Mei he Kau Palesitenisī ʻUluakí
Ko e Tokoni ki hono Toe Fakafoki Mai ʻo e Ongoongoleleí
Toʻo mei he “ʻAmanakiʻanga ʻo ʻIsilelí” (fakataha lotu fakaemāmanilahi ʻa e toʻu tupú, 3 ʻo Sune, 2018), 19, HopeOfIsrael.ChurchofJesusChrist.org.
ʻI he 1820, naʻe hā ʻa e Tamai Hēvaní mo Sīsū Kalaisi kia Siosefa Sāmita. Naʻe folofola e Tamai Hēvaní, “Ko Hoku ʻAlo ʻOfaʻangá ʻeni. Fanongo kiate Ia!” Naʻe kamata ʻa hono Toe Fakafoki Mai ʻo e ongoongoleleí ʻi he ʻaho ko iá ʻi he taʻu ʻe 200 kuo hilí. ʻOku kei hokohoko atu pē ia ʻi he ʻahó ni!
ʻE toe hāʻele mai ʻa Sīsū Kalaisi ki he māmaní ʻi ha ʻaho. Ko ha ngaahi founga ʻeni ʻe fā te ke lava ai ʻo tokoni ki hono Toe Fakafoki Mai ʻo e Ongoongoleleí mo teuteu ki he taimi ʻe toe liuaki mai ai ʻa Sīsuú:
-
Fakatupulaki hoʻo tui kia Sīsū Kalaisí.
-
Fekumi ki hoʻo fāmilí pea tokoni ke fakahoko e ngāue fakatemipalé maʻanautolu.
-
Teuteu ke ʻalu ki he temipalé.
-
Tokoni ki he kakaí ke nau ako fekauʻaki mo Sīsū Kalaisi mo Hono Siasí.
ʻI hoʻo fai ʻa e ngaahi meʻá ni, ʻe tokoni ia ke teuteuʻi e māmaní ki he ʻaho fakaofo ʻe toe hāʻele mai ai ʻa Sīsuú! ●
ʻŪ tā fakatātā ʻa Katie McDee