Buen Pastor, Tupã Cordero
Jesucristo ñanerenói Iñe’ẽ pu reheve ha Hérape. Ha’e ñandereka ha ñanembyaty Ha’e ñanembo’e mba’éichapa oñeministra mborayhu reheve.
Estimado hermano ha hermanakuéra ¿Alguna ves pa ndaikutui peke ha peñeha’ã peipapa umi ovecha imaginario? Umi ovecha opopo aja pe cerco, peẽ peipapa: 1, 2, 3… 245, 246… 657, 658…1
Che kásope, ovecha jeipapa nachemboropehýiri. Chepy’apy cheresarairõ térã aperdérõ ĝuarã alguno, ha upéva chemombay.
Upe joven pastor oikovagui rey ndive, jadeclara:
“Jehová ha’e che pastor; mba’eve ndofaltamo’ãi chéve.
“Kapi’ipe kyrỹi renda rupi chembopytu’úta; y pytu’u ykére chepastoreáta.
“Che ánga omoangapyhýta.”2
Ko Pascua de Resurreción épokape, ña’onra pe Buen Pastor-pe, ha’éva avei pe Tupã Cordero. Opa Itítulo divinokuéragui, ninguno itierno térã irreveladorve. Ña’aprende heta umi referencia pe Salvador ojapova’ekue ijehe pe Buen Pastor ramo, ha umi testimonio profético oñeme’ẽva Chugui pe Tupã Cordero-icha. Umi función ha símbolo oñecomplementa tuicha pu’aka reheve. ¿Máva piko iporãvéta osocorre haĝua káda cordero presiósope upe Buen Pastor-gui, ha mávapa ha’éta Pastor porãve ñandéve ĝuarã pe Tupã Cordero-gui?
“Ñandejára ohayhuetegui ko múndo omeʼẽ Itaʼýra peteĩeteva”; Itaʼýra Unigénito ome’ẽ Hekove iñe’ẽrendukuaagui Itúva oipotavare.3 Jesús otestifika: “Che ha’e pe buen pastor; buen pastor ome’ẽva’ekue hekove ovechakuérare.”4 Jesús oreko pu’aka ome’ẽ hagua Hekove ha ojagarrajey hagua.5 Ojoajúvo Itúva ndi, ñande Salvador ñanderovasa de forma únika, ñande Buen Pastor ramo ha avei pe Tupã Cordero-icha.
Ñande Buen Pastor-cha, Jesucristo ñanerenói Iñe’epu reheve ha Hérape. Ha’e ñandereka ha ñanembyaty. Ha’e ñanembo’e mba’éichapa oñeministra mborayhu reheve. Jahechami ko’ã mbohapy téma, ñañepyrũvo mba’éichapa Ha’e ñanerenói Iñe’epu reheve ha Hérape.
Peteĩha, ñande Buen Pastor “ijovechakuérape ohenói hérare… Ha’ekuéra oikuaa Iñe’ẽpu”.6 Heẽ, “ha penerenói heraitépe, haʼéva Cristo réra”.7 Ñañeha’ãvo jasegui Jesucristo-pe intención añete reheve, oĝuahẽ pe inspiración jajapo haĝua iporãva, jahayhu Tupãme ha jaservi haĝua chupe.8 Ja’estudia, ñamedita ha ñañembo’érõ; ñambopyahúrõ umi ñande konvenio bautismal ha templo-gua con regularidad ha ña’invitávo opavavépe ou haĝua Ijevangelio ha ordenanzakuérape, ñahendu hína Iñe’ẽpu.
Ñande árape, presidente Russell M. Nelson ñanemomarandu ñahenói haĝua Tupao restaurado-pe térare Jesucristo orrevelava’ekue: Iglesia de Jesucristo de los Santos de los Últimos Días.9 Upévare, opa mbaʼe pejapóva, pejapóta che rérape; upévare pemeʼẽta che réra tupaópe; ha che rérape pejeruréta Túvape ohovasa hag̃ua upe tupao che rupive.”10 Ñaiméhape mundope, ñande korasõ ñande rógape, jajerure ñande Túvape Jesucristo rérape. Ore aguije peẽme pe tuichaiteva bendición petupaitũvo ha pe’estudiavo pe Evangelio pende rogape ha Tupaopegua pytyvõ rupi, ha avei umi actividad familiar iporãva.
