Obra Misional: Pekompartívo oĩva pene korasõme
Peime peimehápe ko mundo-pe, oĩ suficiente oportunidad ñakomparti haĝua umi Jesucristo evangelio maranduporã.
Mes ohasava’ekuépe ñande profeta jahayhuetéva, Presidente Russell M. Nelson, oreinvita umi Doce-pe roho haĝua hendive Roma Italia Templo dedicación-rã. Roho aja, apensa Apóstol Pablo ha ije’oikuéra rehe. Hi árape oñeĝuahẽ Jerusalén-gui Roma-pe 40 dia-pe rupi. Ko’ã árape, peteĩ umi avión chegustavévape, ikatu ñaĝuahẽ 3 horas mboyvépe.
Umi Biblia oikuaaporãva oguerovia Pablo oĩhague Roma-pe ohai aja heta umi ikuatiañe’ẽ, ha’eva’ekue klave omombarete haĝua umi tupaogua miembrokuérape upéramo ko’áĝapeguáicha.
Pablo ha ymaguare tupaogua miembro-kuéra, umi Santo peteĩha oikuaaporã pe sacrificio. Hetápe oñemuñavai, ojejuka peve jepe.
Umi 200 año pahávape, Jesucristo Tupao restaurado miembrokuéra, umi Santo ára pahapegua avei ohasa hetáichagua ñemuña. Ha katu upe ñemuña ári (ha sapy’ánte upéva rupi) Jesucristo Tupao Santokuéra ára pahapegua okakuaa ohóvo ha ko’áĝa oĩ opa ko mundo jerére.
Oĩ heta mba’e ojejapova’erã
Upevére, jajapo mboyve peteĩ torta, ñamombo confeti ha jajefelisita ñandejupe upe jehupyty hechapyrãvare, jajapo porãne ñamoĩramo upe jekakuaa hendapete.
Oĩ 7 mil y medio millones rupi hentekuéra ko mundo-pe, oñembojojáramo umi 16 millones pe Jesucristo Tupao Santokuéra ára pahapegua ndive, peteĩ ovecha’aty michĩ’eterei1.
Upéva aja, umi cristiano ogueroviáva número ipokãve ohóvo heta héndápe ko mundo-pe2.
Jepe Ñandejára tupao restaurado-pe, membresía general okakuaa aja ohóvo, oĩ hetaiterei ndorreklamáiva umi jehovasa participación regular tupaópe rehegua.
Ambue ñe’ẽme, peime peimehápe ko yvýpe, oĩ heta oportunidad pekomparti haĝua umi Jesucristo evangelio noveda porã3 umi hentekuéra pejotopáva, pe’estudia, peiko, pemba’apo térã pesocialisáva ndive.
Año ohasava’ekue aja, aguerekókuri oportunidad aparticipa pypukúvo umi tupaogua actividad misional opa ko mundo jerére. Py’ỹi ajepy’amongeta ha añembo’e pe Salvador comisión tuicha ome’ẽva’ekue idisipulokuérape: “Upévare, tapeho ha peñemohemimbo’e opaite tetãnguérape, ha pebautisa ichupekuéra Túva, Ta’ýra ha Espiritu Santo rérape4“.
Añorãirõ ko porandu reheve “¿Mba’éichapa ikatu ñande, miembro ha Cristo discípuloicha, ñakumpli porãve upe tuicha comisión ñande rekove ára ha árape?”
Ko árape poinvita pejepy’amongeta haĝua avei upe porandu rehe pene korasõ ha pene apytu’ũme5.
Peteĩ regalo Obra Misional-pe ĝuarã
Tupaogua lider-kuéra omoĩ énfasis pe ñehenóime “Cada miembro peteĩ misionero” heta década aja6.
Jesucristo Tupaogua miembrokuéra, ymaguare ñande áraguáicha, okomparti kyre’ỹ ha vy’a reheve pe Evangelio iñangirũ ha opa oikuaáva ndive. Ikorasõnguéra hendy Jesucristo testimonio-gui ha oipota añete ambuekuéra avei oñandu upe vy’apavẽ ohupytyva’ekue hikuái pe Salvador evangelio-pe.
Oĩ tupaogua miembro-kuéra orekóvaicha peteĩ don upevarã. Ohayhu oiko evangelio embajador ramo. Py’aguasu ha vy’a reheve oservi ha omotenonde pe tembiapo miembro misionero ramo.
