Ñangareko ha Jepyapy’ỹ
Pe mundo pu’akakue oañuavégui ohóvo pe aña, ñañeha’ã mbareteva’erã opa jesarekópe ñaime hag̃ua ñemova’ỹme pe tape katuete ñande guerahátava ñande Salvador-pe.
Peteĩ ára che ahecha kartel almasẽ ventáre he’iva: “Vy’apavẽ, 15.00 dólare”. Aaikuaasetégui mboy vy’apavẽpa ikatuta ajogua $15.00 dólare, aike pe almasẽ ryepype ahecha hag̃ua. Ajuhu heta mba’e ndolavéiva ha mandu’arã—ni peteĩ umi mba’e ahecháva ndaikatumo’ãi ome’ẽ chéve vy’apavẽ pe kartel oikuave’ẽva! Ary ohasávo, heta ára apensáva upe kartelre ha ndahasyite ningo jaheka hag̃ua vy’apavẽ mba’e varato térã temporálvape. Iglesia de Jesucristo de los Santos de los Ultimos Dias ramo, jajehovasa jaikuaágui mba’éicha ha moõpa ojejuhu vy’apavẽ añetegua. Ojejuhu jesarekópe javivivo pe evangelio ñande Señor ha Salvador Jesucristo omoĩ’akue, ha ñañeha’ãvo Ha’éicha hag̃ua ñande.
Roreko ore amigo rohayhúva ha’eakue makinista tren-pegua. Peteĩ ára omaneha jave hapére peteĩ tren, ohechakuaa peteĩ kamiõ oparáva pe via henonderãme. Pya’ete ohechakuaa pe kamiõ opa’ã ha nadikatuiha osẽ pe viagui. Upepete omoĩ pe tren modo de emergencia-pe, ha péva oactiva opaite umi vagón ojepysóva más de un kilómetro pe motor kupépe, oguerahávo peteĩ karga de 5.900 tonelada. Ndaipóri mba’éicha pe tren oparávo ochoka mboyve pe kamiõre, ha péicha ojehúkuri. Umi tekove kamiõmegua mba’e porãrã, ohendu hikuái pe tren aviso oturuñe’ẽva ha osẽ pe kamiõgui ochoka mboyve. Ore amigo makinista oñe’ẽvo pe oficial de policia oinvestigáva ndive, peteĩ kuña ipochyva oñemboja ijypype. Osapukái ha he’i ha’e ohechapahague pe oikoakue ha he’i pe makinista noñeha’ãi hague ni michĩmi osẽ hag̃ua pe kamiõ rapégui!
Jahechakuaa ningo, pe ore amigo ikatúrire ojei ha osẽ pe via-gui ani hag̃ua oiko pe accidente, ha’e ha pe tren completo ho’atákuri peteĩ descarrillamiento-pe ha pe tren oparátakuri mbaretépe . Mba’e porã chupe g̃uarã, pe itren rueda nosẽi hapégui ha oho tenonderã idestino-pe, taha’e ha’e mba’e oĩva henonderã. Ñande vy’arã, ñaime avei peteĩ viape, peteĩ tape joaju rehegua ñañekomprometehague jajebautisárõ guare Iglesia de Jesucristo de los Santos de los Ultimos Dias miembro ramo. Ikatúramo jepe jajuhu sapy’a py’a mba’e ñande rapejokóva, kóva ko tape ñande gueraháta ñane destino eterno oñemomba’eguasúva gotyo, japytáramo ipype ñemova’ỹme.
