Upe fe resa
Jajapyhy ha jaiporavóramo mba’épa ja’aseptáta upe proclamación-pe, ijaraipa ñane visión eterna,ome’ẽvo tuicha importancia ñane experiencia-pe, ko’ápe ha ko’áğa.
Ojehupi mboyvemi kurusúre, Jesús ojegueraha Pilato tribunal renondépe. “Ndépa ha’e Judio-kuéra Rréi?” Pilato oporandu porãite. Jesús ombohovái: “Che rréino ndaha’éi ko mundo-pegua... Che [aju] mundo-pe,ame’ẽ hağua testimonio [pe] añeteguávare. Opa umi añete reheguáva, ohendu che ñe’ẽ”.
Pilato oporandu cínicamente: “Mba’épa pe añetegua?” 1
Mundo ko’ağaguápe, upe porandu “Mba’épa pe añetegua?” ikatu hasyeterei ha ijetu’u ménte secular-pe ğuarã.
Peteĩ jeheka Google-pe “Mba’épa pe añetegua?” Ogueru un millón rasa ñembohovái. Jarekove información ñande teléfono celular-kuérape opa umi libro oĩvagui kuatiarenda ladrillo ha mortero-gui ojejapopyrévape Jaiko información-re ha hetaitereirasa opinion-kuéra reheve. Ñe’ẽpu porãite ha iseductórva ñanemuña jahahápe.
Japytávo pe confusión ko’ağaguápe, naiñextrañói oĩha heta ojoajúva umi ñe’ẽ he’iva’ekuéndi ojapo 2.500 áño Protágoras Sócrates-pe: “Upe añetéva ndéve ğuarã”, he’i, “añete ndéve ğuarã, ha pe añetéva chéve ğuarã añete chéve ğuarã.” 2
Pe añetegua Jesucristo evangelio restaurado rupi.
Jajehovasávo Jesucristo evangelio restaurado-re , humildemente jadeklara oĩha heta mba’e añeteguapaitéva. Ko’ã añetegua ijapyra’ỹva peteĩchante káda Túva ra’y ha rajýpe ğuarã.
Umi Escritura-kuéra ombo’e: “Pe añetegua ha’e jeikuaa umi mba’ekuéra mba’éichapa ha’e, mba’éichapa ha’ékuri ha mba’éichapa ha’éta.” 3 Pe añetegua omaña atukupe ha tenonde gotyo omongakuaávo upe ñane tiempo perspectiva púnto michĩmi.
Jesús: he’i, “Che ha’e upe tape, pe añetegua ha pe tekove.” 4 Pe añetegua ohechauka ñandéve tape tekove apyra’ỹ meve ha ou Ñandejára, Jesucristo rupi añónte. Ndaipóri ambuéicha.
Jesucristo ñanembo’e mba’éichapa jaikova’erã ha, Iñexpiación ha resurrección rupive, Ha’e oikuave’ẽ ñandéve perdón ñande pekadokuérare ha inmortalidad amo gotyove vélogui. Kóva añetete.
Jesucristo ñanembo’e noimportaiha ñande viru hetápa térã ñane mboriahu, ñaneprominentepa térã jajekuaa’ỹ, ñandekatépa térã ñanesensillo. Ha katu, ñande jeheka mortal niko ha’e ñamombarete ñande fe Ñandejára Jesucristo-re, jaiporavo iporãva ivaíva ári ha jajapo Imandamientokuéra. Javy’a aja umi mba’e pyahu oguerúva ciencia ha medicina-re, Tupã añetegua oho amo gotyove ko’ã descubrimiento-gui.
Umi añetegua eternidad rehegua oñembohováivo, akóinte oĩ ñe’ẽ japu odistrae hağua Tupã ra’ykuérape upe añeteguágui. Umi adversario argumento-kuéra akoiete peteĩchante . Pehendumi oje’eva’ekue ojapo 2000 áño:
“[peẽ] ndaikatúi peikuaa umi pehecha’ỹvagui[peẽ]… [Taha’e ha’éva ojapóva peteĩ yvypóra] ndaha’éi crimen.
