Ojehekávo kuaapy Espíritu rupive.

Elder Mathias Held rupive

Setenta-pegua

Ña’aprendeva’erã ñadiscerni añetegua ndaha’éi ménte racional rupi añónte, sino avei Espíritu ñe’ẽpu py’aguapy ha ivevýiva’asýva rupi.

Hermano ha hermana-kuéra pejehayhúva, Ñandejára he’i jey jey “taja[heka] kuaapy, estudio rupi avei fe rupive.”¹ Ikatu jarresivi tesape ha comprensión ndaha’éi ñane ménte razonamiento lógico rupivénte, sino avei, Espíritu Santo guía ha inspiración rupive.

Ko kuaapyve rehegua fuente, ndaha’éi akóinte oĩ va’ekue che rekovépe.

Che rembireko Irene ahayhuetéva ha che, roike tupaópe ojapo treinta y un áño, romenda ramóme. Mokõivéva roikokuri Colombia-pe ha sa’i mése romenda rire, che carrera rupive, roho roiko Alemania-pe. Oremitãiterei gueteri upéramo ha roreko tuicha esperanza ha expectativa; ha’ékuri peteĩ momento especialmente emocionante ha ivy’apavẽva oréve ğuarã.

Imágen – Ta’anga

Hermana ha élder Held

Aime aja concentrado che carrera-pe, Irene oñandu outataha oréve peteĩ mensaje yvágagui, oikuaa’ỹre mba’éicha ni araka’épa. Upévare, oñepyrữ oheja oike ore rógape opaichagua vendedore ambulante enciclopedia-gua, aspiradoras, kosína rehegua libro, electrodomésticos ha hetave, akóinte oha’arõvo upe mensaje úniko.

Peteĩ pyhare omombe’u chéve mokõi mitãkaria’y ijao hữva ohenoihague ore rokẽme ha ha’e oñandu porãha ohejava’erãha oike. He’i oñe’ẽseha chupe Tupãre, ha katu ojevýtante che avei aĩ jave ógape. Ikatu piko upéva upe mensaje oñeha’arõva?

Oñepyrữ orevisita ha, igía rupi, rolee Escritura-kuéra ha hesaka oréve pe Jesucristo importancia crucial orekóva ñande Salvador ha Redentor ramo. Pya’e rombyasy orekaraihague ore michĩ ramoguare , ndaha’eiva’ekue peteĩ pacto consciente. Ha katu, roñemongarai jey avei, he’ise ha’etaha miembro ko tupao pyahúpe, upévare, ñepyrữrã, tekotevẽ roikuaa opa mba’e hesegua.

Ha katu, mba’éichapa roikuaáta umi omombe’uva’ekue oréve misionero-kuéra Libro de Mormón-re, José Smith ha plan de salvación-re, añeteguápa? Néi, ro’entendékuri Ñandejára ñe’ẽ rupive, ikatuha “roikuaa hi’áre”.² Upéicha, peteĩ manera sistemática-pe, roñepyrữ ro’examina Tupao, rohekávo hi’a ore mentekuéra resáre heta akãngeta reheve. Mba’e rohecha? Néi, rohecha

Gente amigable ha feliz ha umi familia porãite o’entendéva ñaimeha destinado ñañandu hağua vy’a ko tekovépe ndaha’éi ñembyasy ha jehasa’asy añónte.
Peteĩ tupao ndorekóiva clero pagado sino peteĩ teĩ miembro-kuera o’aseptahápe asignacion ha responsabilidad.
Peteĩ tupao Jesucristo ha familia-kuéra oĩháme opa mba’e mbytépe, miembro-kuéra o’ajunahápe peteĩ jey mes-pe ha ha ome’ẽhápe oipytyvõ hağua imboriahu ha oikotevẽvape, opomokyre’ỹva jepokuaa resãime ğuarã, ñanembo’éva jaheja hağua umi ojapovaiva ñanderehe.

oñemoĩve

Oregusta omombareteha crecimiento personal, ñehekombo’e, mba’apo atã ha autosuficiencia.
Ro’aprende upe ijojoha’ỹva programa humanitario rehegua.
Avei ore’impacta umi conferencia general, purahéikuéra iporãitéva ha umi principio espiritual pypuku oñeme’ẽva upépe.

