Aisea e le tutupu ai vavega i le taimi nei e pei ona tutupu i le taimi o Keriso?

Jesus Christ

O vavega a le Faaola o ni “galuega paia” faapea foi ma le “vaega o le aoao atu paia” (Bible Dictionary, “Vavega”). O le faamalologa ma isi vavega o loo maua pea i le Ekalesia i le taimi nei, e ui ina e le masani ona maoae ma e le masani ona tautalagia faalauaitele aua o i latou o e oo i ai latou te taofimau i ai e paia. Atonu e te manao e tagai mo ni vavega i lou olaga po o olaga o tagata o lou aiga po o ou tuaa. E ui lava atonu tatou te mananao i vavega, e tatau ona tatou manatua e tali mai le Tama Faalelagi i Lana lava taimi ma i Lana lava ala.

O vavega o se vaega o le talalelei a Iesu Keriso. O se faailoga lea o loo i ai le faatuatua i le lalolagi (tagai i le Eteru 12:12), ma o i latou o se meaalofa a le Agaga (tagai i le MF&F 46:21).