Taumafai ia Faapei o Iesu
Mama FMT i le Ofisa o le Puleaoga
I se tasi aso i le aoga a o lei valu o’u tausaga, na latou asiasia ai o matou lima ma atigilima e vaai pe ua mama, ma na vaai ai le puleaoga i la’u mama FMT. Ina ua uma ona siaki e le puleaoga le matou laina, na toe foi mai o ia ia te a’u ma fai mai, “Repeka, sau ta o i le ofisa o le puleaoga.” Ona ia fai atu lea i le faiaoga, “E mafai ona ou aveina Repeka mo sina taimi?”
I lona ofisa, na ia fesili mai ai po o le a le uiga o le mama. Na ou fai atu, “Filifili mea tonu.” Na ou faamalamalama atu, o le lotu latou te aoaoina ai i matou e fai mea lelei, tatalo, ma faitau tusitusiga paia. Na fesili mai po o le a le lotu ou te auai, ma na ou fai atu, “O Le Ekalesia a Iesu Keriso o le Au Paia o Aso e Gata Ai.” Ona ia fesili mai lea ia te a’u po o le a le mea e faatatau i ai lena ekalesia, ma na ou faamatala atu ia te ia e uiga ia Iosefa Samita i lona alu ai i le togavao e tatalo ai ma vaai ai i le Tama ma le Alo. Na ou faamatala atu ia te ia e uiga i le o atu i le malumalu e faamauina ai i o’u matua ma o le a ou papatiso pe a valu o’u tausaga. Na ia fai mai, “E mafai ona e faamatalaina atili mai ia te a’u i se taimi mulimuli aua e tatau ona e alu i lau vasega o le numera i le taimi nei.”
Mulimuli ane na ou aveina atu i le puleaoga se kopi o le Tusi a Mamona faatasi ai ma la’u molimau i totonu.
E i ai sa’u sini e avea ma faifeautalai pe a ou matua. Ae i le taimi lenei o loo ou taumafai e faasoa atu le talalelei i a’u uo.
Rebeca F., 12 tausaga, Kuatemala