Upe fe oporosustentáva poder
Pemopu’ãvo pende po pesostene hağua, pejapo peteĩ promesa Tupãme; ha’ekuéra isiervova, pesostenetaha chupekuéra.
Heta jey ahendu umi lider sacerdocio-gua ome’ẽ gracia umi fe oporosustentáva orekóvare umi oservívape. Umi iñe’ẽpu emocion-re roikuaa pe agradecimiento añete ha ipypukuha. Che propósito ha’e atransmiti pe Ñandejára agradecimiento peẽme pesostenégui Isiervokuérape Itupaópe. Ha avei pomokyre’ỹ peipuru ha pemongakuaa hağua upe poder pesostene hağua ambue yvypórape pende fe rupive.
Penase mboyve, peẽ pehechaukámakuri upe poder Penemandu’ami umi jaikuaávare mundo de los espíritus-gui, vida terrenal mboyve. Ñande Ru Yvagagua opresenta peteĩ plan Ita’yrakuérape ğuarã. ñande ñaime’akue upépe. Lucifer, ñane hermano espíritu-pe, oñemoĩ upe plan-re opermitítava ñandéve ikatu jaiporavo, Jehová, Túva Yvagagua Ra’y Ojehayhuetéva, osostene upe plan. Lucifer, omyakã peteĩ rebelión; Jehová ñe’ẽ apoyo oprevalese, ha oñekuave’ẽ voluntario ramo ha’e hağua ñande Salvador.
Peẽ peimeha ko’áğa vida terrenal-pe o’asegura oréve pesostenehague Túva ha Salvador-pe. Oñeikotevẽ fe Jesucristo-re oñesostene hağua upe plan de felicidad ha Jesucristo renda kóva ryepýpe, sa’i ramo jepe ojeikuaa mba’e desafío-pa ojehasáta mortalidad-pe.
Upeicha avei, pende fe pesostene hağua umi Tupã siervo-kuérape tekotevẽ pende vy’apavẽme ğuarã ko tekovépe. Pe’aseptávo peteĩ misionero desafío peñembo’e hağua ha peikuaa Libro de Mormón ha’eha Tupã ñe’ẽ, peguereko fe presostene hağua peteĩ Ñandejára siervo-pe. Pe’aseptávo invitación pendekarai hağua, pesostene peteĩ humilde Tupã siervo-pe.
Pehejávo peteĩme omoĩ ipo pene akã ári ha he’i: “Erresivi Espíritu Santo”, pesostene chupe Sacerdocio de Melquisedec poseedor ramo.
Upe ára guie, peservívo fielmente, pesostene káda yvypóra ome’ẽva peẽme upe sacerdocio ha káda yvypóra pene’ordenáva oimeraẽva oficio-pe upe sacerdocio-pe.
Pene experiencia ñepyrũme sacerdocio-pe, káda sostenimiento ha’e peteĩ simple acto de confianza peteĩ Tupã siervo-re. Ko’áğa, heta pende apytépe pehasa peteĩ posición upe ñesostene he’isevehápe.
Peẽ pedesidi pesostensépa térã Ñandejára ohenóivape, oimeraẽa mba’e Ha’e ohenóivape chupekuéra. Upe decisión oiko conferencia-hápe opa mundo pýpe; Oiko ko’ápe. Umi reunion-hápe, ojelee umi kuimba’e ha kuña réra —Tupã siervo-va—ha peñinvita pehupi hağua pende po, pesostene hağua chupekuéra. Ikatu pejoko pene sostenimiento vóto térã ikatu pepromete fe pesostenetaha. Pemopu’ãvo pende po pesostene hağua, pejapo peteĩ promesa; Pejapo peteĩ promesa Tupãme; ha’ekuéra isiervo-va, pesostenetaha chupekuéra.
Ha’ekuéra niko yvypóra imperfecto, peẽicha. Pene promesa ñeñongatu oikotevẽta peteĩ fe inquebrantable Ñandejára ohenoiha chupekuéra. Umi promesa ñeñongatu avei oguerúta felicidad eterna. Ñeñongatu’ỹ oguerúta jepy’apy peẽme ha umi pehayhúvape, uvei umi jehekýi ikatu’ỹva peñeimagina.
