Ngaahi Talanoa Mei he Folofolá
Ko e Talanoa ʻo e Toetuʻú
Naʻe ʻofa ʻa Sīsū ʻi Hono ngaahi kaungāmeʻá. Naʻá Ne fufulu honau vaʻé. Pea naʻá Ne ʻoange ʻa e sākalamēnití kiate kinautolu. Naʻá Ne folofola ange ke nau manatuʻi Ia. Naʻá Ne folofola ange ke nau feʻofaʻaki.
Hili iá, ne hāʻele ʻa Sīsū ki ha ngōue. Naʻá Ne lotua kitautolu kotoa. Naʻá Ne ongoʻi e mamahi ʻo hotau ngaahi mahaki fakaesinó. Naʻá Ne ongoʻi e mamahi ʻo ʻetau ngaahi angahalá.
Naʻe puke ʻe he kakai loto ʻitá ʻa Sīsū. Ne nau fakamamahiʻi Ia. Naʻá Ne pekia ʻi he kolosí maʻatautolu. Naʻe tuku ʻe Hono ngaahi kaungāmeʻá Hono sinó ki ha fonualoto.
Ne foki mai Hono ngaahi kaungāmeʻá, hili ha ʻaho ʻe tolu. Naʻe ʻikai ha taha ʻi he fonualotó. Ne fakahā ange ʻe he ongo ʻĀngeló, “Kuo toe tuʻu [Ia].” Ne toe moʻui ʻa Sīsū! Koeʻuhí ko Sīsū, te tau toe tuʻu kotoa hili ʻetau maté.
ʻOku ʻofa ʻa Sīsū ʻiate au. Te u lava ʻo ʻai e Toetuʻú ke makehe ʻi heʻeku manatuʻi Iá.