ʻI heʻeku hoko ko ha finemuí, ʻoku totonu nai ke nofo taha ʻeku tokangá ʻi he akó mo e ngāue maʻuʻanga moʻuí pe ko e hoko ko ha uaifi mo ha faʻeé?
ʻOku tau ʻilo “ko e familí ko e uho ia ʻo e palani ʻa e Fakamoʻuí” pea ko e “tefitoʻi fatongia ‘o e ngaahi faʻeé ke lehilehiʻi hake ‘enau fānaú.”1 ʻOku tau ʻilo foki, ʻi ha ngaahi ʻuhinga kehekehe, kuo faleʻi ʻe he kau palōfitá e kakai tangatá mo e fefiné fakatouʻosi ke nau ako.2 ʻIkai ngata aí, ʻoku tau ʻilo mo ha kakai fefine te nau fie maʻu pe loto ke tulifua ki he ngaahi taumuʻa ʻo e moʻuí.
Naʻe lea ʻa Palesiteni Tāleni H. ʻOakesi, Tokoni ʻUluaki ʻi he Kau Palesitenisī ʻUluakí, fekauʻaki mo e kakai fefiné ʻo pehē, ko ʻenau filí ʻoku ʻikai ʻi he vahaʻa ia ʻo e fāmilí pe akó mo e ngāué. Naʻá ne pehē “ʻOku tau fili e taimi totonu ki hono fai iá”. “Pea tau fekumi ki he ueʻi ʻa e ʻEikí mo e ngaahi akonaki ʻa ʻEne kau tamaioʻeikí ʻi hono fai iá.”3
Palani ke ke ako, mo palani ke ʻi ai haʻo fāmili. Te ke lava foki ʻo palani ke ke ngāue. ʻI he kotoa ʻo e ngaahi meʻá ni, ʻoku totonu ke nofo taha hoʻo tokangá ʻi he muimui ki he palani ʻa e Tamai Hēvaní mo fekumi ki Hono finangaló.