[Tupã nanderovasái hína sino] káda [yvypóra oñakãrapu’ã] ikatuháicha [i] genio rupive”. 5
“Ndaha’éi razonable peteĩ ser ... Cristo-ichagua ... taha’e jepe Tupã Ra’y. 6
“[Umi peẽ pegueroviáva peteĩ loca tradición-nte ] ha peteĩ trastorno mental.” 7 Ipu ko arapeguáicha, ajépa?
Evangelio restauración reheve , Tupã ome’ẽ ñandéve mba’éichapa ña’aprende ha jaikuaáta umi verdades espirituales esenciales: ña’aprende umi sagradas Escrituras rupi, ñane ñembo’e personal, ñane experiencia-kuéra, umi profeta ha apóstol viviente consejo-kuérape ha Espíritu Santo guía rupive, ñanepytyvõva “jaikuaa hağua opa mba’e añetegua.” 8
Añetegua oñemyesakãva’erã espiritualmente
Ikatu jaikuaa umi Tupã mba’éva jahekávo jahávo espiritualmente. Pablo he’i: “Umi Tupã mba’éva ndoikuaái avave kuimba’e, ndaha’éiramo pe orekóva Tupã Espíritu.” [Upéva] oñemyesakã espiritualmente“. 9
Emaña ko Michael Murphy arte-re. Ko perspectiva guie, hasy jarovia hağua ha’eha peteĩ yvypóra resa interpretación artística-nteha. Ha upeichavérõ, remañávo umi punto peteĩ perspectiva diferente guie, rehecha mba’eichaitépa iporã pe artista ojapova’ekue.
Upéicha avei, jahecha umi Tupã añetegua espiritual umi fe resa perspectiva rupive. Pablo he’i: “Pe hombre natural ndorresivíri umi Tupã Espíritu mba’éva; vyroreígui chupe ğuarã; avei ndaikatúi oikuaa, oñemyesakãva’erãgui espiritualmente”. 10
Escritura-kuéra,ñane ñembo’e, umi profeta moderno ha Espíritu Santo don ome’ẽ ñandéve peteĩ perspectiva espiritual hesakãva añeteguáre oñeikotevẽva ñande jehorã ko yvy ári.
Upe proclamación fe resa rupive.
Jahechami proclamación familia-pe ğuarã upe fe resa rupive.
El presidente Gordon B. Hinckley opresenta “Familia: Pe Proclamación Mundope ğuarã” ko’ã ñe’ẽ rupive: “Heta sofistería reheve oñemoğuahẽva añeteguávaramo, hetaite japu umi norma-kuéra ha umi valor rehe, hetaite tentación jasegívo umi mundo-gua konsehokuéra, ñañandu necesidad ña’amonesta ha ja’advertívo opa umíare.” 11
Pe proclamación oñepyrữ: “Opavave yvypóra, kuimba’e ha kuñáva, ojejapo Tupã imagen-cha. “Peteĩ teĩ ha’e Tuvakuéra Yvagagua ra’y térã rajy ojehayhuetéva ha, upéicha avei, peteĩ teĩ oreko peteĩ naturaleza ha peteĩ destino divino”.
Ko’ãva ha’e añetegua ijapyra’ỹva. Nde ha che ndaha’éi peteĩ naturaleza accidente.
Che gustaiterei ko’ã ñe’ẽ: “Rréino premortal-pe, ta’ýra ha tajyrakuéra oikuaa ha o’adora Tupãme Itúva Apyra’ỹramo ha o’acepta hikuái iplan”. 12
Jaikove ñanase mboyve voi. Ñane identida individual oĩ ‘atã ñandepype akoiete ğuarã . Umi ikatu’ỹháicha ñantendepa ñande crecimiento espiritual o’influi umi mba’épa ñande ha’e ko’ápe. 13 Ja’asepta Tupã plan. Jaikuaa ñañandutaha jehasa’asy, mba’asy ha ñembyasy ko yvy ári. 14 Avei jaikuaa Ñandejára outaha ha, jahechaukávo ñaimeha digno, jajehupíta Resurrección-pe, ñamoĩvévo “pe gloria [ñane] akã ári siglo ha siglo pukukue”. 15
Pe proclamación niko idirectoite: “Rodeklara umi medio mba’éichapa ojejapo pe tekove mortal oĩha designado divinamente. Roafirma pe tekove santida ha iñimportancia Tupã plan eterno-pe”.