Mokõiha, ñande Buen Pastor ñandereka ha ñanembyaty Hi’úniko rebaño-pe. “¿Máva kuimba´épa pende apytépe, oguerekórô cien ovecha, ha okañy chugui peteî, ndohejái chéne umi noventa y nueve ñúme, ha oho oheka pe okañýva´ekue, ojuhu peve?”11
Ñande Salvador oipyso ipo upe ovecha en particular-pe, upéicha avei umi noventa y nueve-pe, ha py’ỹi ojapo mokõive mba’e ojoja. Ñaministrávo, jahechakuaa umi noventa y nueve-pe ifirme ha noñemovãiva, ñaipytyvõserõ jepe upe ojedesviava’ekuépe. Ñandejára ñandereka ha ñanembyaty opáguio,”12 umi cuatro yvy renda guive.”13 Ha’e ñanembyaty umi konvénio marangatu ha Huguy expiatorio rupive.14
Ñande Salvador he’i Idiscipulokuéra Nuevo Testamento-guápe: “aguereko avei ambue ovecha ndaha’éiva ko redil-pegua”.15 América-pe Ñandejára oikove jeýva otestifika Lehi convenio-gua ra’ykuérape : “peẽ ha’e che ovechakuéra”.16 Ha Jesús he’i ambue ovechakuéra avei ohendutaha Iñe’ẽpu.17 ¡Tuicha jehovasa jaguereko Mormón Kuatiañe’ẽ ambue testamento ramo omombe’úva Jesucristo ñe’ẽpugui!
Jesucristo o’invita tupaópe orrecibi haĝua opavave ohendúvape Iñe’ẽpu18 ha oñongatúva Hembiapoukapykuéra. Cristo doctrina oinclui pe bautismo y ha tata rupive ha pe Espiritu Santo.19 Nefi oporandu: “Ha koʼág̃a, Tupã Cordero, imarangatúva, oikotevẽramo oñemongarai ýpe, okumpli hag̃ua opa tekojoja, O upéicharamo, mbaʼeichaiteve piko ñaikotevẽ ñande, ñaneangaipáva, ñañemongarai, heẽ, ýpe jepeve!”20
Ko’ã árape , ñande Salvador oipota umi jajapóva ha oikóva hína ñandehegui taha’e peteĩ invitación ambue. personakuérape ou ha osegui haĝua Chupe. Tou hikuái ojuhu haĝua Ypype mborayhu, ñemonguera, conexión ha sentido de pertenencia konvenio rupive, jepe Tupã Róga marangatúpe, umi sagrada ordenanza de salvación ikatuhápe ohovasa opa generaciones familiares-pe, oñembyatývo upéicha Israel-pe mokõive lado del velo-pe.21
Mbohapyha, “Pastor de Israel” ramo,22 Jesucristo ohechauka mba’éichapa umi pastor Israel-pegua oministra mborayhu Ñandejára oporandurõ jahayhúpa chupe, oporanduhaguéicha Simón Pedro-pe, ñande Salvador ojerure’asy: “Pe’apasenta che corderokuérape. … Pe’apasenta che corderokuérape. … Pe’apasenta che corderokuérape”23 Ñandejára opromete Ipastorkuéra o’apasentarõ Icordero ha ijovechakuérape, umi ovecha Irrebaño-gua “ndokyhyjei, ni noñemondymo’ãvéima, ni ndofaltamo’ãi ni peteĩ”.24
Ñande Buen Pastor omomarandu umi pastor Israel-pegua ani oke;25 ani ohundi ni omosarambi;26 ani omaña hapére térã ipropio provecho rehe.27 Umi Tupã pastor omombarete, omonguera, ovendava’erã pe hetymajekávape, ogueru jeýva’erã pe ojedescarriávape ha ohekava’erã pe okañývape.28
Ñandejára avei omomarandu pe asalariado rehe, “noimportáivape umi ovecha”,29 ha umi “falsos profetas, oúva peẽme oñemondévo ovecháicha, ha katu hyepýpe ha’e lobo rapaz”.30
Ñande Buen Pastor ovy’a jaipuru porãro pe albedrío moral personal intención ha jerovia reheve. Umi ha’éva Irrebaño ñamaña ñande Salvador rehe aguije reheve Isacrifisio expiatório-re. Jajapo konvenio jaseguitaha Chupe, ndaha’éi en forma pasíva, ni a ciegas, ni tímidamente, ha katu deseo reheve jahayhu haĝua Tupãme ha ñande rapichakuérape opa ñane korasõ ha apytu’ũ reheve, jaguerahávo ojupe ñane mba’epohyikuéra, ha javy’ávo felicidad mutua rehe. Cristo okonsagrahaguéicha plenamente Ivoluntad Túva voluntad-pe, upéicha avei ñande jajagarra Héra ñande ári reverentemente Vy’a reheve ñañeha’ã jajoaju Hi’óbrape ñambyaty ha ñaministra haĝua opaite Tupã ra’ykuérape.
