Ha’e ojapohaguéicha
Ñañeha’ãvo ñaministra “Ha’e ojapohaguéicha”, jaguereko oportunidad ñanderesaráivo ñande jehegui ha ña’inspira ambuekuérape.
Otoño 2017-guápe, che hermano Mike, 64 año orekóva, omombe’u chéve oguerekoha cáncer de páncreas. Omombe’u chéve orrecibihague peteĩ sacerdocio jehovasa imaestro orientador-gui, ha avei oñe’ẽ ijobispo ndive. Kurive omondo chéve texto rupi peteĩ Oakland, California Templo foto, ojagarrava’ekue hospital orrecibihápe tratamiento guive, ko mensaje reheve: “Emañami la ikatúva ahecha che koty guive hospital-pe 1 “.
He’iva’ekue maestro orientador-kuéra, sacerdocio jehovasa, obispo ha templo-kuérare chesorprendete pe cáncer-cha. Mike ha’égui peteĩ presbítero Sacerdocio Aarónico-pe ndohoveiva’ekue Tupaópe 50 año-kuéra rupi.
Ore familia oĩ sorprendido iprogreso espiritual reheve oĩháicha iprogrésore iñorãirõme cáncer ndive, heta oiméne py’ỹi oguerekógui porandu Mormón Kuatiañe’ẽ, pu’aka ojesella haĝua ha tekove ñemano rire rehegua. Ohasavo mese-kuéra ha pe cáncer ojeipyso, tratamiento especializado-ve oñeikotevẽ ha upéva ogueru Mike Utah-pe, Centro Oncológico Huntsman-pe.
Oĝuahẽriremi, orrecibi Jhon Holbrook visita, pe barrio-gua lider misional, oservíva pe establecimiento de asistencia ko’áĝa oikohápe hína. Jhon he’i pya’e “ahechakuaa Mike ha’eha peteĩ Tupã ra’y” ha omopu’ã hikuái peteĩ joaju ha amista ogueraháva Jhon ha’ehaĝua Mike hermano ministrante “de facto”. pya’e oñe’invita chupe orrecibi haĝua misionero-kuérape, ha che hermano amablemente ombotove; ha katu peteĩ mes rire Jhon oporandu jey chupe, he’ívo “Apensa redisfrutataha rehendúvo pe evangelio mensaje 2 “. Upe jave o’acepta pe invitación, ogueraháva py’ỹi reunión misionero-kuéra ndive, avei obispo Jhon Sharp visítape, iñemongeta tiempo reheve ogueraha Mike torrecibi ibendición patriarcal, 57 año ibautismo rire.
Diciembre oñepyrũme año ohasava’ekuépe, heta mese de procedimiento rire, Mike odecidi ohejávo pe tratamiento cáncer-pe ĝuarã, ome’ẽva chupe efecto secundario vai ha oheja pe naturaleza tosegui hape. Idoctor omombe’u oréve Mike orekoha mbohapy mese rupinte de vida. Upéva aja, umi porandu evangelio rehegua okontinua, upéicha avei umi ilider local sacerdocio-gua visita ha pytyvõ. Rovisita aja Mike-pe, py’ỹi rohecha peteĩ Mormón Kuatia Ñe’ẽ ojepe’áva mesita ári roñe’ẽ aja evangelio restauración, sacerdocio llave-kuéra, templo-gua ordenanza-kuéra ha yvypóra naturaleza eterna rehe.
Diciembre mbyte rupi, ibendición Patriarcal ipópe, sorpresarã, Mike ojogua oñemombareteha hína ha oguerekótaicha ambue mbohapyve mese de vida. Jepe rojapo plan ha’e ojoaju haĝua orendive Navidad, Año Nuevo ha tenondeverã. 16 de Diciembre arrecibi peteĩ ñehenói obispo Sharp-gui, omombe’úvo chéve ha’e ha presidente de Estaca o’entrevista hague Mike-pe ha ojuhu chupe digno orrecibi haĝua pe Sacerdocio de Melquisedec, ha oporandu chéve araka’épa ikatúta aparticipa upévagui. Upe ordenanza oñeprograma viernes 21 de diciembre-rã.