Ha katu, ambue ñande apytépe ñanepy’amirĩve. Oñeñe’ẽrõ obra misional rehe tupaogua reunión-kuérape, omboguejy iñakã omokañy peve banko atukupépe mitã yvatekue peve, hesakuéra oĩ escriturakuérape térã oñemoĩ peteĩ jepy’amongeta pypukúpe ani haĝua omaña ambue miembrokuéra resápe
¿Mba’ére piko upéva? Ikatu ñañeñanduvai ndajajapovéigui ñakomparti haĝua pe evangelio. Ikatu nañaiméi seguro mba’éichapa jajapova’erã upéva. Térã ikatu ñanepy’amirĩ ñasẽ haĝua ñane comodidad-gui.
Che antende upéva.
Ha katu penemandu’ake, Ñandejára araka’eve ndojeruréi esfuerzos misioneros iperfecto ha ndofalláiva. Upevére, “Ñandejára oikotevẽ peteĩ korasõ ha apytu’ũ ikere’ỹva7.”
Pejapomarõ hína obra misional vy’a reheve, por favor pekontinua, ha peñembo’y techapyrã ramo ambuekuérape ĝuarã. Ñandejára penderovasáta.
Upevére, peñandurõ pembotyryryha hína pende py ha’érõ pekomparti haĝua evangelio mensaje ¿Ikatúpa asugerimi cinco mba’e kulpa’ỹre oimera’ẽva ikatu ojapo oparticipa haĝua pe Salvador comisión tuichávape oñeipytyvõ haĝua Israel ñembyatýpe?
Cinco sugerencia isímpleva
Peteĩha, peñemo’aĝui Tupãre. Pe peteĩha mandamiento guasu ha’e Tupãme jehayhu8. Upéva ha’e razón principal ñaimeha ko yvýpe, Peñeporandu pendejupe: “¿Aguerovia piko añetehápe ñande Ru Yvagaguápe?”
“Ahayhu ha ajeroviá piko hese?“
Pene’aĝuiveháicha ñande Ru Yvagaguáre, Hesape ha Ivy’a omimbíta pendepype. Ambuekuéra ohechakuaáta oĩha peteĩ mba’e único ha especial pendepype. Ha oñeporandúta peẽme hese.
Mokõiha, pemyanyhẽ pene korasõ mborayhu ambuekuérare reheve. Péva ha’e mokõiha mandamiento tuichavéva9. Peñeha’ã añetehápe pema’e opavave pende jerérepe peteĩ Tupã ra’y térã rajy ramo Peministra chupekuéra – pepena’ỹe herakuérapa oĩ pende hermana térã hermano minstrante lista-pe.
Pepuka hendivekuéra. Pevy’a hendivekuéra. Penerasẽ hendivekuéra. Perrespeta chupekuéra. Pemonguera, pemopuã ha pemombarete chupekuéra.
Peñeha’ã pembojoja Cristo mborayhu ha peiporiahuvereko pende rapichakuérape – jepe umi ijargélva penendive, oñembohorýva ha ojapovaíva penderehe. Pehayhu ha petrata chupekuéra ñande Ru Yvagagua ra’ykuéraicha.
Mbohapyha, peñeha’ã peguata discipulado rape rehe. Ñande mborayhu Tupã ha Ita’yrakuérare oñembopypukuháicha, upéicha avei ñande kompromiso jasegui haĝua Jesucristo-pe.
Ñañemo’arandu Hapépe ñahedurõ Iñe’ẽ ha jajapysaka ha ja’aplikávo umi profeta ha apostol-kuéra moderno ñehekombo’e. Jakakuaa jerovia ha py’agusúpe jasegui haĝua Hape ñañe’ẽrõ ñande Ru Yvagagua ndive peteĩ korasõ oñehekombo’ekuaáva reheve.
Pe discipulado rapére jeguata oikotevẽ práctica – ára ha ára, pokã pokã, “gracia gracia rehe10”, “línea línea-rehe”11. Sapy’ánte mokõi paso tenonde gotyo ha peteĩ tapykue gotyo.
