O Le Eseesega e Faia e Aufono a Faiaoga
E alala le tusitala i Sikotilani.
O se manatu faaalia e tasi i se tasi o fonotaga a aufono a faiaoga na suia ai le tele o mea nai lo le ala ou te aoao atu ai.
O loo fesoasoani fonotaga a aufono a faiaoga ia Sandra Cattell (ogatotonu) e faaleleia ona tomai faafaiaoga.
E fai si ou matua, ina ua valaauina au e faiaoga i Tamatai Talavou, sa ou manatu, “Kafefe e! Pe aisea ua valaauina ai au?”
Ou te tuuina se taumafaiga tele i le saunia o lesona e talafeagai mo manaoga o tamaitai talavou, ma ou te faamoemoe o le a latou naunau e faasoa mai mea sa latou aoaoina ma mea na latou faia i ai i le aluga o le vaiaso. Ae e masani ona fetaui au fesili ma se le magagana.
I se tasi o uluai fonotaga a le aufono a faiaoga i la matou uarota, sa fai mai se tasi o faiaoga sa faigata foi mo ia le faatautala o le autalavou i taimi o lesona. Sa fai mai se isi faiaoga i le fonotaga, “E mafai ona e faatagaina le filemu.” O nisi taimi e manaomia e tagata sina taimi e mafaufau ai e uiga i se fesili ao lei tali mai.
O lena manatu sa faaalia i le fonotaga a aufono a faiaoga sa faia ai se eseesega e le gata i le ala sa ou aoao atu ai ae faapea foi mo au tagata aoga. Sa ou mafaufau tele i ai. I le isi a’u lesona a Tamaitai Talavou, sa ou fesili i le vasega po o le a le mataupu faavae o le talalelei lea sa latou faaaogaina i le aluga o le vaiaso. E pei lava o le mea masani, sa le magagana mai. Ae nai lo le fai mai o se tala i le le magagana, sa ou manatuaina la matou talanoaga i le aufono a faiaoga ma fai atu lemu, “E leai se mea e faatotope ai.”
O le taimi lava na ou fai atu ai lena tala, na amata ona tatala mai le talanoaga. Na amata ona tatala mai ia tamaitai talavou, ma sa latou faasoa maia nisi o aafiaga maaleale. Sa ou fia faafetai vave atu lava i le faiaoga lea na fai maia lena manatu faaalia faigofie i le fonotaga a le aufono a faiaoga e uiga i le le magagana. Sa ou ofo i le ala o le faataitaia o lena mataupu faavae e tasi lea sa faia ai se eseesega tele i se taimi vave lava.
Ae ou te lei iloaina sei vagana ai i se taimi mulimuli ane le eseesega na faia ai e lena ma isi mataupu faavae sa ou aoaoina. Ina ua uma le lotu sa tau mai ia te au e se tasi o tina o tamaitai talavou na fai atu lana tama teine na te iloa sa valaauina au e le Atua.
E leai ni upu e faamatala ai le taua o le faalogo i lena manatu ia te au. Sa ou mafaufau, “O le a se mea o ia te au e aoao ai nei tamaitai talavou?” Masalo sa ou aoao atu ia i latou se mea. Ua valaauina au mo se faamoemoega, ma o loo fesoasoani ia fonotaga a aufono a faiaoga ia te au e faataunuu lena faamoemoega.