Aisea e vave ai ona tuuina mai e le Atua ia i tatou lagona o le faamemelo e faatusatusa i le taimi o le olaga pe a talafeagai ai lefaaipoipoga?

O lagona o le tosina atu e moni, e le leaga mo i latou lava ma e iu lava ina auauna atu i se faamoemoega paia i le faaipoipoga. Ae aisea ua i ai nei lagona mo le tele o tausaga ae lei talafeagai lo tatou faatinoina?

Ia, o lenei olaga o se suega o le usiusitai, ma o le tulafono o le ola mama o se tasi o tulafono e sili ona taua ia usitaia. O le suega a faasolo ina faigata pe a mavae tausaga talavou, pe a tau mai e mone (o se aganuu e faatagaina) ia i tatou, “Alu, alu, alu i ai,” ae o le Malamalama o Keriso ma le Agaga Paia (faapea foi ma tusitusiga paia, perofeta, matua ma taitai) o loo ta’u mai ia i tatou, “Faatali, faatalitali, faatali.” A o tatou faalogo i le savali lona lua, ua tatou faamaonia ai lo tatou agavaa ma faaali atu lo tatou tulaga matutua ma le amio pulea, lea “o le faaaogaina lea e le aunoa o le saolotoga e filifili le sa’o aua e sa’o, e tusa lava pe faigata” (D. Todd Christofferson, “Amio Pulea,” Liahona, Nov. 2009, 105).

E pei o le tele o suega i le olaga, o le tasi lea e mafai ai ona tatou faamaonia lo tatou agavaa mo faamanuiaga e sili atu e oo mai—e aofia ai le faamauga i le malumalu mo le olaga nei ma le faavavau atoa.