Rohechávo ko’ã mba’e, ndaikatúi rojuhu falla Tupaópe. Ñembohováipe katu, oregustaiterei opa mba’e rohecháva. Upeichavérõ jepe, ndaorekaraiséi gueteri roikuaapase raẽgui opa mba’e rojapo mboyve.

Ha katu, ore indecisión jepevére, Ñandejára oreprepara pacientemente, oremoldea ha oreipytyvõ hína rodescubri hağua ro’aprendeva’erãha romyesakã añeteguáva ndaha’éi ore mente racional rupi añónte sino avei pe Espíritu ñe’ẽ mbeguemi rupive, oñe’ẽva especialmente ñane korasõme.

Upe ñe’ẽpu ha sentimiento oúva upe rire, oĝuahẽkuri peteĩ pyhare, die mése ro’aprende rire pe Evangelio, rolee jave Mosíah 18-pe: “… ha peguerahase ojupe… pene mba’epohyikuéra… ha… pemoangapyhyse umi oikotevẽvape angapyhy… péva ha’éramo pene korasõ oipotáva, ¿mba’ére piko napeñemongaraimo’ai Ñandejára rérape?”³

Upe Libro de Mormón pasaje oike ore korasõ ha ore angapýpe, ha roñandu ha roikuaa sapy’a ndaiporiha mba’érepa nañañemongarairiva’erãha. Roñeme’ẽ en cuenta tembipotakuéra oje’eva’ekue umi versículo-pe ha’eha avei ore korasõkuéra rembipota ha umi mba’e ha’e añetehápe upe oñeimportáva. Iñimportanteve umi mba’e jeikuaapágui, roikuaáguima umi roikuaava’erã Akóinte roime confiado peteĩ Túva Yvagagua amoroso po guía-re ha roime seguro Ha’e oregiátaha gueteri.

Upémarõ, pe araitépe, romoĩ peteĩ fecha ore karai hağua, ¡ha pya’e orekarai, ipahápe!

Imágen – Ta’anga

Élder ha hermana Held ñemongarai.

Mba’e ro’aprende ko experiencia-gui?

Ñepyrurã, ro’aprende ikatuha rokonfiapa peteĩ Túva Yvagagua amoroso-re, oñeha’ã meméva oreipytyvõ, oiko hağua orehegui upe persona Ha’e oikuaáva ikatuha. Rokonfirma añeteha umi Iñe’ẽ, he’ívo: “ame’ẽta kuimba’ekuéra ra’ýpe línea por línea, precepto por precepto, sa’imi ko’ápe ha sa’imi upépe; ha tojehovasa umi ohendúva che precepto-kuéra… o’aprendétagui arandupy; umi orresivívagui, ame’ẽvétagui.”⁴

Ha mokõihápe, ro’aprende, oĩveha ore ménte racional-gui, ambue dimensión jahupyty hağua kuaapy ha ome’ẽkuaáva ñandéve orientación ha comprensión. Pe Espíritu Santo ñe’ẽpu mbegue ha ipy’aguapýva oñe’ẽva ñane korasõme ha avei ñane méntepe.

Chegusta ambojoja ko principio ñande kapasida visual rehe. Ñande Ru Yvagagua nome’ẽi ñandéve peteĩ tesánte, sino mokõi. Ikatu jahecha porã peteĩ tesárente, ha katu pe tesa mokõiha ome’ẽ ñandéve ambue perspectiva. Mokõive perspectiva ojoaju ramo ñane akãme, oguenohẽ peteĩ imagen tridimensional ñande jeréregui.

