Konifelenisi Lahi ʻi he Ngaahi Taʻu Kuo Hilí

Ko e taʻu ʻaki eni ʻe 190 ʻo e konifelenisi lahí, pea kuo hoko ia ko ha tukufakaholo ʻi he ʻEpeleli mo e ʻOkatopa ʻo e taʻu kotoa pē, ka kuo ʻi ai ha ngaahi liliu mālie ʻi he ngaahi taʻu kuo maliu atú:

1830

Hili ha māhina ʻe ua mei hono fokotuʻu ʻo e Siasí, naʻe tokangaʻi ʻe Siosefa ʻa e fuofua konifelenisi lahí ʻi Feieti, Niu ʻIoke. Naʻe meimei ko ha kau mēmipa ʻe toko 30 nai mo ha niʻihi kehe pē ne nau kau ki aí.
1850

Naʻe pulusi ʻe he Deseret News [Ongoongo Teseletí] ʻa e fuofua lipooti kakato ʻo e konifelenisí koeʻuhí naʻe lava ʻe ha failipooti kei talavou ko Siaosi D. Uati ʻo hiki fakanounou e ngaahi leá.
1867

Naʻe aʻu e konifelenisi lahí ʻo ʻaho ʻe fā hono lōloá kae ʻikai ko e ʻaho ʻe tolu angamahení koeʻuhí ne fili e haʻofangá ke nau toe nofo ʻi ha foʻi ʻaho makehe ʻe taha.
1924

Ne fuofua fakaʻaongaʻi ai ʻa e maiká ʻi he tuʻunga malangá ʻi he Tāpanekalé. Kimuʻá, ne fakafalala pē e niʻihi ne leá ki he mālohi honau ngaahi leʻó ke ongona ai kinautolú.
1949

ʻI hono fakaʻaongaʻi ʻo e ʻū meʻafaitaá ʻi he Tāpanekalé, ko e fuofua fakamafola ia ʻo e konifelenisí ʻi he televīsoné.
1962

Ko hono fuofua liliu ia ʻo e ngaahi malangá ki he ngaahi lea fakafonua kehé—Siamane, Hōlani, mo Sipeini—ʻi he Tāpanekalé. ʻI he ʻahó ni kuo liliu ʻa e ngaahi lea ʻi he ngaahi lea fakafonuá ʻo laka ange ia ʻi he lea kehekehe ʻe 90!ʻʻ
1967

Naʻe fakamafola ʻa e konifelenisi lahí ʻi he televīsoné ʻi he lanu totonú. Naʻe tui ʻe he houʻeiki tangata ʻo e Kuaea Tāpanekalé ha ʻū kote lanu pulū maama, pea tui ʻe he houʻeiki fafiné ha sote lanu pingikī maama.
1977

ʻI hono liliu e konifelenisi lahí mei he ʻaho ʻe tolu mo ha ngaahi fakatahaʻanga lahi ʻe onó, naʻe ʻaho ua pē ʻa e konifelenisí mo ha ngaahi fakatahaʻanga lahi ʻe nima.
2000

Naʻe fuofua fakahoko ai ʻa e konifelenisi lahí ʻi he Senitā Konifelenisi foʻou ʻi Sōleki Sití, ʻo nofoʻi ʻe ha kakai ʻe toko 21,000.

Tā fakatātā ʻo e tuʻunga malangá ʻe David Green ʻATA ʻO E TELEVĪSONÉ MEI HE