Jarrespetávo ñane promesa ha konveniokuéra
Po’invita pekonsidera hağua umi promesa ha konveniokuéra pejapóva Ñandejára ha ambuekuéra ndive, tuicha integridad reheve, peikuaávo pene ñe’ẽ ha’eha pene vínculo.
Hermano ha hermana-kuéra pejehayhuetéva, oñembotývo ko sesión, peteĩ teĩ ñande tajaguereko ñane korasõme umi testimonio oñeme’ẽ’akue ko árape, Jesucristo evangelio añeteguágui. Ñaime tovasapýpe jarekóvo ko tiempo sagrado oñondive, ñamombarete hağua ñane promesa Ñandejára Jesucristo-pe, ñande ha’eha Isiervo ha Ha’e ñande Salvador.
Pe importancia orekóva jajapo ha ñakumpli promesa ha konveniokuéra ipohýi ñane akãme. Mba’éicha pevépa iñimportante peẽme pekumpli pene ñe’ẽ? tojejerovia penderehe? tapejapo umi pejéva pejapotaha? peñeha’ã pe’onrra ikonvenio sagrado-kuéra? tapeguereko integrida? Jaikóvo fiel umi ñane promesa jajapova’ekue Ñandejára ha ambuekuérape, jaipykúi upe konvénio rape jajevývo ñande Ru Yvagaguápe ha ñañandu imborayhu ñande rekovépe.
Ñande Salvador Jesucristo ha’e ñane ejemplo tuichavéva jajapo ha ñakumplívo ñane promesa ha konveniokuéra. Ha’e ou yvy ári oprometévo ojapo Túva oipotáva. Ombo’e Evangelio principio-kuéra ñe’ẽ ha hembiapópe. Ha’e o’expia ñande pekádo ikatu hağuáicha jaikove jey. Ha’e o’onrra peteĩ teĩ ipromesakuéra.
Ikatu piko oje’e upéicha peteĩ teĩva ñanderehe? Mba’épa umi peligro oĩva japorombotavý’ìmi ramo, jasyry’imíramo térã nañakumpliri ramo ñane compromiso-kuéra? Mba’e ojehu ñañemomombyry ramo ñane konveniokuéragui? Oúnepa ambuekuéra Cristo-pe ñane ejemplo resape rehe? Ha’épa pene ñe’ẽ pene vínculo? Promesakuéra ñekumpli peteĩ hábito; Ha’e peteĩ característica ha’eha Jesucristo discípulo.
Akóinte consciente umi ñanemokangývagui tekove mortal-pe, Ñandejára opromete: “Eguereko ánimo ha ani ekyhyje, che, Ñandejára, aimère nendive ha ro’apojáta.1 Añandu oimeha aikotevẽ jave consuelo, comprensión espiritual tuichavéva térã mbarete, ha aime ramo profundamente humillado ha che aime agradecido ikompañía divina-re.
Ñandejára he’íkuri: “Opa ánga ohejáva ipekadokuéra ha ou cherendápe, ha ohenói che réra, ha ohendu che ñe’ẽ, ha okumpli che mandamiento-kuéra, ohecháta che rova ha oikuáta che ha’eha”.2 Péva ikatu ha’e ipromesa paha.
Aikuaa che ñe’ẽ ñemantene importancia che juventu aja. Peteĩ ejemplo kóva rehegua ha’e añembo’ývo ha’e hağua upe juramento Scout. Ore asociación Boy Scouts America-guándi, opávo ko’áğa, akóinte ha’éta peteĩ legado importante chéve ha ko Tupaópe ğuarã. Organización Scouting-pe, umi decena kuimba’e ha kuñanguéra oservíva diligentemente líderes Scout ramo, umi sy (crédito añete oĩ upépe) ha umi jóvene opartisipava’ekue Movimiento Scout-pe, ha’e peẽme: “Gracias”.
Ko sesión-etépe, ñande profeta jahayhuetéva, presidente Russell M. Nelson ha élder Quentin L. Cook he’íkuri umi ajuste omoĩtava ñane atención umi imitãvare ha o’alineáta ñane organización-kuéra umi verdad revelada rehe. Avei, domingo ohasava’ekuépe, presidente Nelson ha presidente M.Russell Ballard omombe’u La Iglesia de Jesucristo de los Santos de los Últimos Días programa pyahu, opa mitã ha jóven-kuéra tupaoguápe ğuarã. Ha’e peteĩ iniciativa mundial oñenfokáva Ñandejára ha Salvador, Jesucristo-pe. Primera Presidencia ha Quórum de los Doce Apóstoles oñemopeteĩ ko dirección pyahu gotyo, ha personalmente ame’ẽ che testimonio Ñandejára ñandeguerahataha káda paso tapére. Aĩ emocionado umi mitã ha jóven-kuéra Iglesia de Jesucristo de los Santos de los Últimos Días-pegua to’experimenta upe enfoque integrado hógape tupaopeguáicha, evangelio aprendizaje servicio ha umi actividad-kuéra, ha upe desarrollo personal rupive.