Iñimportantevéva ningo ha’e nañañeme’ẽiha. Jasegui ñañeha’ãvo jajapoporã haĝua. Ára ohasávo ñamehoravéta, javy’avéta ha ñane’añetevéta. Ñañe’ẽ ñande rapichakuéra ndive ñande jerovia rehe ha’éta normal ha natural. Añetehápe, pe evangelio ha’éta peteĩ parte esencial ha ijojaha’ỹva ñande rekovépe ndaha’emo’ãiha natural na ñañe’ẽirõ hese ambuekuéra ndive. Upéva ndoikomo’ãi sapy’ánte, ha’e peteĩ tekove pukukue ñeha’ã Ha katu oikóta.
Irundyha, pekomparti oĩva pene korasõme Ndajeruréi hína peẽme peñemboy haĝua peteĩ esquina-pe peteĩ parlante reheve ha pesapukái umi Mormón Kuatiañe’ẽ versículokuéra. Ajeruréva peẽme ha’e tapeheka meme oportunidad pehechauka haĝua pende jerovia umi pene ñemongeta natural ha normal-pe hentekuéra ndive, taha’e tovaképe térã línea-pe. Ajerure hína peẽme “peñemoĩ haĝua pe evangelio pu’aka testigo-icha12” opa ára, ha oñeikotevẽrõ, peipuru ñe’ẽnguéra13.
“Cristo evangelio… ha’e Tupã pu’aka salvasiorã”, upévare ikatu jajerovia, ñandepy’aguasu ha ñanemirĩ ñakompartívo14. Pe jerovia, py’aguasu ha mirĩ ikatu ojogua ha’eha atributo ojoavýva, ha katu ndaupéichai. Ohechauka pe Salvador invitación ani haĝua ñamokañy umi Evangelio valor ha principiokuéra peteĩ almud guýpe, ha katu jaheja tomimbi ñande resape, ikatuhaĝuáicha ohecha hikuái ñande rembiapo porã ha toglorifika ñande Ru Yvagaguápe15.
Oĩ heta normal ha natural laja ikatuháicha jajapo, ára ha ára mba’e porã jajapóva guive testimonio personal You Tube, Facebook, Instagram térã Twiter-pe jepeve, térã ñemongeta isensillova umi jaikuaáva ndive jepe. Ko año-pe ña’aprende hína Nuevo Testamento ñande rógape ha Escuela Dominical-pe. ¡Mba’e oportunidad porãite jaguerekóva ña’invita haĝua ñane angirũ ha vecino-kuérape tupaópe ha ñande rógape o’aprende haĝua pe Salvador-gui ñanendive! Pekomparti hendivekuéra pe aplicación Biblioteca Evangelio rehegua, otopakuaahápe Ven, Sigueme. Peikuaarõ umi mitãpyahúpe ha ifamiliakuérape, peme’ẽ chupekuéra pe folleto Para la fortaleza de la juventud ha pe’invita chupekuéra ou haĝua ha ohecha mba’éichapa ñane mitãpyahukuéra oñeha’ã ovivi haĝua umi pricipio he’iháicha.
Alguno oporandurõ peẽme pende fin de semana rehe, ani peduda peñe’ẽ haĝua pehasávare tupaópe. Peñe’ẽ mba’éichapa umi mitã michĩva oñembo’y pe congregación renondépe ha opurahéi kyre’ỹ mba’éichapa ha’ese hikuái Jesu-icha. Peñe’ẽ umi mitãpyahu rehe ome’ẽva’ekue itiempo oipytyvõ haĝua umi hente kakuaápe hogar de reposo-pe ombyaty haĝua umi historia personal. Peñe’ẽ kambio ramoite oikova’ekuére umi ñande reunión domincal-pe ha mba’éicha ohovasa pende familiakuérape. Pemombe’u mba’érepa ñamoĨ énfasis kóva ha’eha Jesucristo Tupao ha ñande ha’eha arapahapegua Santokuéra, umi tupao ymaguare oñehenoihaguéicha avei Santokuéra.
Oimeháicha ha’éva peẽme ĝuarã natural ha normal, pekomparti hentekuéra ndive mba’érepa Jesucristo ha Itupao iñimportanteiterei peẽme ĝuarã. Pe’invita chupekuéra “ou ha ohecha haĝua.“16 Upéi pemokyre’ỹ’chupekuera ou ha oipytyvõ haĝua. Oĩ heta oportunidad hentekuéra oipytyvõ haĝua ñande tupao activida-kuérape.
