I le Auala
O Le Mea na Lolomi ai le Tusi a Mamona
Sau ta o e vaili se nofoaga taua i le talafaasolopito o le Ekalesia!
I se aso o le taumafanafana i le 1829, sa savalivali atu ai Iosefa Samita i se falepiliki lanumumu i Palamaira, Niu Ioka, ISA, i le mea sa i ai se falelomitusi o Mr. Egbert B. Grandin. Faatoa uma lava ona faaliliuina e le Perofeta ia upu sa i luga o papatusi auro, ma sa manao o ia ia Mr. Grandin e lolomi ia uluai kopi e 5,000 o le Tusi a Mamona. E oo atu i le isi tautotogo, ua lolomi le tusi fou ma ua saunia e faitau ai tagata.
Luka S., valu tausaga, sa asiasi i le Fale o Grandin e aoao ai i le tala ofoofogia pe na faapefea ona lolomi le Tusi a Mamona i le 183 tausaga talu ai mai lenei masina.
O le masini lomitusi fou a Mr. Grandin sa mafai ona lolomi ai itulau e 16 i le taimi—e faaluaina le tele nai lo le mea sa i ai masini muamua.
O loo i ai i le potu lenei ni atafaatusa o masini sa faaaoga e lolomi ai le Tusi a Mamona.
O fata nei e faitau afe mataitusi metale laiti e i ai e ta’ua o mata. O mataitusi tetele e faaigoa o “fatāluga” aua e i fata pito i luga.
E tatau i le lomitusi ona tuu taitasi mataitusi i se meafaigaluega e igoa o lematasila o fatuga.
Sa faaaoga polo vaitusi e tuu ai le vaitusi i luga o mata.
Sa tautau i luga itulau ina ia mafai ai ona mago le vaitusi.
O itulau tetele, e faaigoa o taiala, e ave i le ‘aufusi. O iina e gaugau ai, tatipi i ni itulau laiti, ona su’i faatasi ai lea.
Sa manao Iosefa Samita i le Tusi a Mamona ia faavaa i le pa’umanu lamolemole anagata ma faailoga i mataitusi auro, e pei o le Tusi Paia.
Na muamua faatau atu le Tusi a Mamona i le aso 26 Mati, 1830. O kopi taitasi e $1.75 Tala Amerika. (E tusa lea ma le $24 Tala Amerika i le taimi nei.) O le tele o tagata na tatau ona faigaluega i aso e lua ina ia maua ai lena ituaiga tupe.
O le taimi nei, ua faitau fia afe kopi o le Tusi a Mamona ua lolomi i tausaga taitasi i gagana eseese e 85. Ua faaliliuina foi ni vaega o le tusi i nisi gagana e 23.
Ata na pueina e Brent Walton