Pe visión yvyramáta tekove rehegua ohechauka ñandéve mba’éicha pe jepy’apy’ỹ oguerúva ikatu ñenemomombyry konvénio rapégui. Pegueropensami pe barra de hierro ha pe tape po’i puku, térã pe konvénio rape, oporoguerahague peyvyramáta tekove reheguapete, opa umi jehovasa om’ẽva ñande Salvador ha Hi’expiasiõ oĩháme umi ifielva ohupity hag̃ua. Upe visión-pe ojehecha avei peteĩ rrio de agua orrepresentáva pe mundo rekoky’a. Escritura-kuéra he’i ko rrio “orrekorre hague” pe tape pukukue ha ohasahague pe yvyramáta “ypy’etépe”, ha ndaha’éi ipype. Ko mundo henyhẽ mba’e opohesambykévagui, ikatúva ombotavy jepe umi ojeporapyrévape, ha péva rupi ovivi hikuái ikonveniokuéra jepy’apy’ỹme—ha péva ogueraha chupekuéra pe yvyramáta ypyetépe, ha katu ndaha’éi ipype. Nañañangarekóiramo javivipaite hag̃ua umi ñane konvénio, pe ñane ñeha’ã jepypy’ũmegua ikatu ñande gueraha umi tape oñembotovévape térã jajoaju umi oikemava’ekue ndive pe tuicha ha ipyrusuetéva óga guasúpe. Nañañangarekóiramo ikatu jepe jajahoga peteĩ rrio ky’a hypyvape.1
Oĩ peteĩ ñeñangarekópe ha jepy’apy’ỹme opa mba’e jajapo hag̃ua, ha pe evengelio jevivi avei. Ñagueropensávo ñane kompromiso Salvador ndive, ñañangarekópa térã ndajajepy’apyipa? Ñande naturaleza terrenal rupi, ndajahustifikáipa sapy’ánte pe ñane komportamiento, ja’évo pe ñane rembiapo oĩha zona gris-pe térã ñambojehe’ávo pe iporãva peteĩ mba’e naiporãmbáivare? Ja’e vove “upevére”, “uvei” térã “ha katu”, ha’éramo jasegui hag̃ua ñande profeta lider ñemoñe’ẽ térã javivi hag̃ua pe evangelio ñeñangarekópe, añetehápe ja’e hina, “Péva pe ñemoñe’ẽ ndaha’éi chéve g̃uarã”. Ikatu jahustifika opa mba’e jaipótava, ha katu jahecha, ndaiporiha mba’éichapa jajapoporãvo peteĩ mba’e oĩvaiva!
Pe lema de la juventud 2019-pegua oñeguenohẽ Juan 14:15-gui, Ñandejára ñanerekombo’ehápe: “cherayhúramo, eñe’ẽrendu che rembiapoukapykuérare”. Jahayhúramo Ichupe, pe ja’eháicha, ndaikatúi piko jahechauka upe mborayhu, michĩmi ñañangarekovéramo javivi hag̃ua Hembiapoukapykuéra?
Ñañangareko javivi hag̃ua pe evangelio nde’iséi katuete ñande serio térã ñande ayreko. Péva ningo he’ise ñane potĩ ñane pensamiento ha komportamientope, Jesucristo discipulo háicha. Ñañepy’amongetávo diferencia oĩva ñeñangareko ha jajepy’apy’ỹ javivo pe evangelio, kóina ápe mbovymi pensamiento jehecha hag̃ua:
Ñañangarekópa ñane adorasiõ del Dia de Reposo-re ha ñane preparación japarticipa hag̃ua Santa Cena-re cada semana?
Ikatúpa ñañangarekove umi ñane oración ha ñande estudio de las escrituras-re térã japarticipave Ven Sigueme—para uso individual ha Familiar-pe?
Ñañangarekópa ñane templo-pegua adoración rehe ha jajavivipa ñangarekópe ha jaipotágui umi konvénio jajapova’ekue jajebautisarõguare ha témplope? Ñañangarekópa ñane apariencia-re ha ñane modesto-pa ñane ñemondépe, especialmente tenda ha tembihasa sagrádope? Ñañangarekópa mba’éicha jaiporu umi garment sagrádo tempopegua? Térã moda mundo-pegua ojerure peteĩ actitud jepy’apy’ỹvéva?
Ñañangarekópa mba’éicha ñaministra ambue tapichakuéra ha mba’éicha ñakumpli ñane llamamiento Tupaópe, térã ñane indiferente ha ndajejepy’apyi ñande llamado jaservi hag̃uáre?
Ñañanagareko térã ndajajepy’apyipa umi mba’e jaleéva ha umi jahechávare tevisión-pe ha umi ñane dispositivo movil-pe? Ñañangarekópa ñane ñe’ẽre? Térã jepy’apy’ỹme ña’añua umi ñe’ẽ chae ha kachiãi?
Pe folleto Para la Fortaleza de la Juventud oguereko umi norma, ojeseguiramo ñeñangarekópe, oguerúta ñandéve heta jehovasa ha ñanepytyvõta ñaime hag̃ua pe konvénio rapépe. Umi norma oĩva ipype ojehairamo jepe huventud peg̃uarã, ndokadukái ñasẽ vove Hombres Jóvenes ha Mujeres Jóvenes programa-gui. Ojeporukuaa mayma ñandekuéra opa ára. Ñama’ẽjeyramo ko’ã norma rehe, ikatu ome’ẽ ñandéve jaheka hag̃ua ambue hendáicha ñañangarekove javivio pe evangelio.
