Pe Jesucristo evangelio añete, púro ha sencillo.
Jahayhu Tupãme ha jahayhu ñande rapichakuérape ha’e pe ñeministra fundamento doctrinal; aprendizaje oñemombytéva ogapýpe, oñemopyendáva tupaóre; Pe día de reposo adoración espiritual; ha pe obra de salvación.
Che hermano ha hermana-kuéra, hasy chéve arovia hağua ojapomaha 71 áño, 1948-pe, ahahague misionero ramo Inglaterra-pe ha ojapo 44 áño Bárbara ha che rogueraha hague ore familia Canadá-pe ha’e ramoguare che presidente Toronto Misión-pegua Canadá-pe. Aservi aja upépe abril 1976-pe, añehenói Primer Quórum de los Setenta-pe, ha aha’arõ’ỹre 1985-pe, añehenói Quórum de los Doce Apóstoles-pe. Iñambue umi che llamamiento ymaveguarévagui ogueraháva ipype rrelévokuéra oútava; che lieración Doce ñehenóigui, ndaha’éi opción iporãvéva ko momento-pe; añembo’e pe ára oğuahẽ hağua, ajapopa rire opa umi mba’e Ñandejára cherenoiva’ekue ajapo hağua.
Apensávo umi che 43 áño paha servicio-pe Autoridad General ramo ha privilegio ijojaha’ỹva arekova’ekue añangarekóvo ñande Ru Yvagagua ra’ykuérare opa mundopýpe, aikuaave Ha’e oipotaha opavave ita’yrakuéra, tojuhu py’aguapy, vy’a ha vy’apavẽ hekovépe.
Profeta Lehi ombo’e: “Kuimba’ekuéra [ha kuñanguéra] oikove, oguereko hağua vy’apavẽ.” 1 Oĩ heta mba’e ikatúvare py’aguapy, vy’a ha vy’apavẽ ojehekýi ñandehegui ko tekovépe, umia apytépe oike mboriahu, ñorairõguasu, umi desastre natural ha mbohovái ñaha’arõ’ỹva mba’apohápe, mba’asy ha relaciones familiares-pe.
Ikatu’ỹ ramo jepe ñakontrola heta umi mba’epohýi okáguio oguapýva ñande rekovére ko yvy ári, ñañeha’ã aja ha’e hağua Ñandejára Jesucristo fiel discípulo, ikatu jajuhu py’aguapy, vy’a ha vy’apavẽ umi problema mundano ojerepáramo jepe ñanderehe.
Peteĩva che ra’y he’i chéve peteĩ jey: “Papá, añeporandu ikatúnepa oğuahẽ ára ahupyty”. Ambohovái: “Opa mba’e ñande Ru Yvagagua ojeruréva ñandéve niko ha’e tajajapo porã opa ikatúva ára ha ára”. Hermano ha hermana-kuéra, pejapo porã ikatuháicha ára ha ára, ha peñeme’ẽ mboyve en cuenta, peikuaáta pende Ru Yvagagua pendekuaa ha penderayhuha. Ha peikuaávo,—añetete peikuaávo—, pende rekove oguerekóta peteĩ propósito ha sentido añete, ha penenerenyhẽta vy’a ha py’aguapýgui.
Salvador, ha’éva mundo resape, he’i: “Opa chegueroviáva, ndopytaiva’erã pytữmbýpe”. 2
“Péina ápe, Jesucristo ha’e pe téra oñeme’ẽva’ekue Túvare, ha ndaipóri ambue téra oñeme’ẽva ikatuha rupi [ñande] jajesalva;
Upévare, opavave kuimba’e [ha kuña] ojapyhyva’erã hi’arikuéra pe téra Túva ome’ẽva’ekue.” 3
Escritura-kuéra ñanembo’e Satana oguerahaseha yvyporakuérape pytữmbýpe. Iñeha’ã tuichavéva ha’e, ombogue Jesucristo ha ijevangelio resape ha añetegua. Lehi ombo’e haguéicha ita’yrakuérape, aña “ohekágui opa yvyporakuéra taheko’asy ha’éicha”. 4 Pe “Túva Yvagagua rembiapo ha … gloria” ha’e “ogueraha inmortalidad ha vida eterna [kuimba’e ha kuñánguérape]”, 5 pe Lucifer “rembiapo” ha’e ogueraha umi Túva ra’ykuéra miseria ha jehasa’asy opa’ỹvape. Pekádo ha transgresión omoypytữ Cristo resape ñande rekovépe. Upévare, ñande objetivo ha’eva’erã javy’ave Cristo resapére, oguerúva py’aguapy, vy’a ha vy’apavẽ.
Ko 18 mése ohasavakuépe, Ñandejára o’inspira Iproféta ha Apóstoles-kuérape o’implementa hağua ojoysýire umi ajuste porãite. Ha katu, ajepy’apy umi propósito espiritual oguerúva umi ajuste, okañý ramo ğuarã umi cambio ijeheguívape, emoción ryepýpe.
