Faatamaoaigaina o le Aiga, Auaiga, ma le Tagata Lava Ia i le Lalolagi Atoa
O se nofoaga “lea e tuufaatasia ai loto ma lima i se siosiomaga saogalemu, e malolo ai, ma le fiafia” o le auala lea ua faamatalaina ai e Bonnie D. Parkin, o le peresitene aoao o le Aualofa, le lotu faatamaoaigaina o le aiga, auaiga, ma le tagata lava ia. O se nofoaga lea e mafai ai e tamaitai o vaitausaga uma ona faamalolosia o latou faatuatua ia Iesu Keriso ma aoao ai tomai o le avea ma matua ma le tausiaiga. O se taimi lea e mafai ai e uso ona fegalegaleai, aoao, ma faagaeetia.
Talu mai Ianuari 2006, ina ua faaaogaina le taiala fou mo le faatamaoaigaina o le aiga, auaiga, ma le tagata lava ia, ua amata ai ona malamalama uso o le Aualofa i le lalolagi atoa i le tulaga e mafai ona oo i ai lenei polokalama.
Lotu Faatamaoaigaina
Nai lo lotu faalemasina, o lotu faatamaoaigaina o le aiga, auaiga, ma le tagata lava ia mo uso uma e faafa ona faia i le tausaga. O se tasi o ia lotu e faamanatu ai le faatulagaina o le Aualofa i le aso 17 Mati 1842. E faaopoopo atu i lotu a uarota ma paranesi, e faia e le Aualofa a le siteki po o le itu, ia lotu faatamaoaigaina e tasi pe lua i le tausaga. O se tasi o ia lotu faatamaoaigaina e faia ia o gatasi ma le faasalalauga faaletausaga o le sauniga aoao a le Aualofa ia Setema.
Gaoioiga Faatamaoaigaina
O le Aualofa a le uarota po o le paranesi e faia foi gaoioiga masani mo vaega o uso e tutusa mea e fiafia i ai. O le faia faapea, e tali atu ai taitai o le Aualofa i manaoga ma moomooga o uso e iloa ai gaoioiga e fai.