Upe ára oĝuahẽvo, che rembireko Carol ha che roĝuahẽ pe establecimiento de asistencia-pe ha roimévo pasíllo-pe aĝui ikotýgui oñemombe’u oréve Mike ndoguerekoiha pulso. Roike pe kotýpe ha rotopa patriarca, ijobispo, ha presidente de Estaca oha’arõvo; upéi Mike ojehesape’a. Cherechakuaa ha ohechauka ikatuha cherendu ha oĩha listo orrecibi haĝua pe sacerdocio. Cincuenta año rire Mike oñe’ordenahague presbítero Sacerdocio Aáronico-pe, arekókuri privilegio, umi líder local pytyvõ reheve, ame’ẽ haĝua pe Sacerdocio de Melquisedec che hermano-pe ha a’ordena chupe oficio de Elder-pe. Cinco hora rire, Mike omano; ohasa pe velo ojoaju haĝua ore tuvakuéra ndive Sacerdocio de Melquisedec poseedor ramo.
Ojapo peteĩ áñonte, presidente Russell M. Nelson oipysohague opavave ñandéve pe ñehenói ñañangareko haĝua ñande hermano ha hermanakuéra rehe “peteĩ manera yvateve ha imarangatuvéva-pe 3 “. Oñe’ẽvo pe Salvador rehe, presidente Nelson ombo’e “kóva ha’égui Itupao, ñande, Hembiguáicha, ñaministrava’erã umi persona particular-pe, Ha’e ojapohaguéichaite. Ñaministrata Hérape, Ipu’aka ha autoridad reheve 4 “.
Oñembohováivo peteĩ Tupã profeta invitación, ojejapo heta ñeha’ã hechapyrãva oñeministra haĝua persona particular-pe opa ko mundo jerére, upéicha ñeha’ã coordinado-pe miembrokuéra hekojojáva okumpli aja hembiapo oministra haĝua, ha avei pe ahenóitava ministración “espontanea”-pe, heta ohechaukahápe mborayhu ojoguáva Cristo mborayhúpe, ombohováivo umi oportunidad oñeha’arõ’ỹva. Ore familia-pe ha’ékuri testigo aĝui, upeichagua ministración-gui.
Jhon, Mike angirũ ha hermano ministrante, ymave ha’eva’ekue presidente de misión, he’íva jepi imisionerokuérape “alguno oĩrõ’no interesado’ lista-pe, ani peñeme’ẽ por vencido. Hentekuéra ko okambia”. Upéi he’i oréve “Mike okambia tuichaiterei 5 “. Jhhon ha’e raẽ iñangirũ, py’ỹi omokyre’ỹ ha oipytyvõvo; upevére, iministración ndopytái visitas amistosas-pe. Jhon oikuaa peteĩ ministro ha’eve peteĩ angirũguinte, ha pe amistad okakuaa ñaministra aja.
Natekotevẽi alguno omano pota hína mba’asýgui oikotevẽ haĝua oñeministra chupe. Umi rekotevẽ ou heta laja, tuichakue ha kásope. Peteĩ túva térã sy ha’eñóva, peteĩ pareja menos activa, peteĩ adolescente hasýva, peteĩ sy ipy’aropútava, peteĩ prueba de fe, jehasa’asy económico, de salud térã ñemendápe; pe lista haimete opaveỹ. Upevére, che hermano Mike-cha, ndaipóri yvypóra naipohãiva, ha araka’eve ndatardeitereiri pe Salvador po ñanderayhúvape ĝuarã.
