Molimau Faapitoa

Faatoa ou mauaina lava le meaalofa o le Agaga Paia. E mafai faapefea ona ou lagonaina le uunaiga a le Agaga i lo’u olaga?

O Peresitene Boyd K. Packer, Sui Peresitene o le Korama a Aposetolo e Toasefululua, o loo faasoa mai ona manatu i lenei mataupu.

• O le leo o le Agaga o se leo itiiti ma le filemu—o se leo e lagonaina nai lo le faalogoina. O se leo faaleagaga e sau i le mafaufau e pei o se manatu e tuu i totonu o lou fatu.

• O le tatalo o se vaega sili ona taua o faaaliga a aunoa ma le tatalo e te le mauaina ni faaaliga. Aoao e tatalo. Ia tatalo e le aunoa. Tatalo i lou mafaufau, i lou loto.

• O lenei leo o le Agaga e tautala lemu, e musuia oe i le mea e ao ona fai pe tautala atu ai, pe na te lapataia pe fautuaina foi oe.

• E faigofie ona oo mai musumusuga i nofoaga filemu.

• O lenei taitaiga e oo mai o ni mafaufauga, o ni lagona, e ala i lagona loloto ma musumusuga.

• Afai tatou te mulimuli i musumusuga a le Agaga, o le a tatou saogalemu, e tusa lava poo a tulaga o le lumanai.

• O le a faaalia ia i tatou le mea e tatau ona tatou faia.

Mai le “O Laulaufaiva e Peiseai o le Afi ua Vaevaeina, Liahona, Iulai 2000, 7, 9; “Faaaliga Faaletagata Lava Ia: O Le Meaalofa, o le Tofotofoga, ma le Folafolaga,” Liahona, Iuni 1997, 8, 10; “O Le Faaaloalo na te Valaaulia Faaaliga,” Liahona, Ian. 1992, 24; “Faaaliga i le Lalolagi Fesuisuiai,” Liahona, Ian. 1990, 14.