Ñanderorývo Cristo Ñe’ẽme
Cristo ñe’ẽme ñanderory ikatu ojehu oimerãe ára ha oimerãe okasiõ ñambosako’íramo ñane korasõ.
Ñande Ru Yvagapegua ñanderayhu. Ha’e ombosako’iakue peteĩ plan perfecto jarovy’a hag̃ua Ijehovasakuéra. Ko vida-pe, opavave ñañe invita jaju hag̃ua Cristo-pe ha jarrecibi pe Jesucristo evangelio restaurado, bautismo rupive, jarrecibi pe don del Espíritu Santo, ha javivi pe evangelio jeroviapópe. Nefi omombe’u ñane kompromiso jajebautisa hag̃ua jaikerõguáicha peteĩ “tape ipo’ietereívape”, ha ñanemomandu’a “ñañemotenondeva’erã ñemovã’ỹme Cristo-pe,… ñanderorývo Cristo ñe’ẽme, ha ñañeha’ãmbai[tévo] ipahaite peve”, jahypytýta opa jehovasa Ñande Ru Yvagapegua oguerekóva ñandéve g̃uarã (2 Nefi 31:19–20).
Nefi ñanemomandu’a avei pe “ñanderorýramo umi Cristo ñe’ẽme”, umíva “he’íta [ñandéve] opa mba’e [ja]japova’erã (2 Nefi 32:3) ha ome’ẽta ñandéve mbarete jagueropu’aka hag̃ua “umi ñanderayhu’ỹva árma hendypáva” (1 Nefi 15:24).
Mba’’épa he’ise ñanderory?
Che mitãme, aimo’ãva’ekue jarohory he’ise ja’u heta tembi’u arro, sushi ha salsa de soja reheve. Ko’ág̃a aikuaa pe jarohory añete imba’eguasuveha peteĩ tembi’u jerovy’águi. Ha’e peteĩ tembiasakue jarovy’a, ñamombarete, jaguerohory, ñakomparti hag̃ua, jahechauka hag̃ua mborayhu ñañe familia ha umi jahayhúvape, jaikuaauka Tupãme ñande aguijeveme’ẽ, ha ñamongakuaa jokuaa, jarovy’ávo heta ha hetereíva tembi’u. Che arovia jarohorývo Cristo ñe’ẽme, ñapensava’erã peteĩchagua tembiasa rehe. Jarovy’a umi escritura ndaha’éi ñamoñe’ẽnteva umíva. Ogueruva’erã ñandéve vy’apavẽ añetegua ha omongakuaa jokuaa pe ñande Salvador ndive.
Oñehekombo’e porãite péva Mormón Kuatiañe’ẽme. Ñanemandu’ajey Lehi kerarecháre, ha’e ohechahague peteĩ yvyramáta “pe hi’a [ojei]potáva ñenembovy’a hag̃ua”. Upe yva’a omoha’anga Tupã ñe’ẽ, ha Lehi ho’úvo pe yva’a he’i, “...he’ẽve opa mba’e che ha’umava’ekuégui” Pe “hi’ánga henyhẽ peteĩ vy’a tuichaitereívagui” ha oñandu okompartirse hagayguakuéra ndive (1 Nefi 8:10–12).
Ñanderorýramo, jahechakuaáta avei ndaha’eiha mba’eve mboy ha mba’éichagua tembi’úpa jaguereko, pe ñanekorasõ henyhẽramo aguijeveme’ẽgui. Lehi rogayguakuéra okaru so’o pýrare pe tave’ỹme, ha katu Nefi omombe’u upe mba’e hasyetéva he’ívo: “Ha tuichaiterei umi Ñandejára jehovasa” ha “ore kuñanguéra… imbarete” ha ikatúkuri “ogueropu’aka umi iguata okaguai’ỹre” (1 Nefi 17:1–2).
Sapy’ánte pe jarohory he’ise jahasa ha ñatantea. Alma he’i ñañotỹ peteĩ yvara’ỹi iporãva ñane korasõme. Peva ñañandúvo, jahechakuaáta pe yvara’ỹi oñepyrũha “heterei” (tojehecha Alma 32:28–33).
Ñanderorývo Cristo Ñe’ẽme
Umi jehovasa oúva ñanderorývo Cristo ñe’ẽme ipoderóso ha okambia ñande rekove. Oĩ mbohapy mba’e po’invitaséva peiporu hag̃ua pende rekovépe.
