Ñande fe ojeprova rire
Jasegívo Tupã ñe’ẽpu ha Ikonvénio rape, Ha’e ñanemombaretéta ñande prueba aja.
Che mitã ramoguare, Frank Talley, peteĩ miembro oñekuave’ẽ ogueraha hağua che familia-pe Puerto Rico guie Salt Lake City peve ikatu hağuáicha rojesella témplope, ha katu voiete oñepyrŭma umi obstaculo-kuéra Peteĩva che hermana, Marivid, hasyete. Jepy’apýpe, che sy ha che ru oñembo’e ojapótavare ha upeichavére, oñeñandu gueteri motivádo hikuái rojapo hağua upe viaje. Ojerovia hikuái osegíramo fielmente umi Ñandejára instruccion, ore familia oñeñangarekóta ha ojehovasataha, ha añetehápe rojehovasa.
Oñe’importa’ỹre umi obstáculo ñambohováiva tekovépe, ikatu jajerovia Jesucristo ombosako’itaha peteĩ tape jasegiva’erã, jaguata aja fe reheve. Tupã opromete opa umi ovivívape umi konvénio ojapova’ekue Hendie omoğuahẽtaha, itiémpope, opa umi Hovasapy oñepromete’akue. Élder Jeffrey R. Holland he’i: “Oĩ umi tovasapy oğuahẽ pya’évape, ambuekuéra katu hi’areve ha ambue ndojerresivíri oğuahẽ meve yvágape; ha katu umi o’aseptávape Jesucristo evangelio, akóinte oğuahẽta1.
Moroni o’explika “jerovia ha’eha umi mba’e oñeha’arõva ha ojehecha’ỹva; upévare, ani pejoavy ndapehecháigui, noñeme’ẽigui peẽme mba’eveichagua testimonio ndaha’éiramo pende jerovia ojeipy’ara’ã rire”.2
Ñane porandu ha’e: “Mba’e jajapova’erã ñakumpli porãve hağua umi prueba oñepresentávape?”
Umi ikoméntario público ñepyrŭme Tupaogua Presidente ramo, Presidente Russell M. Nelson ombo’e: “Presidencia pyahu ramo roñepyrŭse upe fin ore méntepe. Upévare, ko árape roñe’ẽ peẽme peteĩ témplo guie. Upe fin peteĩ teĩ ñande jaluchávare ha’e ñaime dotádo poder-gui Ñandejára rógape, selládo familia-háicha, fiel umi konvénio ojejapova’ekuépe peteĩ témplope ñandekalifikáva upe tuichave Tupã don-pe g̃uarã: tekove opave’ỹva. Umi ordenanza ha konveniokuéra témplope ojejapóva ha’e kláve pemombarete hag̃ua pende rekove, pene matrimonio ha pene familia, ha pende kapacida perresisti hag̃ua umi adversario atáke. Pende adoración témplope ha pende servicio upépe pene antepasado-kuérare penderovasáta tuichave revelación personal ha py’aguapy reheve ha omombaretéta pene kompromiso pepytávo upe konvenio rapére”.3
Jasegívo Tupã ñe’ẽpu ha Ikonvénio rape, Ha’e ñanemombaretéta ñande prueba aja.
Che familia viaje templo-pe ojapoma’akue áño hasýkuri, ha katu roñemoağuivo Lago Salado templo, Utah-pe, che sy, vy’a ha fe renyhẽ reheve, he’i: “Ñaime porãta; Ñandejára ñanemo’ãta ”. Roiméma selládo familia-icha ha che hermana okuera. Kóva ojehu che sy ha che ru fe ojeprova rire ha che rukuéra osegi rire ae umi Ñandejára indicacion.
Ko che rukuéra ejemplo o’influi gueteri ore rekovépe ko’áğa peve. Upe ejemplo orembo’e mba’érepa pe evangelio doctrina ha orepytyvõ rokomprende hağua pe significado, propósito ha tovasapy evangelio oguerúva. Jaikuaávo mba’érepa pe Jesucristo evangelio ikatu avei ñanepytyvõ ñambohováivo ñande prueba-kuéra fe reheve.
Ipahápe, opa umi Tupã ñane’invitáva ha omandáva jajapo hağua ha’e peteĩ imborayhu expresión ñanderehe ha ome’ẽseha ñandéve opa Hovasapy oñeñongatúva umi ifiel-pe ğuarã. Ndaikatúi ña’asumi ñane familia-kuéra ohayhukuaataha ijehegui pe Evangelio; Ha’e ñane responsabilidad tuvakuéraicha ñambo’e chupekuéra. Ñaipytyvõvo ñane familia-kuérape oipurukuaa hağua ijalbedrío, ñane ejemplo ijojáva ikatu o’inspira chupekuéra ojapyhy hağua umi idecision ijojáva. Pende rekove fiel oipytyvõta pene familia-kuérape oikuaa hağua ijehegui pe evangelio añetegua.
Kuimba’e ha kuña imitãva, pehendu pe profeta oñe’ẽva peẽme ko árape Peheka pe’aprende umi verdades divinas ha peñeha’ã peikuaa upe evangelio pendejehegui. Presidente Nelson ramoite o’akonseha: mba’e arandúpa peikotevẽ?... Pesegi pe profeta José ejemplo. Ejuhu peteĩ tenda ipy’aguapýva.… Eñemomirĩ Tupã renondépe. Eñohẽ ne korasõ nde Ru Yvagaguápe. Eho hendápe rejuhu hağua ñembohovái4 Pehekávo pehóvo pende Ru Yvagagua amoroso gía, pehendúvo umi profeta-kuéra oikovéva consejo ha pemañávo umi túva hekojojáva ejemplo, ikatu avei oiko pendehegui peteĩ vínculo de fe mbarete pene familia-pe ğuarã.
Umi tuvakuéra ohejava’ekue konvénio rape, pejevy jey mbeguekatu. Peipytyvõ chupekuéra oikuaa hağua umi evangelio añetegua. Peñepyrŭ ko’áğa; ndatardeitereíri gueteri.
Ñane rekojoja ejemplo ikatu ojapo peteĩ diferencia tuicháva. Presidente Russell M. Nelson he’íkuri: “Santos de los Últimos Días-cha, jajepokuaa ñapensávo upe tupaóre mba’e ojehúva ramo ñane centro de reunión ryepýpe, ojerrespaldáva umi ojehúvare óga pýpe. Ñaikotevẽ peteĩ ajuste ko patrón-pe. Órama toĩ peteĩ Tupao oñemombytéva ogapýpe ojerrespaldáva oikóvare umi ñande edificios de Rama, barrio ha estáka ryepýpe.”5
“Embo’e mitãme tape oguatava’erã: ha ituja rire jepeve, nosemo’ãi chugui.”6
Avei he’i: “Ha koʼág̃a, pe ñeʼẽ ñehekomboʼe oguereko haguére tuicha puʼaka ogueraha hag̃ua tavayguakuérape ojapo hag̃ua pe ijojáva—heẽ, oikeve kysepukúgui iñapytuʼũnguérape, térã oimeraẽ mbaʼe ojehuvaʼekue chupekuéragui—upévare Alma ohechaporã omoĩ hikuái pyʼaraʼãme pe Tupã ñeʼẽ puʼaka”7
Oñemombe’u peteĩ historia peteĩ kuñakarai ipochýva imemby ho´uetereígui asuka O’importa’ỹre mboýpa he’i chupe oheja hag̃ua, ha’e okontinua igústope he’ẽvare. Frustración reheve, oraha imemby ohecha hag̃ua peteĩ kuimba’e arandu ha’e orrespetávape.
Oñemboja respetuosamente upe líder tuichaitére ha he’i chupe: “Karai, che memby ho’ueterei he’ẽva. Ikatu piko eremi chupe ani hağua ho’uve?
Ohendu porã ha upéi he’i imembýpe: “Tereho nde rógape ha eju jey dos semana rire”.
Ha’e ojagarra imemby ha oho hógape, perpleja nde’íri haguére mitãme anive ho’ueterei he’ẽva.
Mokõi semana rire ou jey hikuái. Omaña porã mitãre ha he’i chupe: “Mita’i, rehejava’erã he’ẽva je’ueterei. Naiporãi tesãime ğuarã”.
Mitã omonei ha opromete ojapotaha.
Mitã sy oporandu chupe: “Mba’ére nde’eréi chupe upéva ojapo mokõi semána?”
Karai arandu opukavy. “Ojapo mokõi semána che voi ha’u gueteri heta he’ẽva”.
Ko karai oiko hetaite integrida reheve oikuaa peve pe consejo imbaretevetaha ha’e osegívo ipropio consejo.
Pe influencia jarekóva ñane familia-re imbareteve ha’ekuéra ñanderechávo jaguata konvénio rapére. Pe Mormón kuatiañe’ẽ profeta, Jacob, ha’e peteĩ ejemplo upe justicia-gui. Ita’ýra Enos o’escribi upe impacto orekóva umi itúva ñehekombo’e:
“Che, Enós, aikuaa che ru haʼeha peteĩ kuimbaʼe hekojojáva—haʼe chemboʼégui iñeʼẽme, ha avei chemongakuaa Ñandejára rekomboʼe ha ñemoñeʼẽme—ha tojehovasa che Tupã réra upévare—
“...ha umi ñeʼẽ ahendúmiva che ru oñeʼẽ pe tekove opaveʼỹva ha umi imarangatúva vyʼa rehe, oike pypuku che korasõme.”8
Umi guerrero imitãva sykuéra ovivíkuri pe evangelio, ha imembykuéra henyhẽ convicción-gui. Pe ilider omombe’u:
“Isykuéra omboʼevaʼekue chupekuéra ndodudáiramo hikuái, Tupã omosãsotaha chupekuéra.
Ha heʼijey chéve hikuái isykuéra ñeʼẽ, heʼívo: Ndorodudái ore sykuéra oikuaahague koʼãva.”9
Enos ha umi guerrero Lamanita imitãva oñemombarete ituvakuéra fe rupive, oipytyvõva chupekuéra ombohovái hağua umi ife prueba.
Jajehovasa Jesucristo evangelio restaurado-re ñande árape, ñanderupíva ñañedesanima jave térã ñaimérõ problema-pe. Ñaime seguro ñane ñeha’ã hi’ataha Ñandejára tiempo-pe ñañemotenondévo umi ñande fe prueba pa’ŭme.
Che rembireko ha che Presidencia de Área ndive, romoirŭ ramoite élder David A. Bednar-pe Haití Puerto Príncipe Témplo dedicación-hápe. Ore familia Jorge, oúva orendive, he’i iñexperiencia rehe: “Jarovia’ỹ hağuáicha, papá! Élder Bednar oñepyrŭmívo pe oración dedicatoria, añandu pe koty henyhẽ hakuvy ha tesapégui. Pe oración heta omoĩve che perspectiva-pe peteĩ templo propósito-re. Añete niko ha’e Ñandejára róga.
Mormón Kuatiañe’ẽme, Nefi ombo’e jaikuaasévo jahávo Tupã voluntad, Ha’e ñanemombaretéta. Ha’e ohai: “che, Nefi, chemitãiterei gueteri, jepe che rete yvate, ha avei aguereko tuicha jeikuaase Tupã mbaʼeñemimbýgui, upévare, che ajerureʼasy Ñandejárape; ha péina ápe haʼe ou cherendápe, ha omokyrỹi che korasõ ha che aguerovia opaite ñeʼẽ heʼivaʼekue che ru, upévare, che ndakaguaíri hese ojapo haguéicha che joykeʼykuéra.”10
Hermano ha hermana-kuéra, ñaipytyvõ ñane familia-kuérape ha opavave ñande jerereguápe osegívo pe Tupã Konvénio rape ikatu hağuáicha pe Espíritu ombo’e ha omohu’ŭ pene korasõ pesegise hağua chupe pende rekove pukukue.
Akonsiderávo che rukuéra ejemplo, añeme’ẽ en cuenta ñande fe Ñandejára Jesucristo-re ohechaukáta ñandéve tape ñandeguerahátava ñande róga yvagaguápe Aikuaa umi milagro ouha ñande jerovia ojeprova rire.
Ame’ẽ testimonio Jesucristo ha Isacrificio expiatorio-gui. Che aikuaa ha’eha ñande Salvador ha Redentor. Ha’e ha ñande Ru Yvagagua ou pe pyhareve, primavera 1820 ramo, mitãrusu José Smith-pe, upe Restauración profeta. Presidente Russell M. Nelson ha’e upe profeta ñande aragua. Jesucristo rérape, Amén.