Nañamboguejyi ñane normar oike porã hag̃ua térã ambue tekove oñeñandu porãve hag̃ua. Ñande ha’e Jesucristo discipulo, ha péicha rupi, ñaime ñamopu’ã hag̃ua ambuévape, ñamopu’ã hag̃ua chupekuéra tenda ijyvateve ha imarangatuvévape, ikatu hag̃uame ombyaty avei hikuái tuichavéva jehovasa.
Ajerure opaveve ñandekuéra jaheka hag̃ua Espiritu Santo guia, jaikuaa hag̃ua mba’eichagua kambiopa tekotevẽ jajapo ñande rekovépe, ikatu hag̃ua ñañealinea porãve ñane koveniokuéra ndive. Ajerure avei peẽme ani hag̃ua peñe’ẽvai ambue tapichakuéra ojapovore hina kóichagua viahe. “El juicio es mio, he’i Ñandejára.”2 Opavave ñandekuéra ñaime peteĩ tape ñemongakuaa ha ñemoambuépe.
Historia oñemombe’úva Mormón Kuatiañe’ẽme umi Amalicita apóstata rehegua imba’eguasu chéve g̃uarã. Ohechauka hag̃ua ambue tekovekuérape noĩveimaha hikuái Jesucristo ha Itupao ndive, omoĩ peteĩ marka pytã hesakãva isyvarekuéra, opavave ohecha hag̃ua3. En manera opuesta, ha Jesucristo discípulo háicha, mba’éichapa ñañemarka ñandejupekuéra? Ikatúpa ambue tapichakuéra hasy’ỹme ohecha pe Ha’anga ñande rováre ha oikuaa mávapa ñarrepresenta, ñeñangarekópe jagueraha rupi ñande rekove?
Táva del konvénio ramo, ndajaviviriva’erã pe resto del mundo-icha. Jajeheráva peteĩ táva “ijoheipyréva”4momorã porãitépa péva! Pe mundo pu’akakue oañuavégui ohóvo pe aña, ñañeha’ã mbareteva’erã opa jesarekópe ñaime hag̃ua ñemova’ỹme pe tape katuete ñande guerahátava ñande Salvador-pe, ñambotuichavévo mombyrykue oĩva ñande vida del konvénio, mundo-pegua pu’akakuéragui.
Añepy’amongetávo mba’éicha jahupyty pe vy’apavẽ ijapyra’ỹra, ahechakuaa sapy’ante ñaimeha pe zona gris-pe. Umi ypytũ ratatĩ oĩ katuete ñande je’ói pe konvénio rape javeve. Umi tentasiõ ha jepy’apy’ỹ ikatu mbotavype omokarẽ ñande rape pe mundo ypytũ gotyo ha ñenemomombyry umi konvénio rapégui. Ara péva oguehẽramo, ñande profeta jahayhuetéva, Presidente Russell M. Nelson, ojerure ñandéve jajevyjey hag̃ua pe konvénio rapépe, ha pya’ete voi. Aguijeveme’ẽ pe don del arrepentimiento-re ha ñande Salvador Expiasiõ pu’akáre.
Ndaikatúi javivi peteĩ vida perfecta. Peteĩ kuimba’e añoite ikatúkuri ovivi perfectamente oikove aja ko planeta telestial-pe. Péva ha’ékuri Jesucristo. Ndaha’éiramo jepe perfecto, hermano ha hermana-kuéra, ikatu ñane rekopotĩ:ñane rekopotĩ japarticipa hag̃ua Santa Cena-re, ñane rekopotĩ templo-pegua jehovasakuérare, ha ñañe rekopotĩ jarrecibi hag̃ua rrevelasiõ personal.
Pe rey Benjamín otestifikava’ekue umi jehovasa ha vy’apavẽ ohupytyva umi ñeñangarekópe oseguiva Salvador-pe: “Ha avei, aipota pehecha pe vy’apavẽ ha jehovasápe ñeime ohupytyva umi iñe’ẽrendúva Tupã rembiapoukapykuérare. Ha péina ápe, ha’ekuéra ojehovasa opa mba’épe, tete ha espirituguávape; ha opytáramo hikuái jeroviarekópe ipahaite peve oñemoinge chupekuéra yvágape, upéicha oiko hag̃ua hikuái Tupã ndive—peteĩ vy’apavẽ opave’ỹvape5”.
Ikatúpa ojejogua vy’apavẽ 15 dolares-re? No, ndaikatúi. Vy’apavẽ iprofundo ha opave’ỹva ojehupyty jajaposégui ha ñeñangarekópe javiviramo pe Jesucristo evangelio. Jesucristo rérape, Amén.