Peteĩha, Cristo ñe’ẽ ikatu ñanepytyvõ ñambotuicha hag̃ua “ñande katupyry espiritual jarrecibi hag̃ua revelación personal” (Russell M. Nelson, “Revelación para la Iglesia, Revelación para nuestras vidas,” Liahona, Mayo 2018-gua, pág. 96) ha ñanesambyhýta seguro ñande rekovépe. Mormón ombo’e umi Cristo ñe’ẽ oguereko peteĩ “tuicha pu’aka ogueraha hag̃ua tavayguakuérape ojapo hag̃ua pe [i]jojáva” ha ipoderosoveha oimerãe ambue mba’e ikatúvagui ojejapo “pysepukúpe” (Alma 31:5). Ahekávo Tupã arandu ambohovake hag̃ua che jahasa’asykuéra, akóinte aiporu jave pe “Tupã ñe’ẽ pu’aka” oĩva (Alma 31:5pe), añeñandúva inspirado ha che ikatuha ajapo umi decisión iprudénteva, asupera umi tentación ha ahovasa che rekove tuichave fe reheve Cristo-re, ha tuichave mborayhu umi cherére oĩvare. Ñande profeta, Russell M. Nelson, ñanembo’ékuri “umi ára oútavape ndaikatumo’ãiha jasobrevivi espiritualmente ndajarekóiramo pe Espíritu Santo influencia guiadora, orientadora, consoladora ha constante” (“Revelación para la Iglesia, revelación para nuestras vidas”pág. 93). Revelación tekovẽva oúta ñatantea vove pe Tupã ñe’ẽ pu’aka, ha upe ñe’ẽ ipodesorovéta oimerãe mba’e ikatúvagui ñatantea térã ñaimo’ã.
Mokõiha, jalucha jave ñande propia identidad ha jajehayhu’ỹ reheve, pe “Tupã ñe’ẽ porãite” Jacob 28 escriturakuérape oĩva, ñanepytyvõta jaikuaa hag̃ua mávapa añetehápe ñande ha ome’ẽta ñandéve mbarete ñandejehegui ikatu’ỹva jahupyty. Ahechakuaávo che identidad Tupã ra’y ramo, ha’ékuri momento he’ẽvéva araka’eve che añanduakue. Ary che mitãrusúpe, ndaikuaaiva’ekue mba’evete pe Salvador mbo’epy rehegua. Omoñe’ẽ’ypýrõ guare pe Nuevo Testamento, Cristo ñe’ẽ omonguera añete pe che ánga hasýva. Ahechakuaa naimeiha cheaño ha che ha’eha Tupã ra’y. Ahechakuaávo che identidad añetegua Tupã renondépe, ahechakuaa kapacida apyra’ỹ che arekóva Cristo expiasiõ rupive.
Enós okomparti avei hembiasakue pe iluminasiõ oúvare jajesarekóramo Cristo ñe’ẽre. Enós ohejávo umi ñe’ẽ itúa ombo’eva’ekue chupe pe “tekove opave’ỹva ha umi santokuéra vy’a rehegua [oike] pypuku [i]korasõme”, hi’ánga “iñembyahýi; ha [o]ñesũ [I]japohare renondépe… ñembo’e mbaretépe” (Enós 1:3–4). Upe ñembo’e rupive ha’e oikuaa Salvador-pe, ha oikuaa jarekoha tuicha valor, jajehayhu ha ikatuha ñañeperdona ñanerembiapovaígui, ha ñande ha’eha Tupã ra’y ha rajy añete.
Mbohapyha, ikatu ñamopu’ã ambue tapichakuéra rekove Cristo ñe’ẽ rupive. Enós orekohaguéicha hi’ára ha henda pe Cristo ñe’ẽ opokohague ikorasõre, Ñandejára ojapóta I’parte opoko hag̃ua umi ñande rapicha korasõ, ñakompartiseha ndive pe evangelio. Heta ñandekuéra ñañedesanima ña’invitáramo ambue tapicha ohendu hag̃ua pe evangelio, ndoikóiramo pe ñaha’arõva. Taha’e ha’e pe rresultado, Ñandejára ñañe’invita ñañe’ẽ hag̃ua ha ñakomparti pe Evangelio ambue tapichakuéra ndive.
