Dalhin sa Tahanan ang Turo sa Primary

Ang Mundo ay Nilikha para sa mga Anak ng Ama sa Langit

Magagamit ninyo ang aralin at aktibidad na ito para matutuhan pa ang iba tungkol sa tema ng Primary sa buwang ito.

“Wow!” sabi ni Ana. “Tingnan ninyo, ang daming bituin.” Lahat ng miyembro ng pamilya ni Ana na nagsisiga ay tumingala. Parang milyun-milyon ang mga bituin sa madilim na kalangitan.

“Isipin ninyo,” sabi ni Inay, “bawat isa sa mga bituing iyon ay likha ng Ama sa Langit.”

“Magbanggit nga ang bawat isa sa atin ng isa sa mga paborito nating bagay na nilikha ng Ama sa Langit para sa atin,” mungkahi ni Itay.

“Alam ko na,” mabilis na sagot ni Daniel. “Gusto ko po ang malalaking alon na nakita natin sa karagatan noong isang taon.”

Hindi alam ni Ana kung ano ang pipiliin. Naisip niya ang mainit na araw, ang maliwanag na buwan, at ang mababangong bulaklak. At naalala niya kung gaano niya kagusto ang lahat ng uri ng malalambot at mabalahibong hayop. “Mga hayop!” sabi niya.

Nagsimulang ginawin si Ana, kaya’t kinumutan siya ni Itay. “Pagkatapos likhain ng Ama sa Langit ang lahat ng magagandang bagay na ito para sa Kanyang mga anak, nakita Niya na mabuti ang mga ito,” sabi ni Itay.

Maganda ang naging pakiramdam ni Ana. Hinatak niya ang kumot hanggang sa kanyang baba at tumingala sa mga bituin. “Salamat po, Ama sa Langit,” bulong niya.

Awitin at Banal na Kasulatan

• “Ako ay Mahal ng Ama sa Langit” (Aklat ng mga Awit Pambata, 16–17)

• Moises 2:3–27

Mga Ideya na Pag-uusapan ng Pamilya

• Maaari mong bigyan ang bawat miyembro ng pamilya ng isang supot at anyayahan ang pamilya na lumabas at mangolekta ng tatlong bagay na nilikha ng Ama sa Langit. O maaari kayong magdrowing ng mga larawan o gumawa ng listahan ng mga nilikha ng Ama sa Langit. Pagkatapos ay pag-usapan kung paano ipinakikita nito at ng iba pang nilikha ang pagmamahal sa atin ng Ama sa Langit.

• Puwede kayong magpalitan sa pagbabasa nang malakas ng mga talata sa banal na kasulatan tungkol sa bawat bituin at hanapin ang katugmang mga bituin.

Kalangitang Puno ng Pagpapala

Itugma ang bawat isa sa mga banal na kasulatan sa itaas sa isang larawan na nagpapakita ng isa sa mga nilikha ng Ama sa Langit. Kulayan ng iisang kulay ang magkatugmang pares ng larawan ng mga bituin at mga bituin sa banal na kasulatan.

Moises 2:3–5

Moises 2:6–8

Moises 2:9–10

Moises 2:11–13

Moises 2:14–19

Moises 2:20–23

Moises 2:24–25

Moises 2:26–27

Mga paglalarawan ni Bradley Clark