¿Moõpa ogueraháta kóva?
Jajapo mehorve decisión ñakonsiderarõ umi alternativa ha jajepy’amongeta moõpa ñandegueraháta umíva.
Jesucristo Evangelio restaurado ñanemokyre’ỹ ñapensa haĝua oútavare. O’explika pe vida terrenal propósito ha pe vida venidera realida;. Ombo’e tuicha ideakuéra futuro rehegua oguia haĝua ñane acciones ko’aĝaitegua.
Hováivo, opavave jaikuaa personakuera oñeinteresáva presente rehente; pegastakatu , pedisfruta katu ko árape ha ani rejepy’apy ko’ẽrõre.
Ñane presente ha ñande futuri horyvéta ñaimerõ tapiaite conciente pe futuro-gui. Jajapóvo deisiones ko’áĝa, ñañeporandu tapiaite va’erã: “ ¿Moõpa ogueraha kóva?
I.
Oĩ decisiones ha’éva jeiporavo jajapo algo térã ndajajapói mba’eve. Ahendúkuri peteĩ ejemplo peichagua elección ojapo heta áño peteĩ conferencia de estaca, estados unidos-pe.
Pe tenda ha’ékuri peteĩ campus universitario porãite. Peteĩ multitud estudiantekuéra imitãva oguapy joahikuái kapi’ipépe. Pe oñe’ẽva odescrivíva ko experiencia he’i umi alumnno omañaha kuri mba’eichapa peteĩ adorable ardilla, ikola tuicha ha itupídava reheve, ohuga peteĩ árbol porãite hoguemanómava guýpe . Sapy’ánte oĩ yvýpe, ambue ojupi, oguejy ha ojere pe tronko jerére. ¿Ha katu mba’ere piko peteĩ escena común o’atraeterei pe multitud de estudiante-pe
Namombyrýi, ojeipysóvo boca abajo kapi’ipe ári, peteĩ setter irlandés. Pe jagua ha’e ohenóiva umi estudiante atención, ha upéva oĩ interesado pe ardilla rehe. Cada ves pe ardilla odesaparece sapy’aite ojere aja pe yvyramatare, pe jagua otyryry mbeguekatu michĩmi ha upei oñemoĩ oimporta’ỹrÕguáicha chupe. Upéva ointeresa umi alumno-pe. Kirirĩháme nomýiri, oma’ẽ porã mba’epa pe oikóva idesenlace ojekuaaveva cada ves.
Ipahápe, pe jagua oñemo’aĝui porã ikatu haĝuaicha opo pe ardilla ári ha ojagarra ijuru reheve. Pe multitud osuspira oñemondýivo, ha umi alumno odispara ha oguenohẽ ijurúgui pe mimbami, ha katu tardetereíma. Pe ardilla omanóma.
Oimeraẽva umi héntekuéra apytepe ikatu kuri o’avisa pe ardilla-pe cualquier momento-pe ojapóvo seña térã osapukáivo, pero avave ndojapói mba’eve. Omañánte poco a poco oñemo’aĝui aja pe desenlase inevitable.. Avave noñeporandúi: “Moõpa ogueraháta kóva?” Ojehúrõ ojekuaáva’ekue oikotaha, opavave ojapura opreveni haĝua gua’u pe resultado, ha katu tardeitereíma. Uniko ikatúva ojapo hikuái ha’e oñelamenta ñembyasy reheve.
Upe historia real ha’e peteĩ especie de parábola: Oje’aplika umi mba’e jahechávape ñande rekovépe ha umi oĩva ñande jerére rekove ha circunstancia-pe. Jahechárõ amenaza oĩva peteĩ persona térã mba’e jahayhúva ári, ikatu jadecidi ñañe’ẽ térã ja’actua, térã japyta kirirĨháme. Iporã ñañeporandu ¿Moõpa ogueraháta kóva? Umi conseuencia pya’e ha igráve ramo, ndaikatúi ndajajapóivo mba’eve. Jajapova’erã advertencia oĩ porãva térã ja’apoya esfuerzo apropiado oñepreveni haĝua oĩ aja tiempo gueteri.
Umi decisión adescriviva’ekue he’ise jaiporavova’erã entre jajapo algo térã ndajajapói mba’eve. Icomunve umi decisión entre jajapo peteĩ mba’e térã ambué; Upéva oinclui jaiporavo iporãva ha ivaíva apytépe, ha katu py’ỹive ha’e decisiones mokõi mba’e porã apytépe. Umi caso-pe avei ipreferible ñañeporandu moõpa ogueraháta kóva? Heta vece jadecidiva’erã mokõi mba’e porã apytépe, py’ỹi o’implikáva mba’éichapa jaipuru ñande tiempo. Ndaivairi jahuga videojuegokuéra, ñamondo mensaje de texto, ñamaña televisión-re térã ñañe’ẽ teléfono-pe. Pero cada uno umi mba’e osupone peteĩ mba’e oñehenóiva “costo de oportunidad”; he’iséva jahasarõ tiempo jajapóvo peteĩ mba’e, , japerde oportunidad jajapo haĝua ambue mba’e. Aime seguro peñeme’ẽha en cuenta ñakonsiderava’erãha sumo cuidado reheve mba’épa japerde upe tiempo jadedica aja peteĩ actividad-pe, iporãrõ jepe upéva ijehegui.
Nda’aréi ame’ẽ peteĩ discurso ojetituláva “Mba’e porã, Mba’e porãve, ha Mba’e porãiteve”. Upe discurso-pe ha’e “…peteĩ mba’e iporã haguére ndaha’éi razón suficiente jajapo haĝua. Pe cantidad mba’e porã oĩva jajapo haĝua hetave tiempo jaguerekóvagui jajapo haĝua. Oĩ mba’e imehorvéva porãgui, ha omerece ñame’ẽ chupekuéra prioridad… Jahejava’erã alguno umi mba’e iporãva jaiporavo haĝua ambue imehorvéva térã excelente…”1
Tapeguereko peteĩ perspectiva tuicha. ¿Mba’e efecto oguerekóta ñande futuro-pe umi decisión jajapóva ko presente-pe? Penemandu’ake importancia oguerekóva jahupyty peteĩ formación académica, ja’estudia pe evangelio, ñarrenova ñane konveniokuéra japarticipávo Santa Cena-gui ha jaha témplope.
II.
¿Moõpa ogueraháta kóva? Iñimportante avei jaiporavóvo mba’éichapa jajekaifika térã ñapensa ñandejehe. Iñimportantevéva ha’e cada uno ñande ha’eha peteĩ Tupã ra’y oguerekóva potencial jahupyty pe vida eterna. Opa umi ambue etiqueta, jepe ñande ocupación, raza, característica física térã honores, ha’e temporal térã trivial en términos eternos. Ani peñemoĩ etiqueta térã peñemaña pendejehe pemoĩvo límites peteĩ meta ikatúva pehupyty peñeha’ãrõ.
Che hermano ha hermanakuéra pehecha térã peleéva ko ha’éva hína, aha’arõ peikuaa mba’érepa pene liderkuéra ro’imparti umi mbo’epy ha momarandu ro’impartíva. Ore pohayhu, ha ñande Ru Yvagagua ha Ita’ýra Jesucristo penderayhu. Iplan ñandeve ĝuarã ha’e pe “gran plan de felicidad” (Alma 42:8). Upe plan ha Imandamiento-kuéra, ordenanza ha konveniokuéra ñandegueraha vy’a ha vy’apavẽ tuichavéva ko tekovépe ha tekove oúvape. Pe Túva ha Ta’ýra rembiaguái ramo, rombo’e ha romomarandu Ha’ekuéra he’íva oréve Espiritu Santo rupive. Ndoroguerekói otro deseo ndaha’éirõ roñe’ẽ pe añeteguáva ha poromokyre’ỹ pejapo haĝua pe Ha’ekuéra omo~iva’ekue tape ogueraháva vida eterna-pe ramo. “Tupã don tuichavéva”.(Doctrina y Convenios 14:7).
III.
Ame’ẽ peẽme ambue ejemplo efecto oguerekóva futuro-pe umi decisión jajapóva presente-pe. ko ejemplo Ha’e pe decisión jajapo haĝua peteĩ sacrificio ko presente-pe jahupyty haĝua peteĩ meta importante futuro-pe.
Peteĩ conferencia de estaca Cali Colombia-pe, peteĩ hermana he’i ha’e ha iprometido omendase templo-pe ha pe templo aĝuivéva oĩ mombyry Perú-pe. Heta tiempo aja, ha’ekuéra ombyaty viru colectivo pasajerã. Ipahápe ojupi pe colectivo ohóva Bogota-pe, ha katu oĝuahẽvo upépe, ohechakuaa opa umi asiento colectivo ohóva Lima-Perú-pe henyhẽmba. Ikatu oho jey hógape omenda’ỹre, térã omenda fuera del templo. Vy’arã, oĩ ambue alternativa: Ikatu ojagarra pe colectivo ohóva Lima-pe oĩrò dispuesto oguapývo hikuái pe colectivo piso-pe 5 dia ha 5 pyhare pe viaje odura aja. Ha odecidi ojapóvo upéva. Ha’e he’i hasýkuri, jepe alguno umi pasajero sapy’ánte oheja chupekuéra oguapy ijasientokuérape ojeipyso haĝua piso-pe.
Che impresionavéva pe hermana discurso-gui ha’e he’ihague oĩha agradecida ha’e ha imena ohohague upéicha templo-pe, upéva omoambuegui oñandulaja Evangelio ha matrimonio en le templo rehe. Ñandejára orrecompensa chupekuéra kakuaa oúva sacrificio reheve. Ha’e he’i avei pe viaje de 5 dias templo-pe o’aporta hetave ijespiritualidad-pe heta visita templope ndahasyi va’ekue.
Umi áño ohasávape ahendu rire upe testimonio, añeporandu mba’eichapa idiferenteva’eramo’ã upe joven pareja rekove ojapórire ambue decisión, orrenunciávo pe sacrificio oñeikotevẽva’ekue omenda haĝua templo-pe.
Ko tekovépe jaguereko jaipapakuaa’ỹva decisisones, algunno tuicha ha ambueva michĩvaicha. Ñamañávo tapykue gotyo, ikatu jahecha diferencia guasu ojapóva algunas decisionesñande rekovépe. Jajapo mehorve decisión ñakonsiderarõ umi alternativa ha jajepy’amongeta moõpa ñandegueraháta umíva. Jajapóvo upéicha, jaseguita presidente Russell M. Nelson consejo ñañepyrũvo pe fin reheve ñane akãme.2 Ñandéve ĝuarã, pe fin oĩ tapiaite pe konveniokuéra rapére ohasáva templo-re ha ohóva vida eterna gotyo, ha’éva Tupã don tuichavéva.
ATestifika Jesucristo-gui ha umi Ijexpiasiõ efecto ha ambue verdades Iñevangelio sempiterno-gua; Jesucristo rérape. Amén.