Pito ka Bag-ong Templo Gipahibalo

Ang mga templo tukuron sa Salta, Argentina, Bengaluro, India; Managua, Nicaragua; Cagayan de Oro, Philippines, Layton, Utah, USA; Richmond, Virginia, USA; ug sa usa ka dakong siyudad nga wala pa matino dinha sa Russia, maoy pahibalo ni Presidente Russell M. Nelson dapit sa katapusan sa Dominggo sa hapon nga sesyon sa kinatibuk-ang komperensya.

Sa wala pa ang komperensya, ang Unang Kapangulohan mipahibalo nga ang Templo sa Roma Italya ipahinungod sa Domingo, Marso 10, 2019, hangtud sa Dominggo, Marso 17, 2019. Mipagawas usab ang Simbahan og nindot kaayong hulagway [artistic rendering] sa Bangkok Thailand Temple.

Niadtong Oktubre 2017, gihimo ang ground breaking alang sa Port-au-Prince Haiti Temple; ang Meridian Idaho Temple gipahinungod niadtong Nobyembre 2017; ug ang Cedar City Utah (USA) Temple gipahinungod niadtong Disyembre 2017.

Duha ka templo ang ipahinungod og usab sa dili madugay: ang Houston Texas Temple sa Dominggo, Abril 22, 2018, human sa gihimong mga pag-ayo tungod sa mga baha; ug ang Jordan River Utah Temple sa Dominggo, Mayo 20, 2018, human sa gihimong mga pag-usab. Ug duha ka dugang pa nga mga templo ang ipahinungod sa dili madugay niining tuiga: ang Concepción Chile Temple sa Dominggo, Oktubre 28, 2018; ug ang Barranquilla Colombia Temple sa Dominggo, Disyembre 9, 2018.

Ang Hamilton New Zealand Temple isarado inig ka Hulyo 2018 alang sa dako nga pag-usab ug ipahinungod kini pag-usab inig ka 2021.

Adunay kasamtangan nga 159 ka magamit nga templo sa tibuok kalibutan, nga 30 ka templo ang gipahibalo o gipangtukod na.