Ani peñembo’e misionerokuera otopa haĝuante umi escogido-pe. Ha peñembo’e opa pene korasõ reheve pejuhu haĝua umi ou ha ohechátava, ou ha oipytyvõtava ha umi ou ha opytátavape. Penemandu’áke pemombe’u haĝua umi misionero de tiempo completo-pe pejapova hína. Ha’ekuera ha’e ángeles-cha, ¡listos oipytyvõ haĝua!
Pekomparti aja umi noveda porã, pejapo upeva mborayhu ha paciencia reheve. Ñañembojáramo hentekuéra rehe ñaha’arõvonte pya’e omondetaha peteĩ ao morotĩ ha ojeruréta ojebautiza haĝua pileta bautismal iñaĝuivévape, jajapo vai hína.
Ikatu alguno umi oúva ha ohecháva, araka’eve ndojoajúi tupao rehe; alguno katu ojoajúta aĝave. Upéva ha’e idecisión. Ha katu upéva nokambiái ñane mborayhu hesekuéra. Ha nokambiái ñane ñeha’ã kyre’ỹ ña’invita haĝua individuo ha familiakuérape ha ohecha, ou ha oipytyvõ haĝua ha ou ha opyta haĝua.
Quinto, pejerovia Ñandejárare oiko haĝua Imilagrokuéra. Pentende ndaha’eiha penerembiapo pekonverti hentekuérape. Upéva ha’e Espiritu Santo rembiapo. Pene rembiapo ha’e pekomparti oĩva pene korasõme ha pevivi pejeroviaháicha.
Upévare, ani peñedesanima alguno ndo’acepta pya’éirõ pe evangelio mensaje. Ndahaéi peteĩ fracaso personal.
Upéva ha’e peteĩ mba’e pe individuo ha ñande Ru Yvagagua apytépe.
Pene mba’e ha’e, pehayhu Tupã ha pende rapichápe
Peguerovia, pehayhu , pejapo.
Peseguívo ko tape, Tupã ojapóta milagrokuéra peẽ rupi ohovasa haĝua Ita’yrakuérape.
Ko’ã cinco sugerencia penepytyvõta pejapo haĝua umi Jesucristo discípulo ojapova’ekue ymaguare guive. Ijevangelio ha Itupao ha’e parte importante pende rekovépe ha mávapa peẽ ha mba’épa pejapo. Pe’invitaséta ambuekuérape ou, ohecha, ou ha oipytyvõ haĝua, ha Tupã ojapóta hembiapo oporosalváva, ha ha’ekuéra oúta ha opytáta.
Ha mba’eteko piko, hasýramo?
“Ha katu” ikatu peporandu, “mba’e piko oikóta ajapoparõ ko’ã mba’e ha hentekuéra orreaciona vaí? ¿Ha oñe’ẽvaíramo tupaóre? ¿Ha ndaha’esevéirõ che angirũ?
Heẽ, upéva ikatu oiko. Ymaguare guive, Jesucristo discipulokuéra oñemuña.17 Apóstol Pedro he’i: “Pevy’a [ñakompartiháicha] Cristo sufrimiento-kuéra”18 Umi Santo peteĩha ovy’a “oñekonsidera haguére digno osufri haĝua ñemotĩ Hérare”19
Avei, Ñandejára omba’apo mba’e ñemimby rupi. Ikatu pene ñembohovái ojoguáva Cristo ñembohováipe pe ñembotovépe omohu’ũ peteĩ korasõ atã.
Peteĩ Jesucristo apóstol-cha, porohovasa jerovia reheve ha’e haĝua peteĩ testimonio oikovéva umi Evangelio valor-gui, py’aguasu reheve pejehechakuaa haĝua Jesucristo Tupao Santokuéra arapahapegua miembro ramo Humilda reheve peipytyvõ haĝua Hembiapópe peteĩ techaukaha ramo pene mborayhu ñande Ru Yvagagua ha Ita’yrakuéra rehe.
Che angirũnguéra pohayhuetéva, pevy’áta peikuaávo peẽ ha’eha peteĩ parte iñimportanteitereíva pe Israel ñembyatýpe heta ára oñe’anunciamava’ekue , ombosako’ívo Cristo jeju “tuicha pu’aka ha gloria-pe; opaite umi ángel marangatukuéra ndive20”.
Ñande Ru Yvagagua pendekuaa. Ñandejára penderayhu! Tupã penderovasáta. Ha’e ojapoukákuri kóva ko tembiapo. Peẽ ikatu pejapo. ¡Opavave ikatu jajapo!
Upévagui atestifika Jesucristo rérape. Amén.