Konga Foʻou ʻa e Fānaú ʻi he Liahoná

ʻE kamata ʻi he 2019, ko e peesi ʻa e fānau ʻi he Liahona kuo liliu ki he founga lalahi ʻe tolu:

Ko e vahe makehe. ʻE lava leva ʻe he fānaú ke toe lelei ange ʻenau hū ki he ngaahi talanoa langaki tuí mo e ngaahi ʻekitivitī ʻi he ngaahi peesi ʻa e fānaú, ʻoku ui Ko e Kaumeʻá. ʻE hokohoko atu hono filifili ʻe he Liahoná ʻa e ngaahi talanoa maʻa é kakai lalahí, kakai lalahi kei talavoú mo e toʻu tupú.
Ngaahi peesi toe lahi ange. ʻOku ʻuhinga ʻa e hiki hake mei he peesi ʻe 14 ki he 24, ko e toe lahi ange ia ʻa e ngaahi talanoá, ʻekitivitií, mo e ngaahi fakakaukau ki hono akoʻi ʻo e fānaú ʻi ʻapi pea ʻi he Palaimelí. (ʻOku fenāpasi ʻa e ngaahi fakakaukau fakafaiakó mo e maʻuʻanga tokoni foʻou ko e Haʻu, ʻo Muimui ʻIate Au .)
Pepa foʻou Ko e pepa foʻoú ʻoku fakmānako ki he fānaú pea ʻoku faingofua ange ʻa hono kosi, valivaliʻi, pea ke tā fakatātā aí.

ʻE fakatahaʻi pē ʻa e totongi e Ko e Kaumeʻá mo e Liahoná ʻo ʻikai ha toe totongi tānaki atu pea fakafolau fakataha atu leva mo e makasiní. ʻI he taimí ni, ʻe ʻikai lava ke ʻota ʻa e Ko e Kaumeʻá ʻiate ia pē.

Ko e tokotaha kotoa pē kuó ne maʻu ʻa e Liahoná te nau lava ʻo tokoni ki hono ʻoange ki he fānaú ʻa e malava ke nau maʻu ʻa e Ko e Kaumeʻá. Ko kinautolu ʻoku ʻikai ke ʻi ai hanau fānau ʻi ʻapí ʻe lava ke nau ʻave ia ki hanau mokopuna, kaumeʻa pe kaungāʻapi pe taki Palaimeli, te ne lava ke ʻave ia ki ha kiʻi leka ʻi he uōtí pe koló.

Ke ʻota ha makasini pe ke ʻave ki ha taha ko ha meʻaʻofa, ʻalu ki he store.lds.org, fetuʻutaki ki hoʻo fale tufakiʻanga nāunau ofi tahá, pe talanoa ki hoʻo kalake ʻi he uōtí pe koló.

Tuku ke ʻilo ʻe he Liahoná ʻa e founga ʻokú ke ngāue ʻaki ʻa e Ko e Kaumeʻa foʻoú ʻi ʻapi pea ʻi he lotú ʻaki hoʻo ʻīmeili ki he liahona@ldschurch.org.