Upéicha avei, oñeme’ẽ ñandéve mokõi información fuente, ñande kapasida física ha espiritual-kuéra rupi. Ñane ménte oprodusi peteĩ percepción ñane sentido físico ha ñane razonamiento rupive. Ha katu, Espíritu Santo don rupive, Túva avei ome’ẽ ñandéve peteĩ perspectiva mokõiha,ha’éva pe iñimportantevéva ha añeteguáva, ou haguére Chuguiete voi. Upeichavérõ, umi Espíritu ñe’ẽmbegue, py’ỹi ivevyiete haguére, heta yvypóra ndohechakuaái conscientemente upe fuente adicional.

Umi mokõi perspectiva ojehe’ávo ñane ángape, peteĩ imagen completa ohechauka umi realidad mba’ekuéra ha’ehaichaite. Upéicha, Espíritu Santo perspectiva adicional rupive, oĩ umi “realidad”, ojehechaukágui ñane comprensión mental rupi añónte, ikatu ojehecha japu ramo térã ojavýva ramo. Penemandu’a Moroni ñe’ẽnguérare: “Espíritu Santo pu’aka rupive ikatúta peikuaa añetegua opa mba’e rehegua.”⁵

Che areko 31 áño Tupao miembro ramo, a’experimenta heta jey ñakonfia ramo ñane ménte racional-re ha ñanega térã ñamboyke pe comprensión espiritual ikatúva jarresivi Espíritu Santo ñe’ẽmbegue ha impresion-kuéra rupi, ha’e ñaimeramoguáicha jahasa ko tekovépe peteĩ tesa añórente. ha jepeve, metafóricamente oje’évo, añete oñeme’ẽ ñandéve mokõi tesa. Umi mokõive punto de vista combinación-nte ikatu ome’ẽ ñandéve peteĩ imagen añete ha oĩmbáva umi añeteguavágui ha opa umi ña’experimentávagui ñande rekovépe, upéicha avei, pe comprensión total ha ipypukúva ñane identidad ha propósito-re Túva Yvagagua oikovéva ra’ykuéra ramo.

Chemandu’a presidente Russell M Nelson ñanembo’ehgaue ojapo peteĩ áño he’ikuévo “umi ára oútavape, ndaikatumo’ãi jaikove espiritualmente Espíritu Santo influencia guiadora, orientadora, consoladora ha konstante’ỹ reheve. ”⁶

Oğuahẽ aikuaa kóva certeza absoluta reheve:

Jarekoha peteĩ Túva Yvagagua amoroso, ha opavave ñañemoĩ peteĩ ñe’ẽme jaju hağua ko yvy ári pe plan divino parte-icha.
Jesús ha’e upe Cristo; Ha’e oikove ha ha’e che Salvador ha Redentor.
José, peteĩ humilde mitãkuimba’e okaragua, oñehenói ha oiko chugui upe Profeta tuichaite omoñepyrữva ko, dispensación del cumplimiento de los tiempos, opa illáve, poder ha Tupã Santo Sacerdocio autoridad reheve.
Libro de Mormón ha’e Jesucristo testigo mokõiha ha umi familia-kuéra propósito ha’e topyta oñondive akoiete gua.
Ñandejára Jesucristo omboguata ko, Itaupao restaurada, ñande profeta rupive, presidente Russell M. Nelson ko árape.

Ko’ãva ha hetave añetegua porãitegui oiko bloque de construcción espiritual umi Tupã cheipytyvõvape oiko hağua chehegui. Ha aha’arõ kyre’ỹ umi hetave mbo’epy pyahu Ha’e oipotáva gueteri che, ha nde, jarresivi jahasa aja ko tekove porãitére ha “ña’aprende ...uvei ja’estudiávo ha avei fe rupive”.

Aikuaa ko’ã mba’e añeteguaha ha atestifika hesekuéra Jesucristo rérape, amén.