Mālō eLelei mei ʻEsitōnia!
Ko Mako mo Paolo kimaua. ʻOkú ma fononga takai holo he māmaní he taʻú ni ke ako fekauʻaki mo e fānau ʻa e ʻOtuá. Kau mai ʻi heʻema ʻaʻahi ki ʻEsitōnia!
ʻOku tuʻu ʻa ʻEsitōnia ʻi he fakatokelau ʻo ʻIulopé. ʻOku laka hake ʻi ha ngaahi motu ʻe 2,000 nai. ʻOku nofo ha kakai ʻe meimei 1.3 miliona ʻi ʻEsitōnia.
Ko e faka-ʻEsitōnia ʻo e “mālo e leleí” ko e: Tere!Pea ko e faka-ʻEsitōnia ʻeni ʻo e hingoa ʻo e Siasí: Viimse Aja Pühade Jeesuse Kristuse Kirik
Ko Talini, ko e kolomuʻa ia ʻo ʻEsitōnia. Ko e taʻu ʻeni ʻe 800 ʻo e koló! ʻOku ʻi ai ha ngaahi vaotā ʻi ʻEsitōnia, hangē ko ha ʻulu ʻakau papa mo ha ngaahi ano vai. Ko hono moʻoní, ko e konga lahi ʻo ʻEsitōniá ko e vaotā. ʻOku manako ha kakai tokolahi ʻi ʻEsitōnia ke ʻeva ʻi natula.
Ko e hā e meʻa tokoni efiafi ʻi ʻEsitōniá? Mahalo pē ko e puaka pe ika mo e pateta, kāpisi, sour cream, mo e mā. ʻOku ui ia ko ha sanuisi ika (sprat).
ʻOkú ke manako he hiva ʻi he Palaimelí? ʻOku fakataha mai e kakai ʻo ʻEsitōniá ʻi he taʻu ʻe nima kotoa pē ke fakafiefiaʻi honau fonuá ʻi he hivá mo e hulohulá foki.
ʻOku ʻikai tokolahi e Siasí ʻi ʻEsitōnia ka ʻoku nau mālohi. ʻOku ʻi ai ha kau mēmipa ʻe toko tahaafe tupu ʻo e Siasí. ʻOku tuʻu ʻa e temipale ofi taha kiate kinautolú ʻi Helinisikī, Finilani.
Feʻiloaki mo ha ongo tamaiki fefine mei ʻEsitōnia!
ʻI ha pō ʻe taha ʻi he ʻamanaki ke u mohé, ne puli ʻeku kiʻi tamapua peá. Naʻá ku kumi ia ka naʻe ʻikai ke maʻu. Naʻá ku lotu. Naʻá ku maʻu e kiʻi tamapuá peá u mohe misi lelei.
Pianaka J., taʻu 7
ʻOku saiʻia homau fāmilí ʻi he ngāue tokoni ki he niʻihi kehé. ʻOku tokoniʻi kitautolu ʻe he ngāue tokoní ke tau ongoʻi e Laumālie Māʻoniʻoní, ʻa ia ʻokú ne ʻomi ha ongo māfana ʻo e nongá. ʻOku ou ngaohi mo hoku ngaahi tokouá ha ʻū meʻaʻofa maʻá e niʻihi kehé koeʻuhí ʻoku mau loto ke nau ongoʻi ʻoku ʻofaʻi kinautolu.
Pipe J., taʻu 10
Fakamālō atu ʻi hoʻo fie mamataʻi ʻa ʻEsitōnia mo kimauá. Tau toki sio!