Faamaoni i lo Latou Faatuatua

Sa faamatalaina e Peresitene Monson se tala e uiga i se aiga paionia ona sii mai lea o le saunoaga a Peresitene Siaosi Alapati Samita: “Pe o le a outou ola faamaoni i le faatuatua o o outou tuaa? … Taumafai ia agavaa mo osigataulaga uma ua [latou] faia mo outou.” Pe e i ai sou tuaa paionia po o oe o se tagata o le augatupulaga muamua o le Ekalesia, pe e te vaai i faataitaiga o le faatuatua mo le taitaiga ma le malosi? O se auala lelei lea e mafai ona e amata ai:

1. Fai se lisi o tagata e te faamemelo i ai. E mafai ona avea i latou o tagata o lou lava aiga (ua tuanai po o le taimi nei), uo, taitai o le Ekalesia, po o tagata i tusitusiga paia.

2. Tusi i lalo uiga auau mama o loo ia te i latou e te fiafia i ai. Pe o lou tina e onosai moni lava? Atonu o lau uo e agalelei i isi. Atonu e te fiafia i le lototele o le Taitaiau o Moronae.

3. Filifili se tasi o uiga lelei mai lau lisi ma fesili ia te oe lava, “E faapefea ona mafai ona ou maua lenei uiga auau mama? O le a le mea e manaomia ona ou faia e atiina ae ai lenei uiga i lo’u olaga?”

4. Tusi i lalo au fuafuaga mo le atiina ae o lenei uiga auau mama ma tuu i se mea e te vaai soo i ai, e faamanatu atu ai ia oe lau sini. Tatalo mo le fesoasoani a le Tama Faalelagi ma siaki soo lou alualu i luma. O le taimi lava e te lagona ai ua e atiina ae lelei lenei uiga auau mama, e mafai ona e filifili se isi uiga fou e galue i ai.

Manatua a o tatou atiina ae uiga taua maoae ia i tatou lava, tatou te faamamaluina e le gata o le faatuatua o o tatou tuaa ma a latou osigataulaga, ae e mafai foi ona avea i tatou ma faatosinaga mo le lelei ia i latou o siomia i tatou.