Tupaogua Ministración sitio web-pe ñanembo’e, “ministración oguerekorõ jepe heta propósito, ñane ñeha’ãnguéra ojeguiava’erã ñaipytyvõségui ñande rapichakuérape ohupyty haĝua peteĩ konversión individual pypukuve ha ojoguave haĝua hikuái pe Salvador-pe 6 “. Elder Neil L. Andersen he’i kóicha:
“Peteĩ persona ikorasõ porãva ikatu oipytyvõ mávape omoĩ porã haĝua irruéda, oguerahakuaa ikompañerope doctor-pe, oho okaru peteĩ ndovy’áiva ndive térã opukavy ha omomaiteĩ mávape omborory haĝua hi’ára.
“Ha katu peteĩ oñongatuséva pe primer mandamiento ombojoapyvéta de manera natural ko’ã importante acto de servicio-pe 7 “.
Jajagarrávo Jesucristo-pe ñande ministración modelo ramo, iñimportante ñanemandu’a Iñeha’ãnguéra ohayhu, ohupi, oservi ha ohovasa haĝua oguerekókuri peteĩ objetivo yvateve omyanyhẽ ranguénte umi tekotevẽ pya’éva. Ojekuaaporã Ha’e oikuaahákuri mba’épa hekotevẽnguéra ára ha ára ha oiporiahuverekoha chupekuéra ijehasa’asykuérare oipohano, omongaru, operdona ha ombo’e vove chupekuéra. Ha katu Ha’e ojaposeve omba’apo rangue ko aragua rehente. Oipota umi oĩva ijerére tosegui ha toikuaa chupe, ha tohupyty ipotencial divino 8 .
Ñañeha’ãvo ñaministra haĝua “Ha’e ojapohaguéicha” 9 oñepresentáta ñandéve oportunidad ñanderesarái haĝua ñandejehegui ha ñamokyre’ỹ ambuekuérape. Umi oportunidad py’ỹi ikatu ndaha’éi conveniente ha omoĩ a prueba ñande potapy ha’ehaĝua pe Maestro-icha, iservicio tuichavéva, Ijexpiasiõ ijapyra’ỹva, ndaha’eietékuri conveniente. Mateo 25-pe oñemomandu’a ñandéve mba’épa Ñandejára oñandu ñande rehe, Ha’éicha, ñaimerõ concientemumi ñorãirõ, jehasa’asy ha desafiokuéra hetaite ombohovakéva, ha katu py’ỹi heta ndohechái:
“…Peju peẽ che Ruete jehovasápe, he peñemomba’e pe tetãre oñembosako’imava’ekue peẽme ĝuarã ko mundo ñepyrũmby guive:
“Che ñembyahýi ramo guare, peê chemongaruva`ekue, Che y’uhéi ramo, peê che mboy´u va´ekue, ha aikóramo mombyryguáva ramo peê chemoguahẽva´ekue pende rógape…
“Upépe umi hekojojáva ombohováita heívo: Ñandejára, ¿araka’e piko ndéve rohecha neñembyahýi ramo ha romongaru?, terã ¿y’uhéi ha romboy’u?
“¿Ha araka’épa rohecha oga’ỹre ha romoĝuahẽ ore rógape, térã ndeopívo ramo ha romonde?…
“Ha ombohováivo Réy, he´íta: Añetehápe ha´e peemȇ, pejapóva peteîva ko´ã che ryvy kuéra michĩvévare, cherehe pejapo ramo guáicha 10 “.
Taha’e jaservirõ hína hermano térã hermana ministrante-icha, térã simplemente ñañeme’ẽrõ en cuenta máva oikotevẽha, ñañemokyre’ỹ jaheka haĝua pe Espiritu guía ha dirección, ha upéi jajapo. Ikatu ñañeporandu mba’éichapa iporãvéne ñame’ẽ servicio, ha katu Ñandejára oikuaa, ha Ijespiritu rupive ñandeguiáta ñane ñeha’ãnguérape. Nefi-cha, “…[chegueraha pe Espiritu aikuaa mboyve’ỹre mba’épa ajapova’erã” 11 upéicha avei pe Espiritu ñandeguiáta ñañeha’ãháicha ha’ehaĝua tembiporu Ñandejára pópe jahovasa haĝua Ita’yrakuérape. Jahekaháicha pe Espiritu guía ha jajeroviaháicha Ñandejárare, jajejuhúta situación ha circunstacia-pe ikatutahápe ja’actua ha jahovasa ambuekuérape; térã, ñaministra.
