Michelle D. Craig

Unang Magtatambag, sa Kinatibuk-ang Kapangulohan sa Young Women

Sa dihang 16 anyos pa, si Sister Michelle D. Craig nakahibalo nga ang iyang pamilya mobalhin gikan sa Provo, Utah, USA, ngadto sa Harrisburg, Pennsylvania, USA, aron makasugod na ang iyang amahan sa usa ka tahas sa pagserbisyo isip usa ka presidente sa mission.

Malipayon siya nga makauban sa iyang pamilya, apan ang pagbalhin “gibati og pag-inusara” atol sa iyang mga tuig sa junior ug senior high school.

“Mao gayud kadto ang mga tuig nga makaimpluwensya,” miingon si Sister Craig. “Imbis magsalig sa mga higala, misalig ko sa akong pamilya ug sa akong pagpamatuod, ug ang simbahan ang nahimong nakahatag og tabang.” Iyang gihatagan og bili ang iyang relasyon sa Langitnong Amahan ug sa Manluluwas.

Si Michelle Daines Craig natawo niadtong Hulyo 13, 1963, sa Provo, Utah, ug ang kinamagulangan sa pito ka mga anak nga natawo ngadto nilang Janet Lundgren ug Robert Henry Daines III. Nagpuyo siya sa Provo hangtud ang iyang pamilya mibalhin ngadto sa Pennsylvania. Paglabay sa duha ka tuig, si Sister Craig mibalik ngadto sa Provo aron moeskwela sa Brigham Young University, diin nadawat niya ang bachelor’s degree sa edukasyon sa elementarya. Niadtong 1984 midawat siya og tawag sa pagserbisyo sa Dominican Republic sa Santo Domingo Mission.

“Ako sa kanunay usa gayud ka tumutuo,” miingon si Sister Craig, kinsa gipaluyohan isip ang Unang Magtatambag diha sa Kinatibuk-ang Kapangulohan sa Young Women niadtong Marso 31, 2018. “Sukad pa sa kabatan-on, nakahibalo ko nga ako anak sa Dios. Apan nakahinumdom ko [sa akong misyon] nga sa matag higayon nga mopamatuod ko ni Propeta Joseph Smith, mabati nako ang Espiritu. Aduna koy maanindot nga kumpirmasyon nga nakapalig-on sa akong pagpamatuod.”

Pila lang gyud ka adlaw human sa iyang pag-uli, ang igsoong lalaki ni Sister Craig misulti kaniya nga kinahanglan siyang makig-date ni Boyd Craig, usa ka higala gikan sa iyang misyon. Paglabay sa walo ka bulan ang duha nahimo nang sinayuran. Naminyo sila niadtong Disyembre 19, 1986, didto sa Templo sa Salt Lake. Mga ginikanan sila sa tulo ka mga anak, ug sila adunay unom ka mga apo.

Nakaserbisyo siya sa daghang mga calling, lakip sa pagka temple ordinance worker didto sa Templo sa Provo Utah. ug isip magtutudlo sa Doktrina sa Ebanghelyo. Sa dihang natawag siya ngadto sa Kinatibuk-ang Kapangulohan sa Young Women, nagserbisyo siya diha sa general board sa Primary.