Ojapo mokõi ary, Ñandejára opokohague che sy ahayhuetéva korasõre, oipytyvõakue chupe ohupyty hag̃ua pe ordenanza del bautismo. Che aha’arõkuri péva oiko haimete 35 ary pukukue. Péva ikatu hag̃ua ha’e ojapo, heta miembro tupaopegua oministra añete chupe Cristo ojapotahaguéicha. Peteĩ Domingo, ha’e oñandu ohova’erãha tupaópe. Ha’e osegui pe impresiõ oñandúva. Oguapy jave puntaitépe ha oha’arõ pe servicio sacramental, peteĩ mitã kuimba’e oñembo’y henondépe ha omaña hese. Ha’e omomaitei chupe pykavýpe. Ha pe mitã michĩ osẽkuri henondégui ha ohojevy ijapykápe, oĩva ambue ladogua fila che sy oguapyhágui. Ko mitã ojagarra peteĩ mba’e ijapykágui ha ohojevy ha ome’ẽ che sýpe peteĩ himnario ha oho jevy ijapykápe. Ha che sy ohechakuaa pe himnario oñemoĩha opaite apyka kapillapegua. Ha’e ikatúkuri hasy’ỹme ojagarra peteĩ pe apyka ijykereguágui. Ha katu oimpresionákuri chupe pe mitã rembiapo bondadoso ha inocente, oaprendeakue hógape ha Tupaópe. Ha’ékuri peteĩ momento kyrỹi chupe g̃uarã. Ha’e oguereko peteĩ impresiõ mbarete Tupã oinvitaha hina chupe ou hag̃ua ha osegui Salvador-pe. Ha’e oñandu ojebatautisava’erãha. Ko mitã ndohekái ñemomorã pe ojapova’ekuére, ha katu oñeha’ãnte ovivi pe Tupã ñe’ẽ ha ohayhu hapichápe. Ipy’aporã ogueru peteĩ kambio guasu che sy korasõme.
Cristo ñe’ẽ opoko mbaretéta ikorasõkuérare ha ohesape’áta umi tapicha ne’ĩrava gueteri ohecha Ichupe. Emaús rapére, mokõi discípulo oguatákuri Jesús ndive. Ndovy’áikuri hikuái ha ndoikuaái pe Salavador ipu’akámahague ñemano rehe. Ivya’ỹ rupi, ndohechakuaáikuri hikuái pe Cristo viviente oguataha hendivekuéra. Jesús “omombe’úramo jepe chupekuéra opa escriturakuérape umi mba’e heseguáva”, ha’ekuéra ndohechakuáigueteri Chupe, Salvador rresucitado ramo, oguapy ha omboja’o peve pe pan Hendive. Upévo ojepe’a “hesakuéra”. Ha ñande—umi ñanendivegua, ha ñande rogaypypegua—jarohorýramo ha ñamboja’o pe pan Hendive, ñande resa ontendéva ojepe’áta. Umi discípulo Emaús-pegua oñepy’amongetávo ára oĩhague hikuái Salvador rresucitado ndive, ha’ekuéra he’i pe ikorasõkuéra hendyhague ipypekuéra, Ha’e oipe’ávo guare chupekuéra umi escritura. (tojehecha Lucas 24:27-32). Kóva ha’éta añetegua mayma ñendéve g̃uarã.
Mbopaha
Ambopahávo, atestifika pe Cristo ñe’ẽme ñanderory ikatuha ojehu oimerãe ára ha oimerãe okasiõ ñambosako’íramo ñane korasõ umíva jarrecibi hag̃ua. Jarohorývo Cristo ñe’ẽ oguerúta rrevelasiõ omombaretétava ñande rekove, oikuaaukajeýtava ñañe identida añetegua ha ñande valor Tupã renondépe, Ta’ýra ha Tajýra ramo, ha oguiáta ñane anguirũnguéra Cristo ha vida eterna-pe. Pehejami tambopaha ha’ejeývo Nefi ñe’ẽ he’iakue: “Peñemotenondeva’erã ñemova’ỹme Cristo-pe, peguerekóvo peteĩ ñeha’arõporã mimbi, ha mborayhu Tupãre ha mayma yvypórare. Upévare, peñemotendeva’erã ñemova’ỹme Cristo-pe, ha peñeha’ãmbaitéramo ipahaite peve, péina ape, péicha he’i pe Túva: Pehupytýta tekove opave’ỹva” (2 Nefi 31:20). Jesucristo rérape, Amén.