Pe juventu téma áño oútavape, 2020, oñe’ẽ pe Nefi clásica promesa he’ívare “tojeho ha tojejapo” Ha’e ohai, “Ha ojehu che, Nefi, haʼe che rúpe: Aháta ha ajapóta umi mbaʼe Ñandejára heʼivaʼekue, aikuaágui Ñandejára nomeʼẽiha tembiapoukapy yvypóra raʼykuérape, ombosakoʼiʼỹre pe tape ikatu hag̃uáicha haʼekuéra ojapo umi mbaʼe haʼe heʼivaʼekue chupekuéra”3. Aretereíma oje’éramo jepe, ñande Tupaópe ñamantene upe promesa ko’ág̃a peve.
“Tojeho ha tojejapo” he’ise tojejupi opa múndo rape ári, tojerresivi ha tojejapo revelación personal he’iháicha, tojeiko kare’ỹme esperanza ha fe ára oútavare, tojejapo ha toñeñongatu konveniokuéra ojesegi hag̃ua Jesucristo-pe, ha péicha toñemongakuaa ñane mborayhu Hese, múndo Salvador.
Pe konvénio niko peteĩ promesa iñakã mokõiva oikóva ñande ha Ñandejára mbytépe. Tupao miembro-kuéraicha, ñemongaraípe jajapo konvénio jajapyhývo ñande ári Jesucristo réra, jaiko hağua Ha’e oikohaguéicha. Umi ikaraiva’ekuéicha Mormón ykuérape avei, jajapo konvénio ñañekonverti hağua ipuéblope, “peguerahase ojupe pene mba’epohyikuéra, ivevúi hağua;… “penerasẽseramo umi hasẽva ndive;… pemoangapyhyse umi oikotevẽvape angapyhy, ha ha’eséramo Tupã testigo opa ára ha opa mba’épe ha opa tenda peimehápe”.4 Ñane ministerio oñondive Tupaópe ohechauka ñane compromiso ña’onrrávo umi promesa.
Japartisipávo sacramento-pe, ñambopyahu jey upe konvénio jajapyhy hağua ñande ári Héra ha jajapove promesa adicional ñamehora hağua. Ñane pensamiento ha ñane rembiapo aragua, tuicháva ha michĩva, ohechauka ñane compromiso Hendie. Ipromesa sagrada ñemyengoviáramo ha’e: “Akóinte nemandu’aramo cherehe, reguerekóta che Espíritu oĩtava nendive”.5
Che porandu ko’ağagua ha’e: Ñakumplí ñane promesa ha konveniokuéra, térã, sapy’ánte, ha’e compromiso michĩ ikyre’ỹva, sapy’aguánte ha, upévare, ndahasýi oñekebranta hağua? Ja’évo peteĩme: “Añembo’éta nderehe”, añete piko? Ñañekomprometévo, “aĩta upépe aipytyvõ hağua”, jajapótapa? Jaje’obligávo japaga hağua peteĩ déuda, jajapo piko? Ñamopu’ãvo ñande po ñasostene hağua peteĩ ñane irŭme llamamiento pyahurã, he’iséva ñame’ẽ apoyo, jajapo piko?
Peteĩ ka’aru chemitãramoguare, che sy oguapy chendie hupa ypýpe ha oñe’ẽ kyre’ỹ chéve importancia oguerekóvare javivi Palabra de Sabiduría. “Aikuaa ambue experiencia-re, ojapo áño”, he’i “pe espiritualidad ha sensibilidad ñemokañy oúva ndojesegírigui Palabra de Sabiduría”. Omaña che resaitépe ha añandu iñe’ẽnguéra oikéramo che korasõme: “Epromete chéve, Ronnie, ko árape (cherenói Ronnie), akóinte rekumplitaha Palabra de Sabiduría”. Ajapo chupe upe promesa solemne ha akumpli opa ko’ã áño aja.
Pe compromiso oservi porã chéve aiméramo che juventud aja ha áño oúvape, aĩ jave umi círculos de negocios-pe sustancia-kuéra osyry reihápe. Ajapyhy raẽ pe decisión asegitaha umi Tupã leikuéra, ha araka’eve natekotevẽi ajapyhy jey. Ñandejára he’i: “Che, Ñandejára, aje’obliga pejapóvo che ha’éva; ha katu ndapejapóiramo che ha’éva, ndapeguerekói promesa”6. Mba’e he’i umi okumplívape Palabra de Sabiduría? Jarekotaha promesa tesãi, mbarete, arandu, kuaapy rehegua ha umi ángel-kuéra oñangarekótava ñanderehe7.
