Taimi ʻOkú ke Lotofoʻi Aí
ʻOku ʻi ai e ngaahi faingataʻa mo ha ngaahi lelei ʻi he moʻuí. Taimi ʻe niʻihi ʻi heʻetau faingataʻaʻiá, ʻoku tau fifili pe ko e hā ʻoku fai ʻe he ʻOtuá—ko e hā ʻoku tuku ai ʻe ha Tamai ʻofa ʻa e meʻá ni ke hokó? ʻE lava ke hoko e puputuʻu ko ʻení ke tau fehuʻi ai, “ʻOku tokanga fakataautaha moʻoni mai koā ʻa e ʻOtuá kiate au?”
ʻI he ngaahi tūkunga pehení, kuó u ʻilo e ʻaonga ʻo e ngaahi potufolofola ko ʻení:
-
Saame 8:4–5: “Ko e hā ʻa e tangatá ʻokú ke tokanga ai kiate iá? … He kuó ke ngaohi ia ke maʻulalo siʻi ʻi he kau ʻāngeló, pea kuó ke tatā ʻaki ia ʻa e nāunau mo e ongoongo lelei.”
-
Sione 10:14: Lolotonga e moʻui ʻa Sīsū ʻi he māmaní, naʻá Ne fakamatalaʻi Ia ko e “tauhi [sipi] lelei” mo toe pehē, “[ʻOku ou ʻilo ʻeku fanga sipí].”
-
Mōsese 1:39: Ko e taha ʻeni ‘o e ngaahi potufolofola ‘oku ou manako taha aí, ‘a ia naʻe fakahā ai ʻe he ʻEikí ʻEne taumuʻá ki he Palōfita ko Siosefa Sāmitá: “He vakai, ko ʻeku ngāué ʻeni mo hoku nāunaú—ke fakahoko ʻa e moʻui taʻe-faʻa-mate mo e moʻui taʻengata ʻa e tangatá”—ʻo fakamamafaʻi ai ʻEne tokanga mai kiate kitautolu ko e fakafoʻituituí.
-
Luke 7:11–16: ʻOku ʻikai ngata pē hono akoʻi kitautolu ʻi he fakamatala ko ʻení fekauʻaki mo e mālohi ʻo e Fakamoʻuí ki he maté—ko ha fakamanatu taimi totonu ʻi he faʻahitaʻu Toetuʻu ko ʻení—ka kiate au, ʻokú ne fakafofongaʻi ʻa e sīpinga lelei taha ʻo ʻEne tokaimaʻananga mai kiate kitautolu fakafoʻituituí. ʻI he ngaahi mana kotoa ʻa Sīsuú, ʻoku siʻisiʻi ha ngaahi mana ʻoku ongo fakaʻofa mo manavaʻofa ʻo hangē ko ʻEne ngāue fakaetauhi ki he uitou ʻo Neiní. Hangē ko ʻeku vahevahe ʻi heʻeku talanoá (vakai ki he peesi 12), ʻoku fakatātaaʻi ʻe he fakamatala ko ʻení e tokanga mo e ʻofa mai ʻa e Fakamoʻuí kiate kitautolu takitaha.
Keith Wilson
Tokoni Palōfesa ʻi he ʻUnivēsiti Pilikihami ʻIongí