Ñande Ru plan o’anima ména ha tembirekokuérape togueru mitãnguéra ko mundo-pe ha ñande’obliga ñañe’ẽ hağua umi nonaseiva’ekue gueteri defensa-pe.
Umi principio-kuéra proclamación oĩ porãiterei conectado
Ja’eskohe ha jaiporavóramo mba’épa ja’aseptáta upe proclamación-pe, ijaraipa ñane visión eterna,ome’ẽvo tuicha importancia ñane experiencia-pe ko’ápe ha ko’áğa. Ñameditávo ñembo’épe pe proclamación upe fe resa rupive, hesakã porãve ñandéve mba’éichapa umi principio-kuéra oñembojoaju porãite, ohechaukávo ñande Ru plan Ita’yrakuérape ğuarã. 16
Ñañesorprendeva’erã piko umi Ñandejára profeta-kuéra oikovéva odeclara ramo ivolunta ha umi porandu opytaha gueteri? Oĩ orrechasáva profeta-kuéra ñe’ẽ inmediatamente, 17 ha ambuekuéra katu ojepy’amongeta ñembo’épe umi iporandu añetévare, porandu oñemyesakãtava paciencia reheve ha umi fe resa rupive. Pe proclamación ojerrevela rire peteĩ siglo diferente-pe, oĩta gueteri porandu, porandukuéra iñambuéva ko’ağaguágui. Peteĩva umi profeta-kuéra propósito ha’e ñanepytyvõ ñamyesakã hağua umi porandu añetéva. 18
Tupaogua Presidente mboyve, el presidente Russell M. Nelson he’i: “Profeta-kuéra ohechakuaa mombyry guie, Ohecha umi peligro ivaivéva adversario omoĩva, térã omoĩtava gueteri, ñande rapépe. Umi profeta-kuéra avei opreve umi tuicha posibilidad ha privilegio oha’arõva umi ohendúvape ojaposégui umi he’íva.” 19
Atestifika añetegua ha poder espiritual oĩva upe Primera Presidencia ha Quórum de los Doce ñe’ẽpu joaju apytépe.
Mundo ojei ohóvo.
Che rekove pukukue, jahecha peteĩ cambio dramático mundo-gua creencia apytépe heta umi principio-kuéra oñembo’évare upe proclamación-pe. Chemitãrusu aja ha umi áño amenda ramóme , heta ko múndope oñemomobyry Ñandejára norma-gui ñahenóiva ley de castidad, umi relaciones sexuales oikova’erãha peteĩ kuimba’e ha peteĩ kuña omendáva apytépe añónte. Arekóvo 20 ha 30 áño, heta oĩ ohejareíva umi onase’ỹva protección sagrada, pe aborto ojehecha porãvévo ohóvo. Ramoite katu, heta oñemombyry Tupã léigui upe ñemenda ha’eva’erãhágui peteĩ unión sagrada ha oikova’erãha peteĩ kuimba’e ha peteĩ kuña apytépe. 20
Pe jahecha oĩ heta oñemombyryetereíva umi límite Ñandejára omoĩva’ekuégui, ñanemomandu’a upe ára Capernaum-pe Salvador odeklara ramo guare idivinidad ha ñembyasýpe “heta umi idiscípulo ... ndoguatavéima hendie”.
Salvador upéi oporandu umi Doce-pe: “Pehóta piko avei peẽ?”
Pedro ombohovái:
“Ñandejára, mávape piko rohóta? Nde rereko ñe’ẽ tekove ijapyra’ỹva rehegua”.
