Siʻi Ngaahi Mātuʻa,

Dear Parents

ʻI he pongipongia ʻo e faʻahitaʻu failau ʻo e 1820, naʻe lotu pea mamata ai ʻa Siosefa Sāmita ki he Tamai Hēvaní mo Sīsū Kalaisi. ʻOku talanoa e makasini ko ʻení fekauʻaki mo e taimi makehe ko iá. Ko ha ʻū laʻipeesi ʻeni ʻe niʻihi te ke lava ʻo fekumi ki ai:

• Ko ha talanoa fakatātā fekauʻaki mo e founga ʻoku hoko ai e Siasi ne Toe Fakafoki Maí ko ha konga ʻo e palani ʻa e ʻOtuá (K4–10).

• ʻOku fakamatala ʻa Palesiteni Nalesoni fekauʻaki mo e founga te tau lava ai ʻo tokoni ki hono Toe Fakafoki Mai ʻo e Ongoongoleleí (K2).

• ʻOku akoʻi ʻe ha foʻi hiva foʻou fekauʻaki mo e ʻUluaki Mata Meʻa-Hā-Maí (K16–17).

• ʻOku akoʻi ʻe ha foʻi talanoa ʻa e founga ʻe lava ke tāpuekina ai ʻetau ngaahi fāmilí ʻi hono Toe Fakafoki Mai ʻo e Ongoongoleleí (K20–21).

ʻIkai ʻoku fakaofo ʻa ʻetau lava ʻo kau ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní Tau vahevahe mo e māmaní ha ngaahi ongoongo lelei fekauʻaki mo Sīsū mo Hono Siasí!

Maʻu ha Toetuʻu Fiefia,

Ko e Kaumeʻá

Founga ke ʻOatu Ai e Tā Valivali pe Aʻusia Hoʻo Kiʻi Tamá ki he Liahoná

ʻAlu ki he liahona.ChurchofJesusChrist.org pea lomiʻi ʻi he “Submit an Article or Feedback.” Pe ʻīmeili mai ia kiate kimautolu ki he [e-mail] fakataha mo e hingoa ʻo e fānaú, taʻu motuʻá, kolo ʻoku nofo aí, mo e fakamatala fakangofua ko ʻení: “Ko au, [fakahū ho hingoá], ʻoku ou fakangofua e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ke fakaʻaongaʻi e ngāue ʻeku fānaú ʻi he ʻū makasini ʻa e Siasí, ʻi he ʻū uepisaití mo e mītia fakasōsialé, pea lava ke kau ʻi he ngaahi naunau kehe ʻa e Siasí.” ‘Oku ʻikai ke mau faʻa tatali ke fanongo meiate koe!

© 2020 by Intellectual Reserve, Inc. Maʻu ʻa e totonu fakalao kotoa pē

Kumi e Liahona ʻoku fufuuʻi ʻi lotó!

On the Friend Cover

Illustration by Apryl Stott