Taʻu ʻe 200 ʻo e Māmá
ʻI ha ʻaho fakaʻofoʻofa ʻe taha, ʻi he taʻu ʻe 200 kuo hilí, naʻe ʻalu atu ai ha kiʻi talavou ki ha vao ʻakau ko e fakataumuʻa ke kole ha fakamolemole mo lotu pe ko e siasi fē ʻoku totonu ke ne kau ki aí. Naʻá ne ʻilo ai ʻi ha mata meʻa-hā-mai fakaofo, ʻoku ʻikai totonu ke ne kau ki ha taha ʻo e ngaahi siasí. Naʻe fakaʻilongaʻi leva ia ko e kamataʻanga ʻo hono Toe Fakafoki Mai ʻo e ongoongolelei ʻo Sīsū Kalaisí—ko ha ngāue kuo hokohoko atu ʻi hotau kuongá.
ʻI he makasini ko ʻení, ʻoku tau fakafiefiaʻi ai e taʻu ʻe 200 ʻo e māmá:
-
ʻOku akoʻi ʻe Palesiteni Lāsolo M. Nalesoni e founga ʻe lava ke teuteuʻi ai kitautolu mo e niʻihi kehé ʻe he tānaki ʻo ʻIsileli ʻi he fakatou tafaʻaki ʻo e veilí ki he Hāʻele ʻAnga Ua Mai ʻa e ʻEikí (peesi 6).
-
ʻOku fakahaaʻi ʻe ʻEletā Likalani R. Kētisi ko e Siʻí e founga kuo tokoni ai e Kāingalotu ʻo e Siasí ki he hokohoko atu hono Toe Fakafoki Mai ʻo e Ongoongoleleí—pea mo e founga te tau lava kotoa ai ʻo tokoní (peesi 18).
-
Ki he toʻu tupú, ʻoku vahevahe ʻe ʻEletā Niila L. ʻEnitaseni ha ngaahi moʻoni ʻe nima ʻe lava ke tau ako mei he ʻUluaki Mata Meʻa-Hā-Maí (peesi 52).
ʻI heʻetau ako mei he ngaahi lea ʻo ʻetau palōfitá pea mo e ngaahi talanoa ʻo e Kāingalotu faivelengá, fakatauange pē te tau maʻu ʻa e ʻilo tatau naʻe maʻu ʻe he Palōfita ko Siosefá ʻi he taʻu ʻe 200 kuo hilí: ko e Tamai Hēvaní mo Sīsū Kalaisi ʻokú Na moʻoni pea ʻokú Na moʻui pea ʻokú Na ʻofa ʻiate kitautolu. Pea tuku ke tau vahevahe atu ʻa e ʻilo ko iá ki hotau ngaahi kaungāmeʻá mo e kaungāʻapí.
Fakaʻapaʻapa atu,
ʻEletā Lenitī D. Fanga ʻo e Kau Fitungofulú
ʻĒtita ʻo e ʻŪ Makasini ʻa e Siasí