Hermano ha hermanakuéra, Jesucristo ha’e ñande Pastor perfecto. Ome’ẽ haguére Hekove umi ovecháre, Jesucristo ha’e avei pe perfecto Tupã cordero.31
Pe Tupã sarificio cordero oñe’anunciava’ekue ñepyrũmby guive. Pe ángel he’i Adán-pe isacrifisio ha’ékuri “peteĩ pe Túva Unigénito sarificio ñemoha’anga”, ñane’invitáva “ñañe’arrepenti ha ñahenói haĝua Tupãme pe Ta’ýra rérape tapiaite ĝuarã”.32
Túva Abraham, omoĩva’ekue pe konvénio jerovasakuéra opa tetãnguéra ko yvy’ariguápe ĝuarã, ovivi pe he’iséva oikuave’ẽ ita’ýrape sarifiísiope.
“Upérõ oñe’ẽ Isaac Abraham-pe, itúva, ha he’i: Che ru. Ha ha’e ombohovái: Péina ápe, che ra’y. Ha he’i: Péina ápe pe tata ha pe jepe’a, ha katu, ¿moõ piko oĩ pe cordero …?
“Ha ombohovái Abraham: Tupã oproveéta pe cordero …, che ra’y.”33
Apóstol ha profetakuéra opreve ha ovy’a pe Tupã Cordero misión preordenáda-pe. Juan, pe Viejo Mundo-pe, ha Nefi, pe Nuevo Mundo-pe, otestifika pe “Tupã Cordero-gui,”34Heẽ, pe Padre Eterno Ra’y …?[pe] Redentor del mundo”.35
Abinadi otestifika Jesucristo sacrificio expiatorio-gui: “Opavave ñande, ovecháicha, ñasẽ ñande rapégui; ñañemboyke ñande rapére opavave; ha Ñandejára omoĩ hiʼári opa ñane rembiapovaikuéra.”36 Alma ohenói pe Tupã Ra’y sarificio tuicha ha ipaháva “peteĩ [mba’e] iñimportantevéva opaite ambue mba’égui”. Alma O’exorta “peguereko jerovia pe Tupã Cordero-re”, “peju ha ani pekyhyje.”37
Peteĩ che angirũ porã okomparti mba’éichapa ha’e ohupyty ivalioso testimonio Jesucristo expiasiõgui. Ha’e okakuaa ogueroviávo pe pekado tapiaite ogueru peteĩ tuicha castigo, ho’áva ñande ári añónte. Oñembo’e asy Tupãme ontende haĝua pe perdón divino posibilidad. Oñembo’e oikuaa haĝua mba’éicha Jesucristo ikatu operdona umi oe’arrepentívape; mba’éicha pe misericordia ikatu osatisface pe hustisía ojeruréva.
Peteĩ ára, iñembo’e oñembohovái peteĩ experiencia espiritual ñanemoambuéva reheve. Peteĩ mitãkaria’y desesperado odispara osẽ peteĩ tienda-gui mokõi vosa tembi’u reheve. Oñani peteĩ tape henyhẽva rehe, oseguívo chupe pe tienda-gua gerente, ohupytýva chupe ha oñepyrũ osapukái ha ombyepoti. Ohusga rangue pe mitãkaria’y oñemondýivape peteĩ mondaháicha, che angirũ henyhẽ sapy’a peteĩ poriahuvereko rembiandu pypuku hese reheve. Okyhyje’ỹre iseguridad rehe, oho oĩháme umi mokõi kuimba’e . Ojejuhu He’ívo: “Che apagáta pe tembi’úre; Eheja toho. Por favor, eheja chéve tapaga pe tembi’úre”.
