BWEBWENATO KO AN IJO JOKWE IE
Juon Likao in Fiji ej Jipan̄ Ruwamejet ro Ejorāān Wa ko Waer ilo Tōrerein Iaļ eo
“Men̄e ilo iien ko reppen jej diplo̧ki, menin . . . ej kōm̧m̧an bwe in ettōn̄dikik.”
Api Tuitubou ekar etal ilo iaļ eo an ļo̧k n̄an m̧weeo im̧ōn ro jinen im jemān epaake Suva, Fiji ke eaar lo juon wa, juon wa āinļo̧k wōt wa eo waan, ekar jorrāān iturin iaļ eo. Api, juon membōr in Kabun̄ eo an Jisōs Kraist im Armej ro Rekwojarjar ilo Raan Ko Āliktata, ekar bōjrak im kar kajjitōk ippān rijerbal ro ta jorrāān eo.
Kōn an wōr juon bar baat ilo m̧weeo im̧ōn jinen im jemān jejjo̧ em̧ epaake, eaar jino jerbale wa eo waer, ak tokālik eaar lo bwe jorrān eo ekar pen jidik jān ta eo me ekar ļōmņake jinoin. Enaaj aikuj kōm̧m̧an jān juon rimekkānōk.
Tuitubou eaar jeļā bwe ro m̧ōttan rekāāl rekar kōjerbal wa eo jān juon nukuier im kar etal ettoļo̧k jān jikin eo ilo weto eo aer etan in Ra n̄an wia kake kein ikkan ko aer ilo juon jikin wia kake ilo Suva. Kōnke eaikuj jeniji baat eo, eaar ļōmņak bwe en leļo̧k n̄an er im kar karōk bwe juon eo ekapeel ļo̧k en kōm̧m̧ane wa eo waer.
“Ālkin ļōmņake ewi ettoļo̧k in aer kar ettōr im wūjlepļo̧k ko raar kōm̧m̧ane n̄an bōktok kein ikkan ko aer n̄an jikin wia kake eo,” Tuitubou ekar ba, “Ikar baj ļōmņak wōt in naaj jāniji baat eo (bwe elōn̄ ippa). Baj kalimjōkļo̧k turin mejeer . . . būruwō ekar m̧ōņōņō.”
Jejjo wiik tokālik, wōnōr eo an jikin kōm̧m̧an wa eo eaar loļo̧k Tuitubou. Eaar ba, “Raar itok kōn juon pāāk in cassava im bwijin ni.” “Kam̧m̧oolol eo rekar itok kake ekar lukkuun kabun̄ būruōn.”
Armej eo waan wa eo “ekar jiron̄ eō bwe jabdewōt ej bōktok ejjab n̄an (bōk jikin) baat eo, ak e im baam̧le eo an rej kam̧m̧olool im kar jar kōn eō im baam̧le eo a,” Tuitubou eaar keememej.
Ekar etal wōt im ba, “Eaar kwaļo̧k n̄an baam̧le eo an im ro m̧ōttan elmen an juon ruwamājet kar jipan̄ juon nej neju ilo iaļ eo, im elmen an Anij kar likūt er ilo jikin eo ejejjet im iien eo ejjejet n̄an n̄a bwe in itok im jipan̄ er.”
Tuitubou eaar ba ej kam̧m̧olool bwe ekar maron̄ jipan̄. “Ij tōmak ewōr ad iien em̧m̧an n̄an jipan̄ ro jet, jipan̄ er kōnke kwomaron̄ jipan̄ armej eo ilo juon wāween em̧m̧an me enaaj kōjeraam̧m̧an eok ilo juon wāween eļap.”
“Men̄e iien ko reppen jej diplo̧ki, ekadu kitien ekar likut juon ettōn̄ dikik iturin meja im kar kōm̧m̧an bwe in pojak n̄an bar bōk juon m̧aiļ n̄an jipan̄ n̄e imaron̄e ilo jabdewōt aō jipan̄.”
Ilo Oktoba in 2019 Kweilo̧k eo Eļap an Kabun̄ eo an Jisōs Kraist im Armej ro Rekwojarjar ilo Raan Ko Āliktata, Būreejtōn Russell M. Nelson ekar ba: “Armej ro Rekwojarjar ilo Raan Ko Āliktata, ippānļo̧k rikaļoor ro jet an Jisōs Kraist, rej iien otemjeļo̧k pukot wāween ko n̄an jipan̄, n̄an lōn̄aj, im n̄an iakwe ro jet. Rej ro rej m̧ōņōņō in kūr er armej ro an Irooj ‘rej m̧ōņōņō in ineek eddo ko an ro jet, . . . n̄an jan̄ ippān ro rej jan̄; . . . im [n̄an] kaenōm̧m̧an ro rej aikuj inem̧m̧an.’ Rej m̧ool in kappukot n̄an mour kake Kien eo Eļap im m̧okta. N̄e jej iakwe Anij kōn aolepen būruwōd, Ej ukōt būruwōd n̄an em̧m̧an eo an ro jet ilo aiboojoj, wāween em̧m̧an” (Russell M. Nelson, “Kien eo Eļap Kein Karuo”, Liaona, Nobōm̧ba, 2019, 96).