Ikatu oĩ vece jahechakuaahápe peteĩ tekotevẽ ha katu ñañandu nañandekatupyryiha ñambohovai haĝua upéva, ha ñaimo’ã pe ikatúva ñame’ẽ ndohupytýii. Jajapo “Ha’e ojapohaguéicha” 12 ha’e ñaministra, ñame’ẽvo ñame’ẽkuaáva ha jajeroviávo Ñandejára ombotuichataha ñane ñeha’ã jahovasa haĝua “ñane compañero-kuéra de viaje-pe ko je’ói mortal rupive 13 “. Alguno-pe ĝuarã ikatu ha’e ome’ẽ itiempo ha italentogui; ambuépe ĝuarã, ikatu ha’e peteĩ ñe’ẽ kyrỹi térã omba’apo hatã. Ñañandurõ jepe ñane ñeha’ãnguéra ndohupytyiha, presidente Dallin H. Oaks okomparti peteĩ principio iñimportánteva umi mba’e “michĩ ha isencíllova” rehegua. Ombo’e umi acto michĩva ha isencíllova ipotente o’invitágui “Espiritu Santo compañía”-pe 14 peteĩ compañero ohovasáva tanto pe ome’ẽvape ha avei pe orrecibívape.
Oikuaávo pya’e omanotaha, che hermano Mike he’i: “Jaguerovia’ỹ mba’éichapa pe cáncer de páncreas ojapokuaa tereñecentra iñimportantevévape 15 “. Kuimba’e ha kuñanguéra hechapyrãva rupi, ohechava’ekue peteĩ tekotevẽ, ndohusgái ha katu ominstra hikuái pe Salvador ojapohaguéicha, ndakurietéikuri Mike-pe ĝuarã. Alguno-pe ĝuarã, pe kambio ikatu oĝuahẽ raẽve, ambuépe ĝuarã katu velo mboypyri. Upevére, ñanemandu’ava’erã araka’eve ndakurietereiri ha avave noñemomombyryetereiri pe tapégui oĩhaĝuaicha Jesucristo expiación infinita, ijapyra’ỹva ijehupyty ha arekuépe, ndaikatuihápe ohupyty chupe.
Octubre-gua Conferencia General pahápe, Elder Dale G. Renlund ombo’e “Noimportái mbo’y árapa ñasẽ pe tapégui … , jadecidi vove ñakambiataha, Tupã ñanepytyvõta jajevy jey haĝua 16 “. Upevére, upe ñemoambue decisión py’ỹi ou peteĩ invitación koichaguáva resultado ramo: “Apensa ndegustáne ehendurõ pe Evangelio mensaje”. Upéicha, araka’eve ndakurietereiháicha pe Salvador-pe ĝuarã, araka’eve ndavoietereiri ñaporo’invita haĝua.
Ko Pascua de Resurrección époka ome’ẽ jey ñandéve, pe oportunida glorioso jajepy’amongeta haĝua ñande Salvador Jesucristo sacrificio expiatorio guasu rehe ha pe Ha’e ojapova’ekue opavave ñande rehe peteĩ costo hepyetereívape, peteĩ costo Ha’ete he’iva’ekue “ojapo [Ha’e], pe tuichavéva opavavégui, oryrýi hasy rupive”. “Upevére”, he’i, “Hay’u, ha ambopaha che ñembosako’ikuéra yvypóra ra’ykuera ndive ĝuarã 16 “.
Atestifica Ha’e “[ó]japopa”, haguére oĩ esperanza tapiate. Jesucristo rérape, Amén.