“Ha roguerovia ha roĩ seguro nde ha’eha upe Cristo, Tupã oikovéva Ra’y.” 21
Ndaopaichagua situacion oje’ahusta umi oje’évape upe proclamación-pe.
Oĩ heta imitãva ha kuakuaáva ileal ha ifielva Jesucristo evangelio-pe, isituación ko’ağagua ndaha’éi ramo jepe umi he’íva upe proclamación sobre la familia-pe: mitã hekove ojeityvyróva divorcio rupi; mitãrusu iñamígokuéra oñembohorýva ley de castidad-re; kuña ha kuimba’e ojuejáva oñeñopữ pypukúva infidelidad rehe; ména ha tembireko ikatu’ỹva oreko mitã; kuña ha kuimba’e ikónyuge okomparti’ỹva pe Evangelio restaurado ogueroviáva; kuña ha kuimba’e omenda’ỹva hetaichagua motivore ikatu’ỹva omenda.
Peteĩ chamígo orekóva 20 áño potaite, heta a’admiráva, nomendái oipy’ara’ãgui chupe isexoichagua. Oñemantenekuri fiel ikonveniokuérape templo-pe, omyasãi i-talento creativo ha profesional ha oservi noblemente Tupao ha komunida-pe. Ramoite he’i chéve: “Ikatu asimpatisa umi che situación-chaguándi oiporavóva noñongatúi upe ley de castidad ko múndo jaikohápe. Ha katu, ndojeruréi piko ñandéve Cristo ñande “ani hağua ko mundogua”? Hesakã porã umi Tupã estándar iñambueha umi mundoguágui”.
Kuimba’ekuéra léi py’ỹi oheja okápe umi límite oje’estableséva Tupã léikuéra rupive. Umi o’agradaséva Tupãme, katuete oikotevẽta fe, paciencia ha diligencia. 22
Che rembireko, Kathy, ha che roikuaa peteĩ hermana omenda’ỹva, ko’áğa orekóva 40 áño, orekóva heta habilidad profesional ha oservíva py’aguasúpe ivarriope. Ha’e avei oñongatu umi Tupã léi. Ha’e o’escrivi:
“Asoña pe ára ajehovasataha peteĩ ména ha membykuéra reheve. Aha’arõ gueteri. Sapy’ánte che situación rupi añeñandu tesaráipe ha che’año Ha katu añeha’ã amantene pe enfóke umi areko’ỹva oka gotyo, ha hendaguépe amoĩ umi arekóva ha mba’éichapa ikatu aipytyvõ ambuévape.
“Upe servicio che familia extendida-pe, che barrio ha templo-pe chepytyvõ. Naiméi tesaráipe ni cheaño aimére peteĩ párte ha opavave ñaime, peteĩ familia tuichavéva párte ramo”.
Oĩ Peteĩ o’entendéva.
Oĩ he’ítava: “Nerentendéi che situación”. Ikatu nahániri, ha katu atestifika oĩha peteĩ o’entendéva. 23 Oĩ Peteĩ oikuaáva pene mba’epohýi Isacrificio rupive jardín ha kurusúpe. Peheka aja chupe ha pejapo imandamientokuéra, apromete peẽme Ha’e penderovasataha ha omopu’ãtaha umi mba’e ipohyietéva peaguanta hağua peneaño. Ha’e ome’ẽta peẽme amigo-kuéra ijapyra’ỹva ha oportunidad peservi hağua. ha iñimportantevéva, Ha’e penemyenyhẽta Espíritu Santo imbaretéva reheve ha omboguejýta pende ári Ijaprobación divina resape. Ndaipóri elección ni alternativa oipe’átava ñandehegui Espíritu Santo ñemoirữ térã umi eternidad rovasapy omerese ñane consideración.
Aikuaa Salvador oikoveha. Aime testigo ramo Ha’e ha’eha opa añetegua oñeimportáva fuente ha okumplitaha opaite tovasa Ha’e opromete’akue umi ojapóvape Imandamientokuéra. Jesucristo rérape, Amén.