Vaai Faalemafaufau i le Eseta

E mafai ona e faaaogaina le gaoioiga lea e sauniuni ai mo le Eseta, o se taimi e manatua ai ma faamanatu le soifuaga o Iesu Keriso ma Lana Togiola. Otiese le ata i le itu tauagavale i ni fasi paso e pei ona makaina. Amata i se vaiaso a o lumanai le Eseta, filifili se fasi paso se tasi i aso taitasi. Sue po o fea e fetaui i ai i lalo ifo, ma fai le mea o loo tusi ai i lena avanoa a o lei faapipiia le fasipaso i lona nofoaga. A maea lau ata, ua tatau ona i ai i le Eseta!

Usu se pese o le Peraimeri o loo talanoa e uiga ia Iesu Keriso. E mafai faapefea ona e mulimuli i Lana faataitaiga i le aso?

Faitau faatasi ma se tasi o matua le Ioane 3:16–17 ma talanoa i lona uiga. E te iloa faapefea e alofa le Tama Faalelagi ia te oe?

Tatou te aai i le faamanatuga i vaiaso taitasi e manatua ai Iesu Keriso. O le a se mea e mafai ona e fai ia e matua migao ai lava i le taimi o le sauniga faamanatuga i le Aso Sa nei?

Faitau mea na tusia e Aposetolo soifua e uiga ia Iesu Keriso: “O Ia o le malamalama, o le ola, ma le faamoemoe o le lalolagi. O Lana ala o le ala lea e tau atu i le fiafia i lenei olaga ma le ola e faavavau i le lalolagi a sau” (“O Le Keriso Soifua: O Le Molimau a Aposetolo,” Liahona, Ape. 2000, 2–3).

Faitau le tala “Aua o Loo Soifua o Ia” i le itulau e 65. E mafai faapefea ona e faasoa atu se savali anoa o le Eseta i au uo?

Usu lau pese e te fiafia i ai o le Kerisimasi. O le a se mea e te manatua na e aoaoina e uiga i le soifua mai o Iesu Keriso?

Tusi se ata o le mau e te fiafia lava i ai o tala faatusi paia e uiga ia Iesu. E mafai ona e fesili i ou matua e fesoasoani atu a o e matamata i Vitio o Tala Faatusi Paia i le Soifuaga o Iesu Keriso i le biblevideos.lds.org e maua mai ai ni ou manatu.

Ata na tusia e Jim Madsen