Manatu mo Afiafi Faaleaiga

O lenei lomiga o loo aofia ai tusiga ma gaoioiga e mafai ona faaaoga mo afiafi faaleaiga. O ni faataitaiga nei se lua.

“E Pei o le Fafine Sarefata ua Oti Lana Tane: Le Vavega o Taulaga Anapogi,” itulau e 24: Mafaufau e faitau le tusiga lenei faatasi o se aiga ona suesueina lea o le tala i le fafine Sarefata ua oti lana tane i le 1 Tupu 17. Ona mafai lea ona e talia fesili nei: E faapefea ona faamanuiaina i tatou taitoatasi e le anapogi ma o se aiga? O ai e mafai ona faamanuiaina e a tatou taulaga anapogi? O a ni faamanuiaga atonu tatou te vaaia i o tatou aiga i le tuuina atu o se taulaga anapogi limafoai? E mafai ona outou talanoaina le ono tuuina atu o se taulaga anapogi e sili atu le limafoai po o isi auala e mafai ona outou fesoasoani ai i e matitiva ma lē tagolima o se aiga.

“Tagavai a le Taitaiau o Moronae,” itulau e 76: E mafai ona outou faitau e uiga i le taitaiau o Moronae i le tusiga lenei faatasi o se aiga. Ona mafai lea ona outou faitauina Alema 46:11–14 ma talanoa e uiga i le mea na faaosofia ai le Taitaiau o Moronae e puipuia lona nuu—“lo tatou Atua, ma la tatou tapuaiga, ma le saolotoga, ma lo tatou filemu, a tatou ava, ma a tatou fanau.” O mea lava ia e tasi o loo taua pea ma o loo i lalo o le osofaiga i le taimi nei. Mafaufau e fatuina la outou lava “tagavai o le saolotoga” a le aiga ma talanoaina ni auala e puipuia ai mea na e sili ona taua ia te outou.