Ikatu ojeporandu peẽme térã oñeporandúta pesostenépa obispo-pe, presidente de estaca, Autoridades Generales ha Tupaogua Oficiales Generales-pe. Umía ikatu ojehu ojejerurévo ndéve pesostene hağua umi oficial ha líder-kuérape peteĩ conferencia-hápe. Sapy’ánte, ikatu peteĩ entrevista-hápe obispo térã presidente de estaca-ndi.
Che consejo ha’e pejapo umi porandu pendejupe raẽ , peteĩ profunda reflexión ha ñembo’e reheve Pejapo aja, ikatu penemandu’a pene pensamiento-kuérare, pene ñe’ẽ ha umi pejapo ramóvare. Peñaha’ã penemandu’a ha pemarka ñembohovái peme’ẽtava Ñandejára pene’entrevistávo,, peikuaávo outaha ára Ha’e ojapotaha. Ikatu peñembosako’i pejapóvo ãichagua porandu:
-
Apensa térã añe’ẽraka’e umi yvyporakuéra debilidad humana-re añekompromete’akue asostenetaha?
-
Aheka piko umi muestra Ñandejára oguia-ha chupekuéra?
-
Ahá piko ra’e concienzuda ha lealmente hapykuerikuéra?
-
Añe’ẽpara’e umi muestra ahechávare, ha’ekuéra ha’eha Tupã siervo?
-
Añembo’e meme piko hesekuéra, ha’évo herakuéra, ha mborayhu reheve?
ko’ã porandu, heta ñandeapytépe, oguerúta inquietu ha tekotevẽme ñearrepenti. Tupã omanda ñandéve ani hağua japorohusga injustamente, ha katu, jajapóvo, hasy jajehekýi hağua. Opa mba’e nunga jajapóva ñamba’apóvo yvyporakuérandi, ñandegueraha jahusga hağua chupekuéra. Ha opa aspecto nungápe ñande rekovépe ñañekompara opavavéndi. Ikatu jajapo heta motivore, heta irrasonábleva, ha katu py’ỹi, ñandegueraha japorokritika.
Presidente George Q. Canon ojapo peteĩ advertencia ambohasáva ndéve, chemba’erõguáicha. Che arovia he’iha añetéva: “Tupã oiporavo Isiervokuérape. Ha’e orreklama iprerrogativa ramo okondena hağua chupekuéra, oikotevẽrõ condenación. Noñeme’ẽi ñandéve peteĩ teĩ, ñasensura ha ñakondena hağua chupekuéra. Avave kuimba’e, taimbarete jepe ifépe, oñeimporta’ỹre ijyvatekue sacerdocio-pe, ikatu oñe’ẽ vai Ñandejára ungido-re, ni ojuhu jejavy Tupã autoridad-pe yvy ári, oike’ỹre disgusto-pe Hendie. Pe Santo Espíritu ohóta upe kuimba’égui ha ha’e oikéta pytữmbýpe. Upéicharõ, ndapehechái piko mba’éichapa iñimportánte ñañangareko?1
Ahecha jepi umi Tupaogua miembro-kuéra mundo pukukue , jepive, ileal peteĩva ambuéndi ha umi opresidívandi hi’arikuéra. Oĩ, upeichavérõ, oĩ ikatúva ñamoĩ porãve ha ñamoĩ porãveva’erã. Ikatu ñamongakuaave ñande poder ñañosostene hağua ojupe. oikotevẽta fe ha ñeha’ã . Ko’ãva ha’e cuatro sugerencia ajapóva jajapo hağua ko conferencia-pe.
-
Ikatu jahechakuaa acciones específicas umi oñe’ẽva he’iva ha ñañepyrữ ko árape jajapo. Jajapóvo, ñande poder ñasostene hağua chupekuéra tuichavéta.
