Ko e Temipalé mo Koe
Kimuʻa pea fakafoki mai e Siasí, naʻe tui e kakaí kapau ʻe mate ha taha ʻi honau fāmilí ʻoku teʻeki papitaiso, he ʻikai ke nau toe sio kiate kinautolu. Ka koeʻuhí ko hono Toe Fakafoki Mai ʻo e Ongoongoleleí, te tau lava ʻo papitaiso maʻanautolu ʻi he temipalé. ʻE lava ke silaʻi fakataha kitautolu ki he taʻengatá!
Hangē ko Siosefa Sāmitá, kuo fili foki mo koe ʻe he Tamai Hēvaní ke ke fakahoko ha ngāue mahuʻinga ʻi hoʻo moʻuí. ʻE lava ke fakahoko ha konga ʻo e ngāue ko iá ʻi he temipalé. Te ke lava ʻo tānaki ha ngaahi hingoa ʻo hoʻo ngaahi kui ne ʻikai ke papitaiso ʻi heʻenau kei moʻui he māmaní. Hili iá, ko hoʻo maʻu pē ha lekomeni temipalé, te ke lava ʻo ʻalu ki he temipalé ʻo papitaiso maʻanautolu.
ʻI hoʻo fai ʻa e ngāue ko ʻení, lotu ki he Tamai Hēvaní ke Ne tataki koe. ʻE lava foki ke tokoniʻi koe ʻe hoʻo ngaahi kuí. He toki tāpuaki mahuʻinga mo toputapu moʻoni ʻeni kiate koe pea mo kinautolu!
Mahalo ʻe ʻi ai hamou niʻihi he ʻikai ke mou lava ʻo fakahoko e ngāue fakatemipalé he taimí ni, ka te ke lava ʻo fai ia ʻi ha aho. Manatuʻi maʻu pē ko e fānau koe ʻa e ʻOtuá. ʻOkú Ne ʻofa haohaoa ʻiate koe.
Fakafanongo ki he ngaahi ueʻi ʻa e Laumālie Māʻoniʻoní pea teuteu ke ke ʻalu ki he temipalé ʻi ha ʻaho. ʻI hoʻo fai ʻení, ʻe tokoni ia ke ke langa ha moʻui fiefia maʻau pea mo hoʻo ngaahi fāmili ʻi he kuohilí, lolotongá mo e kahaʻú. ʻI hoʻo fai e ngāue ʻa e ʻEikí, te Ne tokoniʻi koe. Ko e taha koe ʻo ʻEne ngaahi laumālie loto-toʻá. ●
Tā fakatātaaʻi ʻe Jared Matthews