Bag-ong mga Polisiya, Proseso, ug Produkto
Kabatan-onan ug ang buhat sa templo. Ang Unang Kapangulohan mipahibalo sa kausaban sa polisiya sa templo nga makahatag sa batan-ong mga lalaki ug batan-ong mga babaye og daghang mga oportunidad diha sa buhat sa templo ug motabang sa mga bata sa Primary nga mas makaandam nga makaserbisyo sa templo.
Paglikay, pagtino, ug pagresponde sa pagpang-abuso. Agig padayon nga paningkamot sa pagtambag sa mga lider kon unsaon sa paglikay, pagtino ug pagresponde ngadto sa pagpang-abuso, niadtong Marso 26, 2018, ang Unang Kapangulohan mipadala og sulat ug usa ka kapanguhaan nga dokumento ngadto sa mga lider sa Simbahan sa Estados Unidos ug Canada. Ang dokumento naglakip sa mga gi-update nga mga lagda alang sa paagi kon unsaon sa mga bishop ug mga presidente sa stake sa pagtambag sa mga biktima sa sekswal nga pagpang-abuso ug kon unsaon nila sa pagpahigayon ang mga interbyu sa mga miyembro sa Simbahan.
Mga Kausaban sa Young Women camp. Ang mga kausaban sa programa sa Young Women camp sa Simbahan, naglakip sa usa ka bag-ong giya sa camp nga i-release sa umaabut nga mga bulan, nga naglakip sa giwagtang nga certification ug paghatag og gibug-aton sa mga lider sa kabatan-onan.
Angay lang nga “magamit sa tanan” alang sa batan-ong mga babaye nga nagpuyo sa tanang mga dapit sa kalibutan, ang bag-ong Young Women Camp Guide sa kasamtangan anaa sa Iningles (ug sa katapusan sa 23 ka mga pinulongan) isip usa ka kapanguhaan sa kapangulohan sa Young Women, mga camp specialist, ug mga lider sa youth camp sa youngwomen.lds.org.
Mga pagsumiter og mga musika. Ang kasamtangang mga kausaban sa proseso sa pagsumiter og musika sa Simbahan karon gihimo nang mas dali ug gipasayon alang sa mga miyembro sa pagsumiter sa orihinal ug sagradong musika ngadto sa Simbahan. Ang Musika mahimong isumiter sa apps.lds.org/artcomp.
“How To” video channel. Ang Simbahan milunsad sa bag-ong channel sa YouTube nga gitawag og “How To” nga makahatag og yano, praktikal nga tabang alang sa mga hagit sa tinuod nga kinabuhi. Gitawag nga usa ka “one-stop channel alang sa pagkaplag sa tabang nga inyong gikinahanglan kon kamo nagkinahanglan niini,” ang channel sa kasamtangan adunay kapin sa 600 ka mga video nga gibahig ngadto sa siyam ka mga kategoriya, ang matag usa adunay daghang playlist sa mga video sa nagkadaiyang hilisgutan diha sa Iningles, adunay pipila nga ang sulod Spanish ug Portuguese. Susiha kini sa HowTo.lds.org.
Mga hubad sa kasulatan. Ang Simbahan mipahibalo sa proyekto sa paghubad alang sa dugang 34 ka mga pinulongan, lakip ang usa ka bag-ong proseso nga makatugot sa mga indibidwal sa pagtuon sa hinagpat nga mga porsyon sa mga hubad sa dili pa ang pagmantala sa katapusan nga mga paghubad, nagpasabut nga ang mga miyembro aduna nay access sa mga kasulatan diha sa ilang mga pinulongan.