-
Ikatu ñañembo’e hesekuéra oñe’ẽnguévo, Espíritu Santo togueraha iñe’ẽ umi yvyporakuéra jahayhúva korasõme. Jaikuaávo uperire, ñane ñembo’e oñembohovaihague, ñande poder ñasostene hağua umi líderes-pe tuichavéta.
-
Ikatu ñañembo’e umi oradores específicos tojehovasa ha tokakuaa ome’ẽ jave imensaje-kuéra. Jahechávo okakuaahague, tuichavéta ñande fe ñasoste hağua chupekuéra ha hi’arevéta.
-
Ikatu ñahendu umi oñe’ẽva mensaje oúva ñande ñembo’e personal ñembohovái ramo, jahekávo ñeipytyvõ. Oğuahẽvo ñembohovái, ha oğuahẽta, tuichavéta ñande fe ñasostene hağua opavave Ñandejára siervo-pe.
Ñamehora rire ñasostenévo umi oservívape Tupaópe, ña’aprende avei oĩha ambue entorno ikatuhápe ñamongakuaa upe poder; Upépe, ikatúta ogueru tovasapy tuichavéva ñandéve ğuarã. Oĩ ogapy ha familia-hápe.
Añe’ẽ umi imitãva orekóvape sacerdocio, oikóva gueteri itúvandi hógape. Pehejami ta’e peẽme che experiencia propia guie mba’épa he’ise peteĩ túvape ğuarã oñandu ife oñesostene. Ha’e ikatu vaicha peẽme oĩ seguro ijehegui. Ha katu, ha’e ombohovái hetave dificultades umi peẽ peikuaávagui. Sapy’ánte, ndaikatúi ohecha tape, umi problema orekóvare henondépe.
Ne admiración hese oipytyvõ’imíta chupe; Ne mborayhu hese oipytyvõvéta. Ha katu oipytyvõvétava chupe ha’e umi ñe’ẽ añete ko’ã ichagua: “Papá, añembo’ékuri nderehe, ha añandu Ñandejára neipytyvõtaha” Osẽ porãmbáta; Aikuaa ojapotaha”.
Ñe’ẽ umichagua avei oreko poder ambue dirección-pe: túvagui ta’ýrape. Peteĩ ta’ýra ojavy vaietévo, ikatu peteĩ asunto espiritual-pe, oiméne oñandu ofallahague. Itúvaicha, upe momento-pe, ikatu peñesorprende, ñembo’e rire peikuaávo mba’épa pejejapóta, Espíritu Santo omoĩvo ko’ã ñe’ẽ pende jurúpe: “Che ra’y, rerekóta che apoyo. Ñandejára penderayhu! Iñepytyvõme, ikatu peju jey. Aikuaa ikatuha ha pejapotaha. Rohayhu.
Cuórum del sacerdocio ha familia-pe, peteĩ fe tuichavéva , ñañosostene hağua ojupe ha’e,mba’éichapa ñamongakuaáta Sion Ñandejára oipotáháicha. Iñepytyvõme, ikatu jajapo ha jajapóta. Oñeikotevẽta jahayhukuaa Ñandejárape opa ñane korasõ, poder, ménte ha mbarete reheve; ha japorohayhu ñande jajehayhuháicha.
Jakakuaakuévo mborayhu joheipyrépe Cristo-re, ikyrỹivéta ñane korasõ. Pe mborayhu ñanemoumildeta ha ñandegueraháta ñañearrepenti. Ñane confianza Ñandejárare ha ñane confianza ambuekuérare okakuaavéta. Ha upéi ñamýita unidad gotyo, ñağuahẽ meve Ñandejára he’iháicha ikatuha2.
Atestifika Ñande Ru yvagagua pendekuaa ha penderayhuha; Jesus ha’e pe Cristo oikovéva. kóva ha’e Itupao. Jaguereko Isacerdocio. Ha’e o’onrráta ñane ñeha’ã ñambokakuaa hağua ñande poder jaipurúvo ha ñañosostene hağua ojupe. Upévagui atestifika Jesucristo rérape. Amén.