Manatu mo afiafi faaleaiga

O nei manatu e mafai ona faaaogaina mo le aoao atu i le potuaoga faapea foi i le aiga.

“O Auala e Saunia ai e Avea ma se Faifeautalai Lelei,” i. 10: A o lumanai [le lesona], ia filifili se fesili se tasi mai le tala mo tagata taitoatasi o le aiga. Fai atu ia i latou e suesueina le tali a Elder Ballard ia latou fesili ma ia saunia e aoao atu le tali i le aiga. Molimau atu i le olioli tele e maua mai le auauna atu o se faifeautalai i le Alii.

“Pe ana Ou Iloaina i lo’u 19 … ” i. 38: Faasoa atu fautuaga e fa mo faifeautalai, ma talanoaina mataupu faavae o loo aafia ai. Fai ni faatinoga o auala e mafai ona faaaogaina ai nei fautuaga i totonu o aoga, galuega, po o isi vaega o le olaga. Valaaulia tagata taitoatasi o le aiga e faatuina se sini e faaaoga ai se tasi o fautuaga mo se vaiaso ma lipoti mai ni taunuuga.

“O Iesu Keriso, o le Areto o le Ola,” i. 41: Faaali atu ni tusitusiga paia ma se papa falaoa. Fesili atu, “E faapefea ona aumaia e nei mea taitasi le malosiaga?” Faitau vaega mulimuli e lua o le tusitusiga. Molimau atu o le mana o Iesu Keriso na te fafagaina i tatou faaleagaga.

“Taulima o Faauooga,” i. U8: Faitau le tala. Ona faatutu lea o tagata o le aiga i se lio ma uu lima. Ta’u atu ia i latou a oomi loa o latou lima ona oomi lemu lea o le lima o le tagata o loo i o latou itu taumatau. Faamalamalama atu o le oomiina o le lima e faatusa lea i galuega agalelei. Ia valaaulia tagata o le aiga ina ia agalelei i taimi uma ma faasolo atu galuega agalelei i isi.

“Uo Faifeautalai,” i. U14: Fai atu i tamaiti e faamatala mai se taimi sa latou auai ai i le Peraimeri i se isi uarota po o se paranesi. O a ni o latou lagona [na i ai]? O a ni mea na mafai ona latou faia e fesoasoani ai i isi ina ia maua ni lagona lelei pe a asiasi atu i la latou Peraimeri? Ia fai ni pine mo faifeautalai laiti e faia i le taimi o le afiafi faaleaiga o se faamanatu ina ia agalelei ma faauo atu i taimi uma.