Ojapo áño, hermana Rasband ha che roikuri Lago Salado Témplope ojesella hağua peteĩva ore membykuña. Roñembo’y aja templo okárare peteĩ ore membykuña pahaguéndi, ndorekóiva gueteri eda oĩ hağua ceremonia-hápe, roñe’ẽ importancia oguerekóvare ñaime selládo Tupã templo sagrado-pe. Che sy chembo’e haguéicha áño ohasava’ekuépe, ro’e ore membykuñáme: “Roipota reime selláda forma segura-ramo témplope, ha roipota repromete oréve ága rejuhúramo ne compañero eterno, rejapotaha peteĩ cita hendie ojesella hağua témplope”. Ha’e ome’ẽ oréve iñe’ẽ.
Upe guie, odeklara pe ore ñemongeta ha ipromesa omo’ãhague ha omomandu’a chupe pe “iñimportantevéva”. Upe rire ojapo konvenio sagrado-véva ojesellávo iména ndive templo-pe.
Presidente Nelson ombo’ékuri: “Ñande… ñamongakuaa pe Salvador poder ñande rekovépe jajapóvo umi konvénio sagrado ha ñamantene porãvo konveniokuéra Ñane konveniokuéra ñaneñapytĩ Hese ha ome’ẽ ñandéve poder divino”.8
Ñakumplívo ñane promesa ojupe, ikatuvéta ñakumpli ñane promesa Ñandejárape. Penemandu’a Ñandejára he’iva’ekue: “pejapoháicha peteĩva ko’ã che ryvy michĩvéva rehe, cherehe pejapo”.”9
Pepensami chendie ko’ã Escritura promesa-kuéra ejemplo-re. Ammón ha Mosíah ra’ykuéra Libro de Mormón-pe oñekompromete “ombo’évo Tupã ñe’ẽ”.10 Ammón ojejagarrávo fuerza lamanita-kuérare ojegueraha, rréi lamanita Lamoni rovake. Oñekompromete rréi ndive: “Che ha’éta ne rembiguái”.11 Umi invasor-kuéra ou jave omonda rréi ovechakuéra, Ammón oikytĩ chuguikuéra ijyva. Pe rréi oñemondýi ohendu hağuáicha pe Ammón evangelio mensaje ha oñekonverti.
Ruth, Antiguo Testamento-pe, opromete isuégrape: “Rehohápe, che aháta”.12 Ha’e oiko fiel iñe’ẽme. Buen samaritano, ha’e peteĩ parábola Nuevo Testamento-gua, oprometéva posadero-pe oñangareko ramo pe viajero herido-re: “Opa mba’e regastáva, ajevy rire, amyengovia jeýta ndéve.”13 Zoram, Libro de Mormón-pe, opromete ohotaha desierto-pe Nefi ha iñermanokuéra ndive. Nefi omombe’u: “Zoram ojapóvo ijuramento,ore kyhyje chugui opa”14.
Mba’e oĩ pe promesa ymaguarégui “ojejapóva tuvakuérape” he’iháicha Escritura-kuérape umi “mitã korasõkuéra ojeretaha ituvakuérape”?15 Pe tekove yvy mboyvépe, jaiporavóvo upe Tupã , jajapo peteĩ promesa ñaipytyvo ñambyaty hağua Israel-pe mokõive vélo ládo gotyo. “Jaje’asosia Ñandejárandi”, élder John A. Widtsoe omyesakã ojapo áño. “Pe plan jejapo oñekonverti upe guie, ndaha’éi Túva ha Salvador rembiapo añónte, sino avei ñane rembiapo”.16
“[Pe] aty ha’e iñimportanteve ojejapóva ko’áğa ko yvy ári” he’i Presidente Nelson oviaha aja ko múndore. “Ñañemongetávo ñembyaty rehe ja’énte hína ko añetegua fundamental: peteĩ teĩ ñande Ru Yvagagua ra’ykuéra, mokõive vélo ládo gotyo, omerese ohendúvo Jesucristo evangelio restaurado mensaje.17
Ñandejára Jesucristo apóstol-cha, ambopaha peteĩ invitación ha promesa reheve. Ñepyrŭrã invitación: po’invita pekonsidera hağua umi promesa ha konveniokuéra pejapóva Ñandejárandi ha ambuekuéra ndive, tuicha integrida reheve, peikuaávo pene ñe’ẽ ha’eha pene vínculo. Mokõiha, apromete peẽme, pejapóvo ko’ãva, Ñandejára o’estableséta pene ñe’ẽ ha osancionáta pene rembiapokuéra, peñeha’ã aja diligencia ikane’õ’ỹvare pemongakuaa hağua pende rekove, pene familia ha pe Iglesia de Jesucristo de los Santos de los Últimos Días. Ha’e oĩta penendive, hermano ha hermana-kuéra pejehayhuetéva, ha peẽ ikatu, confianza reheve, peha’arõ “peñemoğuahẽ yvágape, ikatu hağuáicha [peẽ] peikove Tupã ndive peteĩ vy’a estádo opave’ỹvape… Tupã Ñandejára he’i haguére.18
Ko’ãvagui atestifika Jesucristo rérape. Amén.