritaha umi pekado efecto ha’ekuéra osufri haguéicha, Upévare ombohovake heta áño ñembotove, jehasa’asy ha peligro rehegua ome’ẽ haĝua pe Jesucristo evangelio iñenemigokuérape. Upe proceso-pe, ojuhu hikuái vy’apavẽ umi heta oñe’arrepentiva’ekuépe ha oñandu upe perdón vy’apavẽ Jesucristo expiación rupi.
Ñande familia miembrokuéra potapy okomparti haĝua pe evangelio okakuaáta oñanduháicha hikuái pe perdón vy’apavẽ. Vy’apavẽ ikatúva orrecibi hikuái orrenova jave ikonveniokuéra oparticipávo pe Santa Cena-gui Pe espíritu misional okakuaáta pende rógape umi ta’ýra ha tuvakuéra oñandurõ pe perdón vy’apavẽ servicio saacramental-pe. Iñejemplo de reverencia rupi, tuvakuéra ha ta’yrakuéra avei ikatu oñopytyvõ ojupe oñandu haĝua upe vy’apavẽ. Upe vy’apavẽ ikatu ñanepytyvõ heta ñakonverti haĝua ñande róga peteĩ centro de entrenamiento misional-pe. Ikatu ndaopavavéi oservita peteĩ misión-pe, ha katu opavave oñandúta pe deseo okomparti haĝua pe evangélio oguerahava’ekue chupekuéra oñandu haĝua perdón ha py’aguapy; Ha taha’e oservi hína tiempo completo térã nahániri, opavave ikatu oñandu vy’apavẽ ome’ẽvo pe evangelio ambuekuérape.
Pevisitávo pe templo
Tanto tuvakuéra ta’yrakuérape ĝuarãicha, pe templo ha’e oportunidad porãve ohupyty haĝua temiandu, ha ohayhu haĝua umi tenda celestial. Upéva ha’e especialmente añete gua umi mitãnguéra michĩ aja. Onace haguére Cristo resape reheve. Jepe peteĩ mitãmi ikatu oñandu peteĩ templo isagradoha. Tuvakuéra ohayhúgui imitãnguérape, templo orrepresenta chupekuéra ĝuarã esperanza ikatutaha oguereko ita’yrakuérape ohayhu haĝua ifamilia eterna-pe tapiaite ĝuarã.
Alguno peguereko templo ra’anga pende rógape. Hetavévo ohóvo templokuéra ko yvy ápere, heta tuvakuéra ikatu ovisita umi templo jere ifamiliakuéra ndive. Alguno jepe ikatúta oho puertas abiertas prográmape oñemopu’ãvo umi templo. Tuvakuéra oporandukuaa ifamiliakuérape mba’éichapa oñeñandu oĩvo templo ypýpe térã ipype.
Opa túva térã sy ikatu ome’ẽ testimonio templo osignifikávagui chupekuéra ĝuarã. Presidente Ezra Taft Benson, ohayhúva templokuéra, py’ỹi oñe’ẽ ohechahague isýpe oplancha porãvo ijao templopegua.6 Omombe’u mandu’a orekóva imitãrõguare ohechahague ifamiliape oserõ hógagui oho haĝua templo-pe.
Ha’erõguare tupaogua presidente, oho templo-pe mismo árape cada semana , Ha tapiaite ojapo jepi templo rembiapo peteĩ ijypykue rehe. Upéva ha’ékuri principalmente ituvakuéra ejemplo resultado.
Che testimonio
Pejuhúta vy’a tuichavéva pene ñeha’ãme pejapo haĝua pende rógagui peteĩ tenda oĩháme Jesucristo-re jerovia ha henyhẽva mborayhúgui. Pe evangelio restauración oñepyrũkuri peteĩ humilde porandu reheve ojepy’amongetava’ekue peteĩ humilde ógape, ha ikatu okontinua peteĩ teĩ ñande rogakuérape ñakontinuávo ñamoĨ upépe ha japractika umi evangelio principio-kuéra. Upéva ha’ékuri che esperanza ha rembipota pypukuvéva che mitã guive. Opavave peẽ pehecha sapy’áne upéichagua ogakuéra. Heta peẽ, Ñandejára pytyvõ reheve, pemopu’ã umichagua.
Alguno peñeha’ãmbaite opa pene korasõ reheve pehupyty haĝua upe jehovasa, ha katu noñeme’ẽi peẽme. Pe promesa ajapóva peẽme ha’e peteĩ Cuórum de los Doce Apóstoles-gua miembro ojapova’ekue chéve peteĩ jave. Che ha’e chupe jeiporavokuéra alguno ore familia extendida-pe ojapova’ekuére, che aduda ikatutaha roime oñondivepa mundo oúvape. Ha’e he’i chéve, chemandu’aháicha: “Rejepy’apy hína problema avýva rehe. Nde simplemente evivi rehupytyhaĝuáicha pe Reino Celestial, ha nde familia situación iporãveta reimo’ãkuaávagui”.
Aguerovia ha’e oipysóne upe esperanza rory oimera’ẽvape ñande’apytépe ko vida terenal-pe jajapopava’ekue ikatumíva ñamerece haĝua ñande ha ñande familiagua miembrokuéra upe vida eterna. Che aikuaa ñande Ru Yvagagua plan ha’e peteĩ plan de felicidad. Atestifika Iplan ojapo peteĩ teĩ ñande ñañeha’ãmbaitéva tajajesella ñande familiakuéra ndive eternidad-re.
Aikuaa umi Sacerdocio llave ojerrestaurava’ekue José Smith-pe oñetransmitiva’ekue peteĩ línea de autoridad ndosóiva rupive presidente Russell M. Nelson-pe. Umi llave ojapo posible umi familia sellamiento ko’ã árape. Che aikuaa ñande Ru Yvagagua ñanderayhuha ñandéve, Ita’yrakuéra ñanemoheñoiva’ekue espiritu-pe, peteĩ mborayhu perfecto reheve. Aikuaa Jesucristo expiación rupive ikatuha ñañe’arrepenti, ñañemopotĩ ha oiko ñandehegui digno javivi haĝua familiakuéra mborayhúpe tapiaite ĝuarã ñande Ru Yvagagua ha Ita’ýra Ohayhuetéva Jesucristo ndive. Upévagui atestifika Jesucristo rérape. Amén.