Joseph F. Smith he’i: “Ojerrestaura pe Jesucristo evangelio añete, púro ha sencillo. Ñaime responsable ñamantenévo yvy ári”. 6 He’ive pe evangelio añete, púro ha sencillo ha’eha pe “Cristo doctrina de salvación”. 7
Profeta José Smith ombo’e “Cristo expiación rupi ,opa humanidad ikatu ojesalva, umi Evangelio léi ha ordenanza-kuéra obediencia rupive”. 8
Umi Evangelio principio-kuéra ñepyrữ ha’e: fe Ñandejára Jesucristo-re, arrepentimiento, ñemongarai, Espíritu Santo don ha japyta fiel opaha peve. Iñermáno Hyrum ombo’e: “Pepredikave [ha hetave] jey: … pejuhúta ára ha ára ojerrevelavetaha concepto pyahukuéra ha tesapeve umíare. Peẽ ikatu peikuaave… ikatu hağuáicha hesakãve. Upéicha ikatu pejapo umi peẽ pembo’éva, tahesakãve [chupekuéra].” 9
Pe iporãveháicha jahecha umi Tupaogua propósito espiritual ha’e javivi umi Cristo añetegua ombo’évape, púro ha sencillo ha jajapo umi mokõi Salvador mandamiento tuichaite: “Rehayhúta Ñandejára nde Tupãme opa ne korasõ reheve. … Rehayhúta nde rapichápe nde rejehayhuháicha;” 10
Obediencia ko’ã mokõi mandamiento tuichaitépe, ome’ẽvéta ñandéve py’aguapy ha vy’a. Jahayhu ha jaservívo Ñandejárape ha jahayhu ha jaservívo ñande rapichápe, upéicha ñañanduvéta vy’apavẽ, noğuahẽiva jepi ñandéve.
Jahayhu Tupã ha ñande rapichápe ha’e umi cimientos doctrinales ministración rehegua; kuaapy oñemombytéva ogapýpe tupao mopyenda reheve; adoración espiritual día de reposo-pe; ha de la obra de salvación mokõive velo lado gotyo, Sociedad de Socorro ha cuórum de élderes apoyo reheve. Opa umía oñemopyenda umi mandamiento divino-pe, Jahayhu Tupãme ha jahayhu ñande rapichápe. Ikatu piko oĩ peteĩ mba’e ivásikovéva, fundamental ha isensillovéva kóvagui?
Javivi upe evangelio plan añete, púro ha sencillo ome’ẽvéta ñandéve tiempo javisita hağua umi viúda, viúdo, ityre’ỹva, ha’eñóva, hasýva ha imboriahúvape. Jajuhúta py’aguapy, vy’a ha vy’apavẽ tekovépe jaservívo Ñandejára ha ñande rapichakuérape.
Umi día de reposo ajuste-kuéra omombaretéva pe evangelio kuaapy oñemombytéva ogapýpe ha oñemopyendáva Tupaóre, ome’ẽ peteĩ oportunidad ñambopyahu hağua ñande espíritu ha ñande devoción Tupãme, ñande róga ryepy guie. Mba’e ikatu isensillo, básico ha ipypukuve upévagui? Hermano ha hermana-kuéra, ikatúpa pehecha Evangelio ñembo’e ha jeikuaa ñane familia-pe ha’eha peteĩ forma importante jajuhu hağua vy’a ha vy’apavẽ ñande rekovépe?
Salvador, he’i día de reposo-re: “añete, kóva ha’e upe ára oñeme’ẽ’akue ndéve repytu’u hağua ne rembiapokuéragui ha rerrendi nde devocion Altísimo-pe” 11 He’ive: “Nde gozo henyhẽ hağua … vy’a ha ñembo’e … [reheve] ko’ã mba’e [rejapova’erã] agradecimiento-re, korasõ ha semblante ovy’ávare… [ha] korasõ horýva ha tova ovy’áva reheve”. 12
Pehechakuaa umi ñe’ẽ kláve ko revelación-pe:vy’avy’apavẽacción de graciaskorasõ ovy’ávahorýva korasõ, ha peteĩ tova ovy’áva. Ha’ete chéve pe día de reposo observancia omoĩva’erãha pukavy ñande rovápe .
Oñaministrávo ijyvateve ha isantoveháicha, pehecháta mba’eichaitépa iñesencial jasaluda opavave oúvape ñane reunion-hápe Tupaópe, especialmente umi miembro pyahu ha ovisitávape. Opavave jadisfrutava’erãmo’ã japurahéivo himno-kuéra ha ñahendu porãvo umi oracion sacramental ñe’ẽ, peteĩ korasõ ha ménte abierto reheve.
Umi testimonio de fe ñane reunión de ayuno ha testimonio-hápe ojegueraha peteĩ obispado-pegua miembro-re, ome’ẽva testimonio mbykymi oñemombytéva plan de felicidad-pe ha evangelio añete, púro ha senciílo Cristo mba’évape. Opavave jasegiva’erã upe ejemplo. Tekotevẽ ñanemandu’a oĩha ambue tenda ikatuhápe ñamombe’u historia térã ñakomparti umi aventura de viaje. Ñamantenévo ñane testimonio sencillo ha oñemombytéva Cristo evangelio-pe, upéva ñanembopyahúta espiritualmente ñakompartikuévo ñane testimonio ojoapytépe.
Pe ministerio efectivo ojehecha porãve pe lénte enfokáda rupi, jahayhu Tupãme ha jahayhu ñane rapichakuérape. Isimpleveháicha, ñande ñaministra jahayhu haguére ñande Ru Yvagagua ha Ita’yrakuérape. Ñane ñeha’ã ministración-pe, oiko porãveta ñamantenévo ñane ministración simple. Umi vy’a tuichavéva ou umi mba’e isimplevévagui ko tekovépe, upévare ñañangarekova’erã ani ñapensa tekotevẽha ñamoĩve oimeraẽva umi ajuste jarresivi’akuépe, ñamongakuaa hağua fe ha testimonio mbarete umi Tupã ta’yrakuéra korasõme.
Ani ñakomplika umi mba’e reunion adicional, expectativa térã requisito-kuéra reheve. Pemante simple. Upe simplicidad-pe rejuhúta umi py’aguapy, vy’a ha vy’apavẽ ñañe’ẽva’ekuépe.
Heta áño aja, umi lider-kuéra propósito Tupaópe, he’iháicha pe Manual 2 tou umi resultado hesakã ha isímpleva.
“Lider-kuéra omokyre’ỹ peteĩ teĩ miembro-pe orresivi hağua umi ordenanza esencial sacerdocio-pegua, toñongatu konveniokuéra ogueraháva, ha tohupytykuaa exaltación ha vida eterna. …
“Kakuaáva: Pemokyre’ỹ peteĩ teĩ okakuaávape oĩ hağua digno orresivi hağua umi ordenanza-kuéra templo-pegua. Toñembo’e opavave kakuaávape toheka iñantepasadokuéra ha tojapo hesekuéra ordenanza vicaria templo-pe.
“Imitãva: peipytyvõ káda mitãrusúpe toñembosako’i orresivi hağua Sacerdocio de Melquisedec, orresivi hağua umi ordenanza-kuéra templo-pegua ha taha’e digno ojapo hağua peteĩ misión de tiempo completo. Peipytyvõ káda mitãkuñáme toñembosako’i oĩ hağua digna ojapo ha oñongatu hağua umi konvenio sagrado ha orresivi hağua umi ordenanza-kuéra templo-pegua. Toñemombarete imitãkuéravape oparticipa-vo umi actividades significativas-pe.
“Opavave miembro-kuéra: peipytyvõ umi líder del sacerdocio organizaciones auxiliares-gua, umi consejo de barrio, misionero de barrio ha de tiempo completo, ha miembro-kuérape tomba’apo ñepytyvõme oñeha’ã jojávo orreskata yvyporakuérape, omombarete umi familia ha tupao unidad-kuéra, tomongakuaa pe actividad sacerdocio-pe ha tombyaty Israel-pe conversión, retención, ha activación rupive. Pembo’e miembro-kuérape toprovee ijupe ha ifamiliakuérape ğuarã ha toipytyvõ imboriahu ha oikotevẽvape Ñandejára he’iháicha”. 13
Che servicioTupaópe che rovasa heta experiencia espiritual ijojaha’ỹva ha especial reheve. Aime testigo ramo Ñandejára oguerahaha Itupao ohupyty hağua ipropósito. Arresivíkuri guía divina ohasapáva che kapasida. Pe vy’a evangelio jevivi rehegua chéverõ ğuarã, oñemombyte upe Jesucristo evangelio doctrina añete, púro ha sencillo-pe.
Aservi lláve ha direccion guýpeseiprofeta ha tupaogua presidente-pe Spencer W. Kimball guie Russell M. Nelson peve. Atestifika peteĩ teĩ ha’ekuéra ha’ehague ha ha’e Tupã profeta oiporavova’ekue. Ñanembo’ékuri hikuái umi principio esencial Tupao ha Jesucristo evangelio ha doctrina rehegua. Presidente Nelson ogueraha tenonderã Ñandejára obra peteĩ ritmo impresionante-pe. ¡Ha’e “impresionante” ha’énte haguére umi hermano apytépe, itujavéva chehegui, ha hasy chéve araha hağua irritmo! Aime testigo ramo umi lláve sacerdocio-pegua ha Tupã profeta mánto oĩha hi’ári. Presidente Nelson ombo’e pe Jesucristo evangelio añete, púro ha sencillo. Jesús ha’e upe Cristo, ha kóva ha’e Itupao, upe atestifikávagui Jesucristo rérape, amén.