Kau ʻAposetolo ʻi he Funga ʻo e Māmaní
Ko e ʻAʻahi ʻa ʻEletā Petinā ki ʻInitiá
Naʻe ʻaʻahi atu ʻa ʻEletā Tēvita A. Petinā mo hono hoá, Sūsana Petinā, ke vahevahe ʻene fakamoʻoni kau kia Sīsū Kalaisí mo e kau mēmipa ʻo e Siasí ʻi ʻInitiá. ʻOku kau ʻa ʻInitia ʻi he taha ʻo e ngaahi fonua lalahi taha ʻi he māmaní. Pea he ʻikai fuoloa kuo fokotuʻu hono fuofua temipalé.
Naʻe ʻalu ʻa ʻEletā mo Sisitā Petinā ki he kolo ko Lahamanitalí. Ne teʻeki ʻaʻahi ki ai ha ʻAposetolo kimuʻa.
Ne lulululu e fānaú mo ʻEletā Petinā.
ʻI ha fakataha ʻi he kolo ko Haitelapetá, ne ʻeke ai ʻe he kiʻi taʻahine ko ʻení ha fehuʻi kia ʻEletā Petinā.
Ne fiefia e taha kotoa ke fanongo ki he fakamoʻoni ʻa e ʻAposetolo ʻo e ʻOtuá!
“Ko e lahi ange ʻeku fefolauʻaki ʻi he māmaní, mo e ngaahi fonua ʻoku ou ʻaʻahi ki aí, ko e tokolahi ange ia ʻa e kakai ʻoku tāpuekina au ke u ako meiate kinautolú, pea ko e lahi ange ia ʻeku ʻilo ʻoku tatau pē ʻa e kakai ʻi he feituʻu kotoa ʻo e māmaní.”
—ʻEletā Tēvita A. Petinā