Inspirada pe Espiritu Santo-re ha henyhẽvo peteĩ mborayhu araka’eve noñandúiva’ekue, he angirũ he’i: “Uniko ajaposéva ha’e aipytyvõ pe mitãkaria’ýpe ha asalvase chupe”. Che angirũ he’i oñepyrũha ontende Jesucristo ha Ijexpiasiõme; mba’éicha ha mba’ére, peteĩ mborayhu potĩ ha perfecto reheve Jesucristo ojesacrifica voluntariamente ha’e haĝua Isalvador ha Redentor, mba’érepa ha’e oipota taha’e Ha’e.38
Con razón ñande japurahéi:
Pemañake Pastor, pende rekavare,
Ohekava umi okañýva.
Vy’ape oguerúva chupekuéra;
Ha’erupi ojesalvata.39
Tupã Cordero ramo, ñande Salvador oikuaa ñañeñandurõ año, disminuido, inseguro térã ñañemondýirõ. Peteĩ visión-pe, Nefi ohecha Tupã Cordero pu’aka “oguejýramo umi imarangatúva Cordero Tupaogua ári ha umi Ñandejára konvenio tavayguakuéra ári,” Jepe “isarambíva opa yvy ape ári … oguereko hikuái hi’ármaramo tekojoja ha pe Tupã puaka tuicha verapýpe.”40
Upe promesa esperanza ha consuelo rehegua ojeipyso ñande árape.
¿Ha’e piko nde, pe úniko miembro tupaogua ne familia, escuela trabajo térã comunidad-pe? ¿Ojogua piko sapy’ánte pene rama michĩ térã oĩha aislada? ¿Reva piko peteĩ tenda pyahúpe, peteĩ idioma térã costumbre desonocido-pe.? ¿Ikatu pende rekove circunstancia okambia ha ko’áĝa pembohovake mba’e araka’eve pepensáva ikatuha? Ñande Salvador o’asegura ñandéve, oimporta’ỹre mávapa ñande ha mba’eichaguápa ñane circunstancia , Isaias ñe’ẽ ’me: “Ijyva’ári ombyatýta umi cordero ha ipyti’ápe ogueraháta; ternura reheve oguiáta umi ovecha omongakuaáva gueteri hína”.41
Hermano ha hermanakuéra, ñande Buen Pastor ñanerenói Iñe’ẽpu reheve ha Hérape. Ha’e oheka, ombyaty ha ou Itavayguakuérape. Iprofeta viviente ha opavave ñande rupive, Ha’e o’invita opavavépe ojuhu haĝua py’aguapy, propósito, ñemonguera ha vy’a Iñevangelio restaurado plenitud-pe ha Ikonvenio rapépe. Por ejemplo, ombo’e umi pastor Israel-pegua oministra haĝua Imborayhu reheve.
Tupã Cordero ramo, Jesús misión divína ha’ékuri preordenado, ha apóstol ha profetakuéra ovy’a upévape. Ijexpiasiõ, infinita ha eterna, oĩ pe plan de felicidad ha pe creación propósito mbytépe . Ha’e o’asegura ñandéve ñandeguerahaha Ikorasõ ypýpe.
Hermano ha hermana pohayhuetéva, aha’arõ tajaguereko pe deseo ha’ehaĝua “pe Tupã ha Cordero humilde discipulokuéra”,42 Ikatu algún dia ñande réra oĩ escrito pe libro de la vida del Cordero-pe,43 tajapurahéi pe Cordero purahéi,44tañaime invitado pe cena del cordero-pe.45
Pastor ha Cordero ramo Ha’e ohenói : Peju “jey kuaapy añeteguápe… [pene] Redentor…[pene] tuicha ha añetegua Pastor rehegua.”46 Ha’e opromete “igrasia rupi ñandeperféctota Cristo-pe.”47
Pascua-pe ja’alaba Chupe:
“¡Cordero hekopotĩva!”48
“¡Hosanna Tupã ha Corderope!”49
Atestifika Hese, ñande Buen Pastor Hekoveporãva , ha’eva Tupã Cordero. Ha’e ñande renóiva ñande rérare; Héra rupive , heẽ , Jesucristo santo ha sagrado rérape. Amén.