¿Mba’éichapa ikatu antende?
Jahekárõ jesarekópe, ñemova’ỹme ha añetehápe ña’aprende pe Jesucristo evangelio ha ñambo’é ojupe, ko’ã mbo’epy ikatu omoambue korasõkuéra.
Che hermano ha hermana-kuéra pohayhuetéva, avy’aiterei ñaime jey haguére oñondive ko Iglesia de Jesucristo de los Santos de los Últimos Días conferencia General-pe ñande profeta jahayhuetéva presidente Russell M. Nelson dirección guýpe. Atestifika peẽme jaguerekotaha privilegio ñahendúvo ñande Salvador Jesucristo ñe’ẽ umi oñembo’e, opurahéi ha oñe’ẽva ko conferencia-pe ñande arakuéra rekotevẽ rehe mbo’epykuéra rupive.
Ojehaiháicha Hechos-pe, Felipe pe Evangelista ombo’e pe evangelio peteĩ etíope, ha’éva peteĩ eunuco oĩva a kargo opa mba’ehepy ha’éva reina de Etiopía mba’e.1 Ojevývo tupaitũgui Jerusalén-pe, ha’e omoñe’ẽ Isaías kuatiañe’ẽ. Oñemyañávo pe Espiritu-re, Felipe oñemboja hese ha he’i chupe: “¿Rentende piko pe remoñe’ẽva?
“Ha [pe eunúco] he’i, ¿mba’éichapa antendeta, ndacheguiairõ algun yvypóra?...
“Upéramo Felipe oabri ijuru, ha oñepyrũ umi escriturape, ha opredika chupe upe Jesús-pe.”2
Pe oporanduva’ekue pe kuimba’e etíope ñanemomandu’a pe mandato divino opavave jaguerekóva, individuo ha familia-icha, jahekava’erãha ña’aprende ha ñambo’e ojupe pe Jesucristo evangelio.3 Añetehápe, pe contexto-pe ña’aprende ha ñambo’ehápe pe evangelio, sapy’ánte ñande ha’e pe etíope-icha; ñaikotevẽ peteĩ mbo’ehára fiel ha inspirado pytyvõ; ha sapy’ánte Felipe-icha; tekotevẽ ñambo’e ha ñamombarete ambuévape ikonversiónpe.
Ñande propósito ñañeha’ãvo ña’aprende ha ñambo’e Jesucristo evangelio ha’e ñambokakuaa ñande jerovia Tupã ha Iplan divino de felicidad-re ha Jesucristo ha isacrificio expiatorio-re ha jahupyty peteĩ konversión oduráva. Upe jerovia ha konversión tuichavéva ñanepytyvõta jajapo ha ñañongatu haĝua konveniokuéra Tupã ndive ha avei omombaretéta ñande deseo jasegui haĝua Jesucristo-pe ha ojapóta peteĩ ñemoambue espiritual añetéva ñandepype, he’ise ñañemoambueha peteĩ yvypóra pyahúpe, ombo’eháicha apóstol Pablo ijepístola umi Corintios-pe.4 Upe ñemoambue oguerúta ñandéve peteĩ tekove horyvéva, iproductivo ha hesãivéva ha ñanepytyvõta ñamantene haĝua peteĩ perspectiva eterna. ¿Ndaha’éi piko upevaite oikova’ekue upe eunuco etíope oikuaa rire pe Salvador-gui ha oñekonverti Ijevangeliope? Pe escritura he’i ha’e “ohojey hapére ovy’ávo.”5
Pe mandamiento ña’aprende ha ñambo’e haĝua pe evangelio ojupe ndaipyahúi; ha oje’e meme jey jey humanidad historia ñepyrũmby guive.6 Peteĩ jave en particular Moisés ha itavayguakuéra oĩ aja Moab-pe oike mboyve pe tierra prometida-pe, Ñandejára oinspira chupe omomarandu haĝua itavayguakuérape irresponsabilidad rehe oaprende haĝua umi estatúto ha konveniokuéra orrecibiva’ekue Ñandejáragui ha ombo’e haĝua iñemoñarépe,7 heta ijapytepekuéra ndohasaiva’ekue personalmente pe Mar Rojo rupi jehasa térã pe revelación oñeme’ẽva’ekue Monte Sinaí-pe.
Moisés omomarandu itavayguakuérape:
“Ko’áĝa peẽ Israelguakuéra, pehendúma ko’ã mbo’epy ha tembiapoukapy, che pombo’emava’ekue ha pejapóke hekoitépe peikove haĝua pe yvýpe Ñanderuete, pende rukuéra Jára, ome’ẽtava peẽme. …
“…ha péva pembo’e jevyva’erã pende ra’ykuéra ha pene remimenonguérape”8
Moises ombopaha, he’ívo: “Upévare pejapóke iñe’ẽ ha hembiapoukaykuéra, che ha’éva guive peẽme ko árape, oho porãmba haĝua peẽme ha pende ra’ykuérape, ha pembopukuve haĝua umi ára, peikove haĝua ko yvu kóvape, Ñanderuete ome’ẽséva peẽme opaite árape ĝuarã”.9
Tupã profetakuéra ñanemomarandu meme ñamongakuaa haĝua ñane familiakuérape “Ñandejára arandu ha momarandúpe”10 ha“ tesape ha añetehápe”11 Presidente Nelson he’i ramoite: “Ko ára inmoralidad ndojejokokuaáiva ha pornografía adictiva reheguápe, tuvakuéra oguereko responsabilidad sagrada ombo’évo ifamiliakuérape Tupã [ha Jesucristo] importancia hekovekuérape”12
Hermano ha hermanakuéra, ñande profeta jahayhuetéva momarandu ha’e peteĩ ñemomandu’a extra pe responsabilidad individual jarekóvagui ña’aprende ha ñambo’e haĝua ñane familiakuérape oĩha peteĩ Túva Yvagagua ñanderayhúva ha ojapova’ekue peteĩ plan divíno de felicidad Ita’yrakuérape ĝuarã; Jesucristo, Ita’ýra, ha’e pe Redentor del mundo; ha pe salvación ouha jerovia rupi hérare.13 Ñande rekove oñembohapova’erã ñande Redentor, Jesucristo, itápe, ñanepytyvõtava individualmente ha familiaicha jaguereko haĝua umi ñande impresión espiritual ojehai atãvo ñane korasõme, ñanepytyvõvo japyta haĝua ñande jeroviápe.14
Ikatu penemandu’a mokõi Juan el Bautista discípulo-va osegui Jesucristo-pe ohendurire Juan-pe ome’ẽvo testimonio Jesús ha’eha pe Tupã Cordero, pe Mesías. Umi kuimba’e o’acepta Jesús invitación “Peju ha pehecha”15 ha opyta hikuái hendive upe árape. Ha’ekuéra oikuaakuri Jesús ha’eha pe Mesías, pe Tupã Ra’y, ha osegui chupe hikuái.
Upéicha avei, ja’aceptarõ pe Salvador invitación “peju ha pehecha”, tekotevẽ japyta hendive, ñañapymivo Escriturakuérape, ñanderorývo ipype, ña’aprendévo Idoctrina ha ñañeha’ãvo javivi Ha’e ovivihaguéicha. Upéicharõ mante jaikuaaporãta chupe ha ñahendukuaáta iñe’ẽ, jaikuaávo ñañemo’aĝui ha jajeroviávo Hese, araka’eve nañaneñembyahýi ni nañande’y’uhemo’ãi.16 Ikatúta ñaikumbykuaa pe añetegua opa árape, ojehuhaguéicha umi mokõi discípulo opytava’ekue Jesús ndive.
Hermano ha hermanakuéra, upéva ndoikói por casualidad. Ñañesintoniza ijyvatevéva influencia poriahuvereko rehegua rehe naisimplei; oikotevẽ ñahenói Tupãme ha ña’aprende jagueraha Jesucristo evangelio ñande rekove centro-pe. Jajaporõ upéicha, apromete Espiritu Santo influencia oguerúta añetegua ñane korasõ ha ñane apytu’ũme ha ome’ẽta testimonio umívagui,17 ñanembo’évo opa mba’e.18
Pe etíope porandu, ”¿Mba’éichapa ikatu [antende], ndacheguiáirõ algún yvypóra?” Oguereko avei peteĩ signifikado especial ñande responsabilidad ryepýpe ñamoĩ haĝua en práctica pe Evangelio principiokuéra ña’aprendeva’ekue ñande rekovépe. Pe etíope kásope, por ejemplo, ha’e oactua añetegua ári oaprendeva’ekue Felipe-gui ha Ojerure ojebautiza haĝua. Ha’e oikuaahaguére Jesucristo ha’eha Tupã ra’y.19
Hermano ha hermanakuéra, umi jajapóva ohechaukava’erã umi ña’aprende ha ñambo’éva Jahechaukava’erã ñande jeroviakuéra javiviháicha rupive. Pe mbo’ehára porãve ha’e pe ha’éva peteĩ modelo ojesegui haĝua. Ñambo’érõ peteĩ mba’e javivíva ikatu ojapo tuicha diferencia umi ñambo’évape korasõme. Jaipotarõ umi hénte, taha’e ñane familia térã nahániri, torrecibi rory reheve umi escritura ha umi apóstol ha profetakuéra oikovéva mbo’epy, ha’ekuéra ohechava’erã ñane ánga ojedeleitaha umívape. Upéicha avei, jaipotarõ oikuaa hikuái presidente Russell M. Nelson ha’eha pe profeta vidente ha revelador ñande árape, ha’ekuéra ñanderechava’erã ñamopu’ãrõ ñande po ñasostene haĝua chupe ha ohechakuaava’erã hikuái jaseguiha imbo’epy inspiradokuéra. He’iháicha peteĩ ñe’ẽnga ojeikuaaporãva, “jajapóva oñe’ẽ hatãve ja’évagui”
Ikatu alguno pende’apytépe oñeporandu hína ko’áĝaite: “Ajapókuri hína opa ko’ã mba’e ha asegui ko modelo individualmente ha familia ramo, ha katu ñembyasyrã, oĩ umi ahayhúva apytépe oñemomombyrýva Ñandejáragui. ¿Mba’épa ikatu ajapo?” Umi pende’apytépe peguerekóva hína ko’ã temiandu ñembyasy, py’amano ha ikatu arrepentimiento rehegua, peikuaáke umi jahayhuetéva nokañymbái hikuái, Ñandejára oikuaágui moõpa oĩ hikuái ha oñangareko hína hesekuéra. ¡Penemandu’áke, ha’ekuéra ha’e avei Ita’yrakuéra!
Hasy ñantendepa haĝua mba’érepa alguno umi jahayhuetéva ojagarra ambue tape. Ikatúva jajapo porãve ko’ã kásope ha’e simplemente jahayhu ha ñañañua chupekuéra, ñañembo’e iñeimeporãrãre ha jaheka Ñandejára pytyvõ jaikuaa haĝua mba’épa jajapo ha ja’eva’erã. Pevy’a añetehápe ijehupytykuérare; toiko pendehegui iñangirũnguéra ha peheka iporãva ipypekuéra. Araka’eve japerdeva’erã esperanza hesekuéra, ha katu ñañangarekova’erã ñande laso hendivekuéra rehe. Ani pembotove araka’eve, ni pe husgavai chupekuéra. ¡Pehayhúnte chupekuéra! Pe parábola hijo pródigo rehegua ñanembo’e umi ta’yrakuéra ou jeyrõ ipype, py’ỹi ohose jey hógape. Oikórõ upéva, pemyenyhẽ pene korasõ poriahuverekógui, peñani ha’ekuéra gotyo, pejeity ijajúrare ha pehetũ chupekuéra, ojapohaguéicha pe hijo pródigo ru.20
Ipahápe, pekontinua pevivívo peteĩ vida digna, peme’ẽ ejemplo porã umi mba’e pegueroviávagui ha peñemo’aĝuive ñande Salvador Jesucristo rehe. Ha’e oikuaa ha ontende ñane remimbyasy ha py’arasy pypukuvéva, ha ohovasáta pene ñeha’ã ha dedicación pene familiakuérare, ndaha’éirõ ko tekovépe, ha’éta tekove oúvape. Penemandu’áke tapiaite esperanza ha’eha peteĩ parte importante pe evangelio plan rehegua.
Heta áño de servicio pukukue tupaópe, ahecha miembrokuéra hekojojáva oaplika memeva’ekue ko’ã principio hekovépe. Kóva ha’e peteĩ sy ha’eñova káso, che aikuaava’ekuépe ojapóma heta áño guive. Ñembyasyrã, Mary ohasákuri peteĩ divorcio vaietére. Upéramo, Mary ohechakuaa umi idecisión iñimportantevéva ohóva ifamilia reheve ha’éta espiritual. ¿Ha’éta piko importante gueteri chupe ĝuarã ñembo’e, estudio de las escrituras, pe ayuno ha tupaaópe ha témplope jeho?
Mary hekojojava’ekue tapiaite, ha upe momento hasývape, odicidi ojejagarrataha umi añetegua ha’e oikuaávare. Ha’e ohupyty mbarete pe “La Familia: Una Proclamación para el Mundo-gui”, ambue principio hechapyrãva apytépe ombo’e “los padres tienen el deber sagrado de criar a sus hijos con amor y rectitud” y de siempre enseñarles a observar los mandamientos de Dios.21 Ha’e oheka meme ñembohovái Ñandejáragui ha okomparti umi cuatro imembykuéra ndive kada actividad familiar-pe. Py’ỹi oñemongeta hikuái pe evangelio-re ha okomparti ijehasapyre ha itestimonio oñondive.
Jepe umi ñembyasy ohasava’ekue, imembykuéra odesarrolla peteĩ mborayhu Cristo evangelio-re ha peteĩ deseo oservi haĝua ha okomparti haĝua ambuekuéra ndive. Mbohapy hikuái oservi misiones de tiempo completo tekojoja reheve, ha pe imitãvéva okumpli hína ko’áĝa peteĩ misión Sudamérica-pe. Imembykuña ypykue, ko’áĝa omendámava ha imbarete ijeroviápe okomparti: “Araka’eve nañandúi che sy oremongakuaahague ha’eño Ñandejára oĩguikuri tapiaite ore rógape. Opresenta aja oréve itestimonio Chugui, kada uno roñepyrũ roho chupe ore porandu personal reheve. Che’aĝuije ha’e ome’ẽhaguére vida pe evangélio-pe.”
Ko sy porã ikatúkuri ojapo hógagui peteĩ centro de aprendizaje Pe etiópe oporanduva’ekue Philip-peicha Mary oñeporandu heta vece: “¿Mba’éichapa ikatu che membykuéra oaprende, ndaha’éirõ isy oguiarõ chupekuéra?”
Che kompañerokuéra ko evangelio-pe, atestifika peẽme jahekárõ jesarekópe, ñemova’ỹme ha añetehápe ña’aprende pe Jesucristo evangelio ha ñambo’é tekojojápe, ha verdadero propósito reheve ha Espiritu influencia guýpe, ko’ã mbo’epy ikatu omoambue korasõkuéra ha oinspira pe deseo ojeiko haĝua Tupã añeteguakuéra he’iháicha.
Atestifika Jesucristo ha’eha Ta’ýra ha Salvador del mundo. Ha’e ha’e pe Redentor, ha oikove. Che aikuaa Ha’e odirigiha Ituapo Iprofetakuéra, vidente ha revelador rupive Atestifica avei Tupã oikoveha, ha ñanderayhu; Ha’e oipota jaha jey Hendápe—opavave ñande. Ha’e ohendu ñande ñembo’ekuéra. Atestifica ko’ã